B'eda D'yawman|ܒܥܹܐܕܵܐ ܕܝܵܘܡܵܢ|ܒܥܐܕܐ ܕܝܘܡܢ
B'eda D'yawman - This Marian hymn is used exclusively by the Malabar Catholics, and was composed in Kerala - sung during the feasts of Mart Maryam.
Syriac Text
ܒܥܹܐܕܵܐ ܕܝܵܘܡܵܢ
ܒܥܹܐܕܵܐ ܕܝܵܘܡܵܢ ܢܸܓܕܘܿܠ ܟܠܝܼܠܵܐ. ܕܲܙܡܝܼܪ̈ܵܬ݂ܵܐ ܠܐܝܼܩܵܪ ܡܲܪܝܲܡ܀
ܠܒ݂ܝܼܫܲܬ݂ ܫܸܡܫܵܐ ܣܐܝܼܢܲܬ݂ ܣܲܗܪܵܐ ܘܐܸܣܛܪܘܿܣ ܟܠܝܼܠܵܐ ܥܲܠ ܪܹܫ ܡܲܪܝܲܡ܀
ܚܵܘܵܐ ܒܬ݂ܘܼܠܬܵܐ ܐܲܥܠܲܬ݀ ܡܵܘܬܐܵ ܚܲܝܹ̈ܐ ܝܸܗ݇ܒܲܬ݀ ܒܬ݂ܘܼܠܬܵܐ ܡܲܪܝܲܡ܀
ܙܠܵܦܬ݂ܵܐ ܕܟܝܼܬ݂ܵܐ ܡܣܲܬ݁ܪܲܬ݂ ܠܡܸܠܬ݂ܵܐ. ܡܲܪܓܵܢܝܼܬ݂ܵܐ ܡܵܪܬܵܐ ܡܲܪܝܲܡ܀
ܒܬ݂ܘܼܠܬܵܐ ܒܵܛܢܵܐ ܒܬ݂ܘܼܠܬܵܐ ܝܵܠܕܵܐ ܠܐܲܠܵܗ ܡܸܠܬ݂ܵܐ ܕܠܵܐ ܚܒ݂ܵܠ ܡܲܪܝܲܡ܀
ܐܘܿ ܬܸܕ݂ܡܘܼܪܬܵܐ ܕܲܒ݂ܬ݂ܘܼܠܘܼܬ݂ܵܐ. ܒܬ݂ܘܼܠܬܵܐ ܘܐܸܡܵܐ ܠܥܵܠܲܡ ܡܲܪܝܲܡ܀
ܥܲܠ ܣܲܢܝܵܐ ܢܘܼܪ ܒܲܕܡܘܼܬ݂ ܛܲܠܵܐ. ܘܐܲܠܵܗ ܡܸܠܬ݂ܵܐ ܒܓܵܘ ܥܘܼܒ݁ ܡܲܪܝܲܡ܀
ܟܝܵܢܹ̈ܐ ܬܪܲܝܵܢ ܕܠܵܐ ܣܵܟ݂ ܚܘܼܠܛܵܢ. ܩܢܘܿܡܵܐ ܚܕܵܢܵܝ ܗܘ̣ ܒܲܪ ܡܲܪܝܲܡ܀
ܠܵܘ ܬܪܹܝܢ ܒܢܲܝ̈ܵܐ ܐܸܠܵܐ ܚܲܕ݂ ܒܪܵܐ. ܒܲܪ ܐܲܠܵܗܵܐ ܗܘܼܝܘܼ ܕܡܲܪܝܲܡ܀
ܐܲܠܵܗ ܡܬ݂ܘܿܡܵܝ ܘܐ݇ܢܵܫܵܐ ܡܫܲܡܠܲܝ. ܡܫܝܼܚܵܐ ܨܒ݂ܵܐܘܿܬ݂ ܕܝܸܠܕܲܬ݀ ܡܲܪܝܲܡ܀
ܠܵܐ ܐܸܬܛܲܡܐܲܬ݀ ܒܲܙܪܲܥ ܕܐܵܕܵܡ. ܘܲܗܘܵܬ݀ ܟܠܵܗ݁ ܕܠܵܐ ܡܘܼܡ ܡܲܪܝܲܡ܀
ܡܵܪܬܵܐ ܕܝܲܡܵܐ ܟܢܝܼܫܘܲܬ݂ ܙܲܠܓܹ̈ܐ ܕܟܠ ܩܲܕ݁ܝܼܫܘܼ ܐܝܼܬܹܝܗ̇ ܡܲܪܝܲܡ܀
ܚܸܫܘܿܟ݂ ܫܸܡܫܵܐ ܘܥܲܡܛܵܢ ܣܲܗܪܵܐ. ܘܟܵܘ̈ܟ݁ܒܹܐ ܕܠܵܐ ܢܗܘܿܪ ܩܕܵܡܸܝܗ݁ ܕܡܲܪܝܲܡ܀
ܣܪ̈ܵܦܹܐ ܣܵܓܕܝܼܢ ܟܪ̈ܘܿܒܹܐ ܒܵܪܟܝܼܢ. ܘܚܲܝ̈ܠܹܐ ܢܵܦܠܝܼܢ ܠܥܹܝܢܹܝܗ̇ ܕܡܲܪܝܲܡ܀
ܪܘܼܟܵܒ݂ ܦܲܓܪܵܗ̇ ܠܵܐ ܣܵܟ݂ ܐܸܫܬ݁ܪܝܼ. ܘܐܸܬ݁ܬ݁ܩܝܼܡ ܡ̣ܢ ܒܪܵܗ̇ ܗܲܝܟܲܠ ܡܲܪܝܲܡ܀
ܘܕܲܒ݂ܪܵܗ̇ ܠܛܘܼܒܹ̈ܐ ܕܲܫܡܲܝܵܢܹ̈ܐ. ܘܡ̣ܢ ܝܲܡܝܼܢܹܗ ܐܵܘܬ݁ܒ݂ܵܗ̇ ܠܡܲܪܝܲܡ܀
ܥܲܠ ܟܠ ܒܪܝܼܬ݂ܵܐ ܘܫܘܼܠܛܵܢ ܥܸܠܵܝ. ܕܐܲܣܘܼܡ̈ܛܵܢܹܐ ܣܵܡܵܗ̇ ܠܡܲܪܝܲܡ܀
ܥܒ݂ܵܕ ܨܸܒ݂̈ܥܵܢ ܩܘܿܣܡܘܿܩܪܵܛܘܿܪ. ܡܲܠܟ݁ܬ݂ܵܐ ܡܨܲܒ݁ܬ݂ܵܐ ܙܗܝܼܬ݂ܵܐ ܡܲܪܝܲܡ܀
ܦܲܪܕܲܝܣ ܥܕܸܢ ܟܪܝܼܟ݂ܵܐ ܒܲܫܢܵܢ. ܕܒ݂ܵܗ̇ ܢܨܝܼܒ݂ ܐܝܼܠܵܢ ܕܚܲܝܹ̈ܐ ܡܲܪܝܲܡ܀
ܗܝܼ ܥܲܡܘܼܕܵܐ ܘܫܘܼܪܵܪ ܥܹܕܬܵܐ. ܬܲܪܥܵܐ ܕܡܲܕ݂ܢܲܚ ܕܐܲܚܝܼܕ݂ ܡܲܪܝܲܡ܀
ܐܲܥܸܠܲܝܢ ܡܵܪܝ ܒܗܵܢܵܐ ܬܲܪܥܵܐ. ܠܛܘܼܒܹ̈ܐ ܥܵܠܡܝܼܢ ܐܵܡܹܝܢ ܘܐܵܡܹܝܢ܀
Syro-Malabar Church
To submit a recording for this hymn, please create an account
Comments
Add a comment
Your email address will not be published. Required fields are marked *