Basloth Sahda Giwargis|ܒܲܨܠܘܿܬ݂ ܣܵܗܕܵܐ ܓܝܼܘܲܪܓܝܼܣ|ܒܨܠܘܬ ܣܗܕܐ ܓܝܘܪܓܝܣ

ܡܲܕܪܵܫܵܐ

ܒܒܲܨܠܘܿܬ݂ ܟܹܐܪܹܐ.

ܥܘܼܢܵܝܵܐ:

ܒܲܨܠܘܿܬ݂ ܣܵܗܕܵܐ ܓܝܼܘܲܪܓܝܼܣ. ܥܢܝܼܢ ܡܵܪܲܢ ܕܩܵܪܹܝܢܲܢ ܠܵܟ݂. ܘܗܲܒ݂ܠܲܢ ܙܲܒ݂ܢܹ̈ܐ ܕܚܲܕ݂̈ܘܵܬ݂ܵܐ. ܕܢܸܥܒܸ݁ܕ݂ ܒܥܹܕ݁ܬܵܐ ܕܘܼܟ݂ܪܵܢܹܗ.

ܒܵܬܹ̈‍ܐ:

ܡܵܪܝ ܓܝܼܘܲܪܓܲܝܼܣ ܠܲܥܢܵܢܹ̈ܐ. ܟܵܠܹܐ ܕܠܵܐ ܢܵܚ̈ܬܵܢ ܒܲܪܕܵܐ. ܗ݀ܘ ܢܸـܟ݂ܠܸܐ ܡܸܢܲܢ ܗܵܫܵܐ. ܙܲܒ݂ܢܹ̈ܐ ܩܫܲܝ̈ܵܐ ܕܒ݂ܝܼ̈ܫܵܬ݂ܵܐ. ܡܵܪܝ ܓܝܼܘܲܪܓ݁ܝܼܣ ܒܓ݂ܵܘ ܝܲܡܵܐ. ܣܦܝܼܢܹ̈ܐ ܢܵܛܲܪ ܡ̣ܢ ܓܲܠ̈ܠܹܐ. ܘܲܬ݂ܟ݂ܝܼܠܝܼܢܲܢ ܕܢܵܛܲܪ ܠܲܢ. ܡ̣ܢ ܡܲܚܫܘܼܠܹ̈ܐ ܕܲܚܛܝܼܬ݂ܵܐ܀

ܡܵܪܝ ܓܝܼܘܲܪܓ݁ܝܼܣ ܠܪܵܘ̱ܪ̈ܒ݂ܵܢܹܐ. ܡܫܲܝܸܢ ܥܲܡ ܫܲܠܝܼܛܵܢܹ̈ܐ. ܘܲܡܣܲܟܹ݁ܝܢܲܢ ܕܐܵܦ ܠܐܲܬ݂ܪܲܢ. ܡܨܲܝܸܒ݂ ܫܠܵܡܵܐ ܐܵܦ ܫܲܝܢܵܐ. ܡܵܪܝ ܓܝܼܘܲܪܓܝܼܣ ܕܲܩܪܹܝܬܹܗ. ܢܸܬܸ݁ܠ ܠܝܼ ܫܲܝܢܵܐ ܫܲܦܝܵܐ. ܕܐܹܩܲܪܸܒ݂ ܐܲܡܝܼܢܵܐܝܼܬ݂. ܦܹܐܪܹ̈ܐ ܕܫܘܼܒ݂ܚܵܐ ܠܐܲܠܵܗܵܐ܀

ܡܵܪܝ ܓܝܼܘܲܪܓܝܼܣ ܒܥܝܼ ܚܠܵܦܲܝ. ܕܠܵܐ ܐܸܬ݂ܐ̱ܠܸܨ ܡ̣ܢ ܚܲܫܹ̈ܐ. ܘܬܸܗܘܸܐ ܢܲܦ̮ܫܝ ܒܲܨܠܵܘ̈ܵܬ݂ܵܟ݂. ܢܵܘܣܵܐ ܕܲܟ݂ܝܵܐ ܠܐܲܠܵܗܵܐ. ܘܢܸܬ݂ܝܲܬ݁ܪܘܼ ܒܝܼ ܕܘܼܒܵܪܹ̈ܐ. ܕܫܲܦܝܼܪܝܼܢ ܥܲܠ ܡܵܪܘܼܬܹܗ. ܘܐܸܚܙܹܝܟ݂ ܒܐܲܬ݂ܪܵܐ ܫܡܲܝܵܢܵܐ. ܥܲܡ ܣܵܗܕܹ̈ܐ ܕܐܸܬ݁ܕܲܡܝܼܘ ܒܵܟ݂܀