Awa d'qushtha|ܐܲܒ݂ܵܐ ܕܩܘܼܫܬܵܐ|ܐܒܐ ܕܩܘܫܬܐ

ܐܲܒ݂ܵܐ ܕܩܘܼܫܬܵܐ

ܐܲܒ݂ܵܐ ܕܩܘܼܫܬܵܐ؛ ܗܵܐ ܒܪܵܟ݂ ܕܸܒ݂ܚܵܐ ܕܲܡܪܲܥܹܐ ܠܵܟ݂؛

ܠܗܵܢܵܐ ܩܲܒܸܠ؛ ܕܲܚܠܵܦܲܝ ܡܝܼܬ݂؛ ܘܐܸܬ݂ܚܲܣܸܐ ܒܹܗ܀

ܗܵܢ ܩܘܼܪܒܵܢܵܐ؛ ܣܲܒ݂ ܡ̣ܢ ܐܝܼܕܲܝ̈؛ ܘܐܸܬ݂ܪܲܥܵܐ ܠܝܼ؛

ܘܠܵܐ ܬܸܬܕܟ݂ܲܪ ܠܝܼ؛ ܚܛܵܗܹ̈ܐ ܕܣܸܥܪܸܬ؛ ܩܕ݂ܵܡ ܪܲܒܘܼܬ݂ܵܟ݂܀

ܗܵܐ ܕܡܹܗ ܐܲܫܝܼܕ݂؛ ܥܲܠ ܓܵܓ݂ܘܿܠܬܵܐ؛ ܡܸܛܠ ܦܘܼܪܩܵܢܝ؛

ܘܒ݂ܵܥܹܐ ܚܠܵܦܲܝ؛ ܩܲܒܸܠ ܒܵܥܘܼܬ݂ܝ؛ ܡܸܛܠܵܬܹܗ܀

ܟܡܵܐ ܠܝܼ ܚܵܘܒܹ̈ܐ؛ ܟܡܵܐ ܠܵܟ݂ ܪ̈ܲܚܡܹܐ؛ ܐܸܢ ܬܵܩܸܠ ܐܲܢ݇ܬ݁؛

ܚܢܵܢܵܟ݂ ܢܵܬܲܥ؛ ܛܵܒ݂ ܡ̣ܢ ܛܘܼܪܹ̈ܐ؛ ܕܲܬ݂ܩܝܼܠܝܼܢ ܒܵܟ݂܀

ܚܘܼܪ ܒܲܚܛܵܗܹ̈ܐ؛ ܚܘܼܪ ܒܲܥ̈ܠܵܬ݂ܵܐ؛ ܕܲܚܠܵܦܲܝܗܘܿܢ؛

ܕܣܲܓܝܼ ܪܲܒܵܐ؛ ܥܠܵܬ݂ܵܐ ܘܕܸܒ݂ܚܵܐ؛ ܡ̣ܢ ܚܵܘ̈ܒܵܬ݂ܵܐ܀

ܡܸܛܠ ܕܲܚܛܹܝܬ݂؛ ܨܸܨܹ̈ܐ ܘܪܘܼܡܚܵܐ؛ ܣܒܲܠ ܚܲܒܝܼܒ݂ܵܟ݂؛

ܘܣܲܦܩܝܼܢ ܚܲܫܵܘ̈ܗܝ؛ ܕܲܢܪܲܥܘܼܢܵܟ݂؛ ܘܲܒ݂ܗܘܿܢ ܐܸܚܹܐ܀

ܫܘܼܒ݂ܚܵܐ ܠܐܲܒ݂ܵܐ؛ ܕܫܲܕܲܪ ܠܲܒ݂ܪܹܗ؛ ܡܸܛܠܵܬܲܢ؛

ܘܣܸܓ݂ܕܬܵܐ ܠܲܒ݂ܪܵܐ؛ ܘܒܲܙܩܝܼܦܘܼܬܹܗ؛ ܚܲܪܲܪ ܟܠܵܐ܀

ܬܵܘܕܝܼ ܠܪܘܼܚܵܐ؛ ܕܒܹܗ ܐܸܫܬܲܡܠܝܼ؛ ܐ݇ܪܵܙ ܦܘܼܪܩܵܢܲܢ؛

ܒܪܝܼـܟ݂ ܕܲܒ݂ܚܘܼܒܹܗ؛ ܐܲܚܝܼ ܠܟ݂ܠܲܢ؛ ܠܹܗ ܬܸܫܒ݁ܘܿܚܬܵܐ܀