O Gannana (ܐܘ ܓܢܢܐ)

Text

Syriac Text

ܒܪܝܼܟ݂ ܒܲܪ ܛܵܒ݂ܵܐ

ܥܘܼܢܵܝܵܐ: ܒܪܝܼـܟ݂ ܒܲܪ ܛܵܒ݂ܵܐ؛ ܕܐܸܬ݁ܬܲܚܬܝܼ ܒܨܸܒ݂ܝܵܢܹܗ؛ ܘܐܸܬ݂ܵܐ ܒܚܘܼܒܹܗ ܡ̣ܢ ܪܵܘܡܵܐ ܠܦܘܼܪܩܵܢܲܢ܀ ܒܵܬܹ̈‍ܐ: ܐܘܿ ܓܲܢܵܢܵܐ ܟܡܵܐ ܫܲܦܝܼܪ ܦܲܪܕܲܝܣܵܟ݂. ܕܐܝܼܬ݂ ܒܹܗ ܩܲܒ݂ܪܵܐ ܘܲܓ݂ܢܘܿܢܵܐ ܠܓ݂ܵܘ ܡ̣ܢܹܗ. ܥܲܠ ܩܲܒ݂ܪܵܐ ܝܵܬ݂ܒ݁ܝܼܢ ܢܵܛܘܿܪܹ̈ܐ؛ ܘܲܓ݂ܢܘܿܢܵܐ؛ ܟܪ̈ܘܿܒܹܐ ܟܪܝܼܟ݂ܝܼܢ ܠܹܗ. ܟܡܵܐ ܫܲܦܝܼܪ ܠܹܟ݂ܝ ܡܲܪܝܲܡ؛ ܕܲܩܪܲܝܬܝܼܢܝ ܓܲܢܵܢܵܐ܀ ܐܸܬܲܬ̤ ܡܲܪܝܲܡ ܨܹܝܕ ܩܲܒ݂ܪܵܐ ܒܟܲܪܝܘܼܬ݂ܵܐ؛ ܘܲܚܙܵܬ̤ ܠܟܹܐܦܵܐ ܕܲܡܥܲܓܠܵܐ ܡ̣ܢ ܩܲܒ݂ܪܵܐ. ܐܲܝܟܵܘ ܗ̇ܘ ܢܘܼܗܪܵܐ ܕܬܸܫܒ݁ܘܿܚܬܵܐ؛ ܐܲܝܟܵܘ ܗ̇ܘ ܨܹܡܚܵܐ ܕܐ݇ܢܵܫܘܼܬܲܢ. ܡ̇ܢ ܫܲܩܠܹܗ ܠܗ̇ܘ ܢܘܼܗܪܵܐ؛ ܐܵܘ ܐܲܝܟܵܐ ܡܣܲܬܲܪ ܠܹܗ܀ ܒܵܟ݂ܝܵܐ ܡܲܪܝܲܡ ܟܲܕ݂ ܐܵܡܪܵܐ ܕܒܹܪܝ ܓܲܢܒ݂ܘܼܗܝ. ܝܵܘܣܸܦ ܐܵܡܲܪ ܫܠܵܝ ܡܲܪܝܲܡ ܕܠܵܐ ܓܲܢܒ݂ܘܼܗܝ. ܕܲܠܢܘܼܪܵܐ ܡ̇ܢ ܡܨܹܐ ܩܵܪܹܒ݂ ܠܵܗ̇؛ ܘܲܠܝܲܡܵܐ ܡ̇ܢ ܡܨܹܐ ܦܵܣܲܥ ܠܹܗ. ܡ̇ܢ ܢܵܦܸܠ ܒܓ݂ܵܘܙܲܠܬܵܐ ܕܐܲܝܟ݂ ܗܵܕܹܐ ܘܠܵܐ ܝܵܩܹܕ܀ ܓܵܥܝܵܐ ܡܲܪܝܲܡ ܘܠܵܝܛܵܐ ܠܗ݇ܘܿܢ ܠܝܗ݇ܘܼܕܵܝܹ̈ܐ. ܘܲܡܦܲܫܩܵܐ ܠܗ݇ܘܿܢ ܒܠܸܫܵܢܵܐ ܥܸܒ݂ܪܵܝܵܐ. ܒܹܝܬ݂ ܕܝܼܢܵܐ ܕܒܹܗ ܕܵܢܘܼܗܝ ܠܡܵܪܝ؛ ܠܵܐ ܢܗܹܐ ܗ݇ܘܵܐ ܕܲܝܵܢܵܐ ܕܕܵܐܹܢ. ܘܠܵܐ ܕܝܵܬܹܒ݂ ܥܲܠ ܟܘܼܪܣܝܵܐ ܡ̣ܢ ܥܲܡܵܐ ܕܝܗ݇ܘܼܕܵܝܹ̈ܐ܀ ܕܵܢܘܼܗܝ ܘܚܲܝܒ݂ܘܼܗܝ ܝܗ݇ܘܼܕܵܝܹ̈ܐ ܕܠܵܐ ܣܲܟ݂ܠܘܼ. ܘܐܲܣܸܩܘ ܨܲܠܒ݂ܘܼܗܝ ܥܲܠ ܩܲܝܣܵܐ ܘܟܸܢ ܩܲܒ݂ܪܘܼܗܝ. ܘܗ̇ܘ ܕܫܲܒ݂ܥܵܐ ܫܹܐܕܝܼ̈ܢ ܡܹܢܝ ܐܲܦܸܩ؛ ܘܲܒ݂ܢܘܼܪܵܐ ܕܚܘܼܒܹܗ ܝܵܩܕܵܐ ܐ݇ܢܵܐ. ܕܝܵܘܡܵܢ ܩܵܡ ܡ̣ܢ ܩܲܒ݂ܪܵܐ؛ ܠܹܗ ܫܘܼܒ݂ܚܵܐ ܠܗܘܿܢ ܘܵܝܵܐ܀ ܫܘܼܒ݂ܚܵܐ ܠܲܫܡܹܗ ܒܟ݂ܠ ܙܲܒ݂ܢ̈ܝܼܢ ܘܥܸܕܵܢ̈ܝܼܢ. ܘܠܐܲܒ݂ܵܐ ܕܫܲܠܚܹܗ ܠܦܘܼܪܩܵܢܲܢ ܬܵܘܕܝܼܬ݂ܵܐ. ܘܲܠܪܘܼܚܵܐ ܕܩܘܼܕܫܵܐ ܗܘܼܠܵܠܵܐ؛ ܚܲܕ݂ ܟܝܵܢܵܐ ܓܢܝܼܙܵܐ ܕܠܵܐ ܡܸܬܕܪܸܟ݂. ܘܲܥܠܲܝܢ ܪ̈ܲܚܡܵܘܗܝ ܢܸܗܘܘܿܢ؛ ܠܥܵܠܲܡ ܥܵܠܡܝܼܢ ܐܵܡܹܝܢ܀ ܬܵܘܕܝܼܬ݂ܵܐ ܠܹܗ ܡ̣ܢ ܟܸܢܫܲܢ ܣܵܟ݂ܵܐܝܼܬ. ܘܣܸܓ݂ܕܬ݂ܵܐ ܠܲܫܡܹܗ ܡ̣ܢ ܟܠܲܢ ܦܪܝܼܫܵܐܝܼܬ݂. ܘܲܚܢܵܢܹܗ ܥܠܲܝܢ ܐܲܡܝܼܢܵܐܝܼܬ݂؛ ܕܲܡܫܝܼܚܵܐ ܕܩܵܡ ܓܲܢَܒܵܪܵܐܝܼܬ݂. ܘܚܲܕܝܼ ܠܲܢ ܕܡܝܼܪܵܐܝܼܬ݂؛ ܝܵܘܡܵܢܵܐ ܬܗܝܼܪܵܐܝܼܬ݂܀