B'hasha W'dem'e Ga'en Awdayk|ܒܚܲܫܵܐ ܘܕܸܡܥܹ̈ܐ ܓܵܥܹܝܢ ܥܲܒ݂ܕܲܝܟ|ܒܚܫܐ ܘܕܡܥܐ ܓܥܝܢ ܥܒܕܝܟ

ܫܘܼܚܠܵܦܵܐ ܩܲܕ݂ܡܵܝܵܐ

ܒܪܘܼܟܵܒ݂ ܒܐܘܼܪܚܵܐ ܕܪܗ݇ܘܿܡܹܐ.

ܐܲܝܟ݂ ܐܲܝܠܵܐ ܕܓ݂ܵܥܹܐ ܥܲܠ ܦܨܝܼܕ݂ܵܐ ܕܡܲܝ̈ܵܐ. ܒܚܲܫܵܐ ܘܕܸܡ̈ܥܹܐ ܓܵܥܹܝܢ ܥܲܒ݂ܕܲܝ̈ܟ؛ ܠܘܵܬܼܵܟ݂ ܡܵܪܝܵܐ؛ ܡܲܥܒܲܪ ܚܲܫܹ̈ܐ. ܐܲܥܒܲܪ ܡ̣ܢܲܢ: ܙܲܒ݂ܢܵܐ ܒܝܼܫܵܐ؛ ܕܲܠܚܝܼܡ ܥܠܲܝܢ. ܐܲܟ݂ܡܵܐ ܕܐܲܥܒܲܪܬ؛ ܡ̣ܢ ܢܝܼܢ̈ܘܵܝܹܐ؛ ܫܲܒ݂ܛܵܐ ܕܪܘܼܓ݂ܙܵܐ. ܘܪܲܣܸܬ݁ ܥܠܲܝܗܘܿܢ؛ ܛܲܠܵܐ ܕܪ̈ܲܚܡܹܐ؛ ܘܲܕ݂ܚܵܘܣܵܢܵܐ. ܐܲܢَܬ݁ܘܼ ܕܒܲܪܸܟ݂ܬ݁؛ ܩܲܪܢܵܗ̇ ܘܩܘܼܠܬ݂ܵܗ̇؛ ܕܗܵܝ ܐܲܪܡܲܠܬܵܐ. ܘܐܲܢَܬ݁ܘ݂ ܕܙܲܕܸܩ؛ ܠܡܵܟ݂ܣܵܐ ܒܗܲܝܟܠܵܐ؛ ܚܢܵܢܵܟ݂ ܪܲܒܵܐ. ܘܐܲܢَܬ݁ܘܼ ܕܐܲܣ̣ܝܼܬ݁؛ ܟܹܐܒ݂ܵܐ ܟܣܲܝܵܐ؛ ܕܗܵܝ̇ ܡܡܲܚܲܝܬܵܐ܀ ܦܘܿܩ ܒܲܒ݂ܥܵܬܵܐ؛ ܕܐܲܝܠܹܝܢ ܕܩܵܪܹܝܢ ܠܲܫܡܵܟ݂ ܟܠܝܘܿܡ. ܘܠܵܐ ܡܵܪܝ ܬܲܗܡܸܐ؛ ܡ̣ܢ ܒܵܥܘܼܬ݂ܵܐ ܕܲܡܫܲܒ݁ܚܵܢܲܝ̈ܟ. ܣܲܒ݂ܪܵܐ ܕܟܹܐܢܹ̈ܐ؛ ܘܐܝܼܵܠܵܐ ܕܲܡܫܵܘ̈ܚܕܹܐ܀ ܥܲܕܲܪ ܠܲܢ ܡܵܪܝ ܒܐܘܼ̈ܠܨܵܢܲܝܢ؛ ܘܣܲܝܲܥ ܠܲܢ ܒܛܲܝܒ݁ܘܼܬ݂ܵܟ݂. ܘܦܲܢܵܐ ܠܲܢ ܒܪ̈ܲܚܡܲܝܟ ܫܹ̈ܐܠܵܬܲܢ ܝܵܕܲܥ ܟܠ.