Alaha d'Shawzew|ܐܲܠܵܗܵܐ ܕܫܵܘܙܸܒ݂|ܐܠܗܐ ܕܫܘܙܒ

ܫܵܘܙܸܒܲܝܢܝ ܘܦܲܨܵܢܝ ܡܢ ܕܵܪܵܐ ܗܵܢܵܐ ܠܥܵܠܲܡ. ܐܲܠܵܗܵܐ ܕܫܵܘܙܸܒ݂ ܠܲܕ݂ܒܹܝܬ݂ ܚܹܙܲܩܝܵܐ: ܘܦܲܨܝܵܗ̇ ܠܐܘܿܪܸܫܠܸܡ ܡܢ ܐܵܬ݂ܘܿܪܵܝܵܐ. ܐܲܓܸ݁ܢ ܝܲܡܝܼܢܵܟ݂ ܘܲܦܪܘܿܩ ܠܣܵܓ݂ܘܿܕܲܝ̈ܟ: ܘܠܵܐ ܡܵܪܝ ܬܲܝܬܸ݁ܐ ܥܠܲܝܢ ܪܸܓ݂ܠܵܐ ܥܲܫܝܼܢܬܵܐ. ܡܢ ܠܸܒܹ݁ܗ ܥܲܡܝܼܩܵܐ. ܟܲܕ݂ ܩܪܵܟ݂ ܒܲܪ ܐܝܼܫܲܝ ܡܵܪܝܵܐ ܘܲܥܢܲܝܬܵܝܗܝ: ܠܐܘܼܠܨܵܢܵܘ̈ܗܝ ܐܲܪܘܲܚܬ݁ ܘܠܲܒ݂ܥܸܠܕ݁ܒ݂ܵܒ݂ܵܘ̈ܗܝ ܣܚܲܦܬ݁. ܘܲܚܢܲܢ ܕܩܵܪܹܝ̇ܢܲܢ ܒܲܛܸܠ ܪ̈ܵܕ݂ܘܿܦܲܝܢ: ܘܩܲܝܸܡ ܥܹ̈ܕ݂ܵܬ݂ܵܐ ܕܠܲܨܠܝܼܒ݂ܵܟ݂ ܣܵܓ݂̈ܕܵܢ. ܫܲܒܲܚ. ܒܹܝܬ݂ ܓܵܘܣܵܐ ܗ݇ܝ ܪܲܒܵܐ ܒܬ݂ܘܼܠܬܵܐ ܩܲܕ݁ܝܼܫܬܵܐ: ܠܲܡܗܲܝܡܢܹ̈ܐ ܕܟ݂ܠܫܵܥ ܫܵܐ̇ܠܝܼܢ ܨ̈ܠܵܘܵܬ݂ܵܗ̇. ܒܚܲܝܠܵܐ ܕܲܨܠܘܿܬ݂ܵܗ̇ ܟܸܢܫܲܢ ܢܸܬ݂ܒܲܪܲܟ݂: ܘܥܹܕ݇ܬܵܐ ܬܸܬ݂ܟܲܗܲܢ ܒܫܲܝܢܵܐ ܘܐܵܘܝܘܼܬ݂ܵܐ. ܥܵܠܲܡ. ܢܒ݂ܝܼܹ̈ܐ ܘܲܫܠܝܼܚܹ̈ܐ ܘܣܵܗܕܹ̈ܐ ܘܡܲܠܦܵܢܹ̈ܐ: ܒܥܵܘ ܡܢ ܐܲܠܵܗܵܐ ܪ̈ܲܚܡܹܐ ܥܲܠ ܥܵܠܡܵܐ. ܠܟ݂ܵܗܢܹ̈ܐ ܐܵܘܝܘܼܬ݂ܵܐ ܠܡܲܠܟܹ̈ܐ ܬܲܪܥܘܼܬ݂ܵܐ: ܠܥܹܕ݇ܬܵܐ ܥܲܡ ܝܲܠܕܹ݁ܝ̈ܗ̇ ܫܘܼܒ݂ܩܵܢܵܐ ܕܚܵܘܒܹ̈ܐ. ܢܹܐܡܲܪ. ܐܲܒ݂ܘܼܢ ܩܲܕ݁ܝܼܫܵܐ ܪܵܚܡܹܗ ܕܲܡܫܝܼܚܵܐ: ܕܲܙܒܲܢ ܡܲܠܟ݁ܘܼܬ݂ܵܐ ܒܥܲܡܠܹ̈ܐ ܕܕ݂ܘܼܒܵܪ̈ܵܘܗܝ. ܒܥܝܼ ܚܠܵܦܲܝܢ ܪ̈ܲܚܡܹܐ ܡܢ ܡܵܪܵܟ݂ ܕܲܓ݂ܒ݂ܵܟ݂: ܕܲܢܪܲܚܸܡ ܥܠܲܝܢ ܘܢܸܦܪܘܿܩ ܢܲܦ̮̈ܫܵܬܲܢ.