Badmuth Salma|ܒܲܕ݂ܡܘܼܬ݂ ܨܲܠܡܵܐ|ܒܕܡܘܬ ܨܠܡܐ

ܕܒ݂ܵܣܵܠܝܼܩܹ̈ܐ. ܒܩܵܠܵܐ ܪܲܒܵܐ. ܡܸܛܠ ܕܲܒ݂ܨܲܠܡܵܐ ܡܗܲܠܸܟ݂ ܓܲܒ݂ܪܵܐ ܘܐܲܝܟ݂ ܠܲܗܓܵܐ ܚܵܡܹܐ: ܘܲܚܛܵܗܲܝ̈ ܠܘܼܩܒܲܠܝ ܐܸܢܘܿܢ ܒܟ݂ܠܙܒܲܢ. ܕܲܒ݂ܪܹܫ ܟܬ݂ܵܒܹ̈ܐ ܟܬ݂ܝܼܒ݂ ܥܠܲܝ. ܕܨܘܼܪܬܵܐ. ܕܲܟ݂ܬ݂ܝܼܒ݂ܝܼܢ ܒܩܲܢܝܵܐ ܕܦܲܪܙܠܵܐ ܘܲܒ݂ܛܸܦܪܵܐ ܕܫܵܡܝܼܪܵܐ. ܒܲܕ݂ܡܘܼܬ݂ ܨܲܠܡܵܐ ܕܥܲܠ ܕܲܦܵܐ ܡܪܲܫܲܡ. ܒܟ݂ܠܗܘܿܢ ܚܵܘܒܲܝ̈ ܐܵܦ ܚܛܵܗܲܝ̈ ܡܵܪܝܵܐ. ܕܲܟ݂ܬ݂ܝܼܒ݂ܝܼܢ ܥܲܠ ܓܘܼܫ݇ܡܝ ܘܲܪܫܝܼܡܝܼܢ ܡܸܬ݂ܒܲܩܸܐ ܐ݇ܢܵܐ. ܘܲܒ݂ܟ݂ܠ ܥܸܕܵܢ ܒܸܗܬܲܬ݂ ܐܲܦܹ̈ܐ ܡܚܲܦܝܵܐ ܠܵܗ̇ ܠܢܲܦ̮ܫܝ ܦܵܪܘܿܩܝ. ܡܚܲܣܝܵܢܵܐ ܗܘܝܼ ܠܵܗ̇ ܠܚܵܝܵܒ݂ܘܼܬ݂ܝ ܘܐܸܬ݂ܪܲܚܲܡ ܥܠܲܝ: ܬܢܝܼ. ܫܲܒܲܚ. ܒܲܛܸܠܬ ܘܲܫܪܲܝܬ ܒܝܲܕ݂ ܨܠܝܼܒ݂ܵܟ݂ ܡܲܠܟܵܐ ܡܫܝܼܚܵܐ. ܛܘܼܥܝܲܝ ܟܠܵܗ̇ ܕܲܦܬܲܟ݂ܪܹ̈ܐ. ܘܐܵܘܪܸܒ݂ܬ ܘܝܲܩܲܪܬ ܠܟ݂ܠܗܘܿܢ ܐܲܝܠܹܝܢ ܕܗܲܝܡ̣ܢܘ ܒܵܟ݂. ܗܵܐ ܓܹܝܪ ܬܸܫܡܸܫܬܵܐ ܙܗܝܼܬ݂ܵܐ ܕܐ݇ܪ̈ܵܙܲܝܟ ܟܣܲܝ̈ܵܐ ܘܩܲܕܝܼܫܹ̈ܐ. ܐܲܝܟ݂ ܟܲܠܬ݂ܵܐ ܡܸܙܕܲܝܚܵܐ ܠܲܡܝܲܩܵܪܘܼ ܠܣܵܗܕܹ̈ܐ ܕܲܚܠܵܦܲܝܟ ܐܸܬ݂ܩܲܛܲܠܘ. ܟܵܗܢܹ̈ܐ ܕܹܝܢ ܕܲܡܙܲܡܪܝܼܢ. ܐܵܦ ܚܢܲܢ ܡܫܲܒܚܝܼܢܲܢ ܠܵܟ݂ ܘܐܵܡܪܝܼܢܲܢ. ܡܵܪܝܵܐ ܥܕܲܡܵܐ ܠܥܵܠܲܡ ܬܸܬ݂ܢ̱ܛܲܪ ܕܠܵܐ ܡܘܼܡܵܐ. ܗܲܝܡܵܢܘܼܬ݂ܵܐ ܕܲܫܪܵܪܵܐ.