Barekh Kolhon|ܒܲܪܸܟ݂ܘ ܟܠܗܘܿܢ|ܒܪܟܘ ܟܠܗܘܢ
The Song of the three children from Sundays' and Feast days' Sapra
Sundays' and Feast days' Sapra
Syriac Text
ܘܡܲܩܦܝܼܢ ܬܸܫܒ݁ܘܿܚܬܵܐ ܕܒܹܝܬ݂ ܚܲܢܵܢܝܵܐ ܘܲܒ݂ܙܵܘܓܹ̈ܐ ܡܸܬ݂ܐܲܡܪܵܐ ܥܲܡ ܩܵܢܘܿܢܵܗ̇ ܕܝܼܠܵܗ̇: ܟܲܕ݂ ܐܵܡܪܝܼܢ ܬܲܪܥܵܐ ܩܲܕ݂ܡܵܝܵܐ ܕܝܼܠܵܗ̇: ܒܵܬ݂ܪܹܗ ܐܵܡܪܝܼܢ ܬܲܪܥܵܐ ܩܲܕ݂ܡܵܝܵܐ ܕܒܲܪܸܟ݂ܘ: ܐܲܝـܟ݂ ܕܲܒ݂ܚܘܼܕ݂ܪܵܐ: ܘܟܸܢ ܡܲܩܦܝܼܢ ܕܫܲܪܟܵܐ. ܒܲܪܸܟ݂ܘ ܟܠܗܘܿܢ ܥܒ݂ܵܕ݂ܵܘ̈ܗܝ ܕܡܵܪܝܵܐ ܠܡܵܪܝܵܐ. ܒܲܪܸܟ݂ܘ ܫܡܲܝ̈ܵـܐ ܕܡܵܪܝܵܐ ܠܡܵܪܝܵܐ܀ ܫܲܒ݁ܚܘܼܗܝ ܘܪܲܡ̱ܪܡܘܼܗܝ ܠܥܵܠܲܡ. ܒܲܪܸܟ݂ܘ ܡܲܠܲܐܟ݂ܵܘ̈ܗܝ ܕܡܵܪܝܵܐ ܠܡܵܪܝܵܐ. ܒܲܪܸܟ݂ܘ ܡܲـ̈ـܝܵܐ ܕܲܠܥܸܠ ܡ̣ܢ ܫܡܲܝܵܐ ܠܡܵܪܝܵܐ܀ ܫܲܒ݁ܚܘܼܗܝ ܘܪܲܡ̱ܪܡܘܼܗܝ ܠܥܵܠܲܡ. ܒܲܪܸܟ݂ܘ ܟܠܗܘܿܢ ܚܲܝܠܵܘܵܬܹ̈ܗ ܕܡܵܪܝܵܐ ܠܡܵܪܝܵܐ. ܒܲܪܸܟ݂ܘ ܫܸܡܫܵܐ ܘܣܲܗܪܵܐ ܠܡܵܪܝܵܐ܀ ܫܲܒ݁ܚܘܼܗܝ ܘܪܲܡ̱ܪܡܘܼܗܝ ܠܥܵܠܲܡ. ܒܲܪܸܟ݂ܘ ܟܵܘܟ݁ܒܹ̈ܐ ܕܒܲܫܡܲܝܵܐ ܠܡܵܪܝܵܐ. ܒܲܪܸܟ݂ܘ ܡܸܛܪܵܐ ܘܛܲܠܵܐ ܠܡܵܪܝܵܐ܀ ܫܲܒ݁ܚܘܼܗܝ ܘܪܲܡ̱ܪܡܘܼܗܝ ܠܥܵܠܲܡ. ܒܲـܪܸ̈ܟܹܝܢ ܟܠܗܹܝܢ ܪ̈ܘܼܚܵܬ݂ܵܐ ܠܡܵܪܝܵܐ. ܒܲܪܸܟ݂ܘ ܢܘܼܪܵܐ ܘܚܘܼܡܵܐ ܠܡܵܪܝܵܐ܀ ܫܲܒ݁ܚܘܼܗܝ ܘܪܲܡ̱ܪܡܘܼܗܝ ܠܥܵܠܲܡ. ܒܲܪܸܟ݂ܘ ܠܸܠܝܵܐ ܘܐܝܼܡܵܡܵܐ ܠܡܵܪܝܵܐ. ܒܲܪܸܟ݂ܘ ܢܘܼܗܪܵܐ ܘܚܸܫܘܿܟ݂ܵܐ ܠܡܵܪܝܵܐ܀ ܫܲܒ݁ܚܘܼܗܝ ܘܪܲܡ̱ܪܡܘܼܗܝ ܠܥܵܠܲܡ. ܒܲܪܸܟ݂ܘ ܥܲܪܝܵܐ ܘܚܘܼܡܵܐ ܠܡܵܪܝܵܐ. ܒܲܪܸܟ݂ܘ ܬܲܠܓܵܐ ܘܲܓ݂ܠܝܼܕ݂ܵܐ ܠܡܵܪܝܵܐ܀ ܫܲܒ݁ܚܘܼܗܝ ܘܪܲܡ̱ܪܡܘܼܗܝ ܠܥܵܠܲܡ. ܒܲܪܸܟ݂ܘ ܒܲܪ̈ܩܹܐ ܘܲܥـܢܵـܢܹ̈ܐ ܠܡܵܪܝܵܐ. ܒܲܪܸܟ݂ܘ ܟܠܵܗ̇ ܐܲܪܥܵܐ ܠܡܵܪܝܵܐ܀ ܫܲܒ݁ܚܘܼܗܝ ܘܪܲܡ̱ܪܡܘܼܗܝ ܠܥܵܠܲܡ. ܒܲܪܸܟ݂ܘ ܛܘܼܪܹ̈ܐ ܘܪ̈ܵܡܵܬ݂ܵܐ ܠܡܵܪܝܵܐ. ܒܲܪܸܟ݂ܘ ܟܠ ܕܡܵܘܥܸܐ ܥܲܠ ܐܲܪܥܵܐ ܠܡܵܪܝܵܐ܀ ܫܲܒ݁ܚܘܼܗܝ ܘܪܲܡ̱ܪܡܘܼܗܝ ܠܥܵܠܲܡ. ܒܲܪܸܟ݂ܘ ܝܲܡܡܹ̈ܐ ܘܢܲܗܪ̈ܵܘܵܬ݂ܵܐ ܠܡܵܪܝܵܐ. ܒܲܪܸܟ݂ܘ ܡܲܒ݁ܘܼܥܹ̈ܐ ܕܡܲـ̈ـܝܵܐ ܠܡܵܪܝܵܐ܀ ܫܲܒ݁ܚܘܼܗܝ ܘܪܲܡ̱ܪܡܘܼܗܝ ܠܥܵܠܲܡ. ܒܲܪܸܟ݂ܘ ܢܘܼܢܹ̈ܐ ܘܟ݂ܠ ܕܪܵܚܹܫ ܒܡܲـ̈ـܝܵܐ ܠܡܵܪܝܵܐ. ܒܲܪܸܟ݂ܝ ܟܠܵܗ̇ ܦܵܪܲܚܬ݂ܵܐ ܕܲܫܡܲܝܵܐ ܠܡܵܪܝܵܐ܀ ܫܲܒ݁ܚܘܼܗܝ ܘܪܲܡ̱ܪܡܘܼܗܝ ܠܥܵܠܲܡ. ܒܲܪܸܟ݂ܘ ܟܠܵܗ̇ ܚܲܝܘ̱ܬ݂ܵܐ ܘܲܒ݂ܥܝܼܪܵܐ ܠܡܵܪܝܵܐ. ܒܲܪܟ݂ܘ ܒܢܲܝ̈ ܐ݇ܢܵܫܵܐ ܠܡܵܪܝܵܐ܀ ܫܲܒ݁ܚܘܼܗܝ ܘܪܲܡ̱ܪܡܘܼܗܝ ܠܥܵܠܲܡ. ܒܲܪܸܟ݂ܘ ܒܢܲܝ̈ ܐ݇ܢܵܫܵܐ ܠܡܵܪܝܵܐ. ܒܲܪܸܟ݂ܘ ܕܒܹܝܬ݂ ܝܑܼܣܪܵܝܹܠ ܠܡܵܪܝܵܐ܀ ܫܲܒ݁ܚܘܼܗܝ ܘܪܲܡ̱ܪܡܘܼܗܝ ܠܥܵܠܲܡ. ܒܲܪܸܟ݂ܘ ܟܵܗܢܵܘ̈ܗܝ ܕܡܵܪܝܵܐ ܠܡܵܪܝܵܐ. ܒܲܪܸܟ݂ܘ ܥܲܒ݂ܕܵܘ̈ܗܝ ܕܡܵܪܝܵܐ ܠܡܵܪܝܵܐ܀ ܫܲܒ݁ܚܘܼܗܝ ܘܪܲܡ̱ܪܡܘܼܗܝ ܠܥܵܠܲܡ. ܒܲܪܸ̈ܟܹܝܢ ܟܠܗܹܝܢ ܪ̈ܘܼܚܵܬ݂ܵܐ ܘܢܲܦ̮ܫ̈ܵܬ݂ܵܐ ܕܙܲܕ݁ܝܼܩܹ̈ܐ ܠܡܵܪܝܵܐ. ܒܲܪܸܟ݂ܘ ܬܲܡܝܼܡܹ̈ܐ ܘܡܲܟ݁ܝܼ̈ܟܲܝ ܠܸܒܵܐ ܠܡܵܪܝܵܐ܀ ܫܲܒ݁ܚܘܼܗܝ ܘܪܲܡ̱ܪܡܘܼܗܝ ܠܥܵܠܲܡ. ܒܲܪܸܟ݂ܘ ܚܲܢܵܢܝܵܐ ܘܥܲܙܲܪܝܵܐ ܘܡܝܼܫܵܐܹܝܠ ܠܡܵܪܝܵܐ. ܒܲܪܸܟ݂ܘ ܫܠܝܼܚܹ̈ܐ ܘܲܢܒ݂ܝܹ̈ܐ ܠܡܵܪܝܵܐ܀ ܫܲܒ݁ܚܘܼܗܝ ܘܪܲܡ̱ܪܡܘܼܗܝ ܠܥܵܠܲܡ. ܒܲܪܸܟ݂ܘ ܣܵܗܕܵܘ̈ܗܝ ܕܡܵܪܝܵܐ ܠܡܵܪܝܵܐ. ܒܲܪܸܟ݂ܘ ܟܠ ܕܩܵܝܡܝܼܢ ܒܒܲܝܬܹ݁ܗ ܕܡܵܪܝܵܐ ܠܡܵܪܝܵܐ܀ ܫܲܒ݁ܚܘܼܗܝ ܘܪܲܡ̱ܪܡܘܼܗܝ ܠܥܵܠܲܡ. ܡܒܲܪܟ݂ܝܼܢܲܢ ܠܐܲܒ݂ܵܐ ܘܠܲܒ݂ܪܵܐ ܘܲܠܪܘܼܚܵܐ ܕܩܘܼܕ݂ܫܵܐ: ܡܫܲܒ݁ܚܝܼܢܲܢ ܘܲܡܪܲܡܪ̱ܡܝܼܢܲܢ: ܠܥܵܠܲܡ ܥܵܠܡܝܼܢ. ܫܘܼܒ݂ܚܵܐ ܠܐܲܒ݂ܵܐ ܘܠܲܒ݂ܪܵܐ ܘܲܠܪܘܼܚܵܐ ܕܩܘܼܕ݂ܫܵܐ܀ ܡ̣ܢ ܥܵܠܲܡ ܘܲܥܕ݂ܲܡܵܐ ܠܥܵܠܲܡ ܐܵܡܹܝܢ ܘܐܵܡܹܝܢ܀ ܒܲܪܸܟ݂ܘ ܟܠܗܘܿܢ ܥܒ݂ܵܕ݂ܘ̈ܗܝ ܕܡܵܪܝܵܐ ܠܡܵܪܝܵܐ. ܒܲܪܸܟ݂ܘ ܫܡܲـ̈ـܝܵܐ ܕܡܵܪܝܵܐ ܠܡܵܪܝܵܐ܀ ܘܐܵܡܲܪ ܡܫܲܡܫܵܢܵܐ: ܢܨܲܠܹܐ ܫܠܵܡܵܐ ܥܲܡܲܢ.
Assyrian Church of the East
Source: Hudra of the ACOE, Darmo 1961, Vol I
Page ܩܘ
Chaldean Catholic Church
Assyrian Church of the East
Ancient Church of the East
To submit a recording for this hymn, please create an account
Comments
Add a comment
Your email address will not be published. Required fields are marked *