B'madnahay Sapra|ܒܡܲܕ݂ܢܵܚܲܝ̈ ܨܲܦܪܵܐ|ܒܡܕ݂ܢܚܝ̈ ܨܦܪܐ
Min Alam of the Onitha D'sapra, Resh Qala
Prayer from Sapra
ܡ̣ܢ ܥܵܠܲܡ ܘܲܥܕ݂ܲܡܵܐ ܠܥܵܠܲܡ ܐܵܡܹܝܢ ܘܐܵܡܹܝܢ: ܒܡܲܕ݂ܢܵܚܲܝ̈ ܨܲܦܪܵܐ ܠܵܟ݂ܘܼ ܡܵܪܝܵܐ ܡܫܲܒ݁ܚܝܼܢܲܢ. ܕܐܲܢ݇ܬ݁ܘܼ ܦܵܪܘܿܩܵܐ ܕܟ݂ܠ ܒܸܪ̈ܝܵܬ݂ܵܐ. ܗܲܒ݂ܠܲܢ ܒܲܚܢܵܢܵـܟ݂. ܐܝܼܡܵܡܵܐ ܕܲܡܠܹܐ ܫܲܝܢܵܐ. ܘܲܥܒܸܕ݂ ܠܲܢ ܫܘܼܒ݂ܩܵܢܵܐ ܕܲܚܛܵܗܹ̈ܐ܀ ܣܲܒ݂ܪܲܢ ܠܵܐ ܬܸܦܣܘܿܩ ܘܬܲܪܥܵـܟ݂ ܒܐܲܦܲـܝ̈ܢ ܠܵܐ ܬܹܐܚܘܿܕ݂. ܘܲܒ݂ܛܝܼܠܘܼܬ݂ܵܟ݂ ܡ̣ܢܲܢ ܠܵܐ ܬܸܟ݂ܠܸܐ. ܘܐܲܟ݂ܡܵܐ ܕܫܵܘܹܝܢܲܢ ܐܲܠܵܗܵܐ ܠܵܐ ܬܸܦܪܥܲܢ: ܕܐܲܢ݇ܬ݁ܘܼ ܒܲܠܚܘܿܕ݂ ܝܵܕܲܥ ܡܚܝܼܠܘܼܬܲܢ܀ ܙܪܘܿܥ ܡܵܪܲܢ ܒܬܹܒܹܝܠ. ܚܘܼܒܵܐ ܘܫܲܝܢܵܐ ܘܐܵܘܝܘܼܬ݂ܵܐ. ܘܩܲܝܸܡ ܟܵܗܢܹ̈ܐ ܘܡܲܠܟܹ̈ܐ ܘܕܲܝܵـܢܹ̈ܐ. ܘܫܲܝܸܢ ܪܵܘܪ̈ܒ݂ܵܢܹܐ ܘܐܲܣܵܐ ܟܪ̈ܝܼܗܹܐ ܘܛܲܪ ܠܲܚܠܝܼܡܹ̈ܐ. ܘܚܲܣܵܐ ܚܵܘܒܹ̈ܐ ܕܟ݂ܠܗܘܿܢ ܒܢܲܝ̈ـܢܵܫܵܐ܀ ܒܐܘܼܪܚܵܐ ܕܪܵܕܹܝܢܲܢ ܬܢܲܛܲܪ ܠܲܢ ܡܵܪܝ ܛܲܝܒ݁ܘܼܬ݂ܵܟ݂.ܐܲܝـܟ݂ ܕܲܠܕ݂ܵܘܝܼܕ݂ ܛܲܠܝܵܐ ܡ̣ܢ ܫܵܐܘܿܠ. ܗܲܒ݂ܠܲܢ ܒܲܚܢܵܢܵـܟ݂ ܗܵܘ̇ ܡܵܐ ܕܲܥܠܵܘܗܝ ܚܵܙܩ݁ܝܼܢܲܢ. ܕܐܲܝـܟ݂ ܨܸܒ݂ܝܵـܢܵـܟ݂ ܢܡܲܢܲܥ ܒܲܫܠܵܡܵܐ܀ ܛܲܝܒ݁ܘܼܬܵܐ ܕܢܲܛܪܲܬ̤ ܠܲܢܒ݂ܝܼܵܐ ܡܘܼܫܹܐ ܒܝܲܡܵܐ. ܘܲܠܕ݂ܵܢܝܼـܐܹܢܠ ܐܲܤܩܲܬ̤ ܡ̣ܢ ܓܘܼܒܵܐ. ܘܒ݂ܵܗ̇ ܬܘܼܒ݂ ܐܸܫܬܵܘܙܲܒ݂ܘ ܕܒܹܝܬ݂ ܚܲܢܲܢܝܵܐ ܒܐܲܬ݁ܘܿܢܵܐ. ܒܵܗ̇ ܦܲܨܵܐ ܠܲܢ ܡܵܪܲܢ ܡ̣ܢ ܒܝܼܫܵܐ܀
Assyrian Church of the East
Source: Hudra of the ACOE, Darmo 1961, Vol I
Page ܣܕ
Assyrian Church of the East
Source: Hudra of the ACOE, Darmo 1961, Vol III
Page ܪܝܐ , Onitha d'sapra of the Fourth Sunday of Shlihe
Syro-Malabar Church
Chaldean Catholic Church
Assyrian Church of the East
To submit a recording for this hymn, please create an account or email it to gbinu44@gmail.com
Comments
Add a comment
Your email address will not be published. Required fields are marked *