Brikh Hannana|ܒܪܝܼܟ݂ ܚܲܢܵܢܵܐ|ܒܪܝܟ ܚܢܢܐ

ܬܫܒܘܚܬܐ ܒܖܝܟ ܚܢܢܐ

ܚܕܒܫܒܐ ܐ ܕܣܘܒܖܐ - ܘܡܸܬ݂ܐܲܡܪܵܐ ܥܕܲܡܵܐ ܠܕܸܢܚܵܐ ܚܘܕܪܐ ܕܥܹܕܬܵܐ ܕܡܲܕܢܚܵܐ ܕܟܠܕܝܐ

ܒܪܝܼܟ݂ ܚܲܢܵܢܵܐ ܕܲܒ݂ܛܲܝܒ݁ܘܼܬܹܗ. ܦܲܪܢܸܣ ܚܲܝܲܝܢ̈ ܒܲܢܒ݂ܝܼܘܼܬ݂ܵܐ܀

ܒܥܲܝܢܵܐ ܕܪܘܼܚܵܐ ܚܙܵܐ ܐܹܫܲܥܝܵܐ. ܠܝܲܠܕܵܐ ܬܡܝܼܗܵܐ ܕܲܒ݂ܬ݂ܘܼܠܘܼܬ݂ܵܐ܀

ܕܠܵܐ ܙܘܼܘܵܓ݂ܵܐ ܝܸܠܕܲܬ̤ ܡܲܪܝܲܡ. ܠܥܲܡܲܢܘܼܐܹܝܠ ܒܪܵܐ ܕܐܲܠܵܗܵܐ܀

ܕܡܸܢܵܗ̇ ܓܲܒ݂ܠܹܗ ܪܘܼܚܵܐ ܕܩܘܼܕ݂ܫܵܐ. ܠܦܲܓ݂ܪܵܐ ܣܓ݂ܝܼܕ݂ܵܐ¹ ܐܲܟ݂ܡܵܐ ܕܲܟ݂ܬ݂ܝܼܒ݂܀

ܕܢܸܗܘܸܐ ܡܚܲܝܕ݂ܵܐ ܒܲܓ݂ܡܝܼܪܘܼܬ݂ܵܐ. ܠܨܸܡܚܹܗ ܕܐܲܒ݂ܵܐ ܒܲܚܕ݂ܵܐ ܒܪܘܼܬ݂ܵܐ܀

ܘܥܲܡ ܫܘܼܪܵܝܵܐ ܕܒܲܛܢܹܗ ܬܗܝܼܪܵܐ. ܚܲܝܕܹܗ ܥܲܡܹܗ ܠܚܘܿܕ݂ ܒܚܲܕ݂ ܩܢܘܿܡܵܐ܀

ܕܲܢܡܲܠܸܐ ܒܹܗ ܟܠܗܹܝܢ ܕܝܼܠܹܗ. ܠܦܘܼܪܩܵܢ ܓܵܘܵܐ ܐܲܝܟ݂ ܕܲܫܼܦܲܪ ܠܹܗ܀

ܒܝܘܿܡ ܣܘܼܒܵܪܹܗ (ܐܵܘ ܡܵܘܠܵܕܹܗ) ܫܲܒ݁ܚܘܼܗܝ ܥܝܼܪܹ̈ܐ. ܒܗܘܼܠܵܠܲܝܗܘܿܢ ܒܪܵܘܡܵܐ ܕܲܠܥܸܠ܀

ܐܵܦ ܐܲܪ̈ܥܵܢܹܐ ܩܲܪܸܒ݂ܘ ܣܸܓ݂ܕܬ݂ܵܐ. ܒܩܘܼܪ̈ܒܵܢܲܝܗܘܿܢ ܒܚܲܕ݂ ܐܝܼܩܵܪܵܐ܀

ܚܲܕ݂ ܗ݇ܘ ܡܫܝܼܚܵܐ ܒܪܵܐ ܕܐܲܠܵܗܵܐ. ܣܓ݂ܝܼܕ݂ ܡ̣ܢ ܟܠ݈ܵܐ ܒܲܬ݂ܪܹܝܢ ܟܝܵܢܝܼܢ̈܀

ܕܒܲܐܠܵܗܘܼܬܹܗ ܝ݇ܠܝܼܕ݂ ܡ̣ܢ ܐܲܒ݂ܵܐ. ܕܠܵܐ ܫܘܼܪܵܝܵܐ ܠܥܸܠ ܡ̣ܢ ܙܲܒ݂ܢܹ̈ܐ܀

ܘܲܒ݂ܐ݇ܢܵܫܘܼܬܹܗ ܝ݇ܠܝܼܕ݂ ܡ̣ܢ ܡܲܪܝܲܡ. ܒܫܼܘܼܠܵܡ ܙܲܒ݂ܢܹ̈ܐ ܒܦܲܓ݂ܪܵܐ ܡܚܲܝܕ݂ܵܐ܀

ܠܵܐ ܐܲܠܵܗܘܼܬܹܗ ܡ̣ܢ ܟܝܵܢ ܐܸܡܵܐ. ܘܠܵܐ ܐ݇ܢܵܫܘܼܬܹܗ ܡ̣ܢ ܟܝܵܢ ܐܲܒ݂ܵܐ܀

ܢܛܝܼܪܝܼܢ ܟܝܵܢܹ̈ܐ ܒܕܝܼܠܵܝܵܬ݂ܗ̈ܘܿܢ. ܒܹܗ ܒܚܲܕ݂ ܩܢܘܿܡܵܐ ܕܲܚܕ݂ܵܐ ܒܪܘܼܬ݂ܵܐ܀

ܘܐܲܝܟܲܢ ܕܐܝܼܬܹܝܗ̇ ܐܲܠܵܗܘܼܬ݂ܵܐ. ܬܠܵܬ݂ܵܐ ܩܢܘܿܡܹ̈ܐ ܚܕ݂ܵܐ ܐܝܼܬ݂ܘܼܬ݂ܵܐ܀

ܗܵܟܲܢ ܐܝܼܬܹܝܗ̇ ܒܪܘܼܬܹܗ ܕܲܒ݂ܪܵܐ. ܒܲܬ݂ܪܹܝܢ ܟܝܵܢܝܼܢ̈ ܘܲܒ݂ܚܲܕ݂ ܩܢܘܿܡܵܐ܀

ܗܵܟܲܢ ܝܸܠܦܲܬ̤ ܥܹܕܲܬ݂ ܩܘܼܕ݂ܫܵܐ. ܕܬ݂ܵܘܕܹܐ ܒܲܒ݂ܪܵܐ ܕܗ̤ܘܝܘܼ ܡܫܝܼܚܵܐ܀

ܣܵܓ݂ܕܝܼܢܲܢ ܡܵܪܝ ܠܐܲܠܵܗܘܼܬ݂ܵܟ݂. ܘܲܠܐ݇ܢܵܫܘܼܬ݂ܵܟ݂ ܕܠܵܐ ܦܘܼܠܵܓ݂ܵܐ܀ ܬܢܝܼ :ܓ: ܙܲܒ݂ܢܝܼܢ̈.

ܚܲܕ݂ ܗ݇ܘܼ ܚܲܝܠܵܐ ܚܕ݂ܵܐ ܡܵܪܘܼܬ݂ܵܐ. ܚܲܕ݂ ܨܸܒ݂ܝܵܢܵܐ ܚܕ݂ܵܐ ܬܸܫܒ݁ܘܿܚܬܵܐ܀

ܠܐܲܒ݂ܵܐ ܘܲܒ݂ܪܵܐ ܘܪܘܼܚܵܐ ܕܩܘܼܕ݂ܫܵܐ. ܠܥܵܠܲܡ ܥܵܠܡܝܼܢ ܐܵܡܹܝܢ ܘܐܵܡܹܝܢ܀

1. Modifications from the original (made by Paul Bedjan) are marked in blue. Interestingly, these modifications are not present in another book published by the Lazarist Mission in Urmia in 1876, just 10 years prior to Bedjan.

ܬܸܫܒ݁ܘܿܚܬܵܐ ܕܚܲܕܒ݁ܫܲܒܹ̈ܐ ܕܣܘܼܒܵܪܵܐ ܘܲܕܝܲܠܕܵܐ

ܒܪܝܼـܟ݂ ܚܲܢܵܢܵܐ: ܕܲܒ݂ܛܲܝܒܘܼܬܹܗ.

ܦܲܪܢܸܣ ܚܲܝܲܝ̈ܢ: ܒܲܢܒ݂ܝܼܘܼܬ݂ܵܐ܀

ܒܥܲܝܢܵܐ ܕܪܘܼܚܵܐ: ܚ̣ܙܵܐ ܐܹܫܲܥܝܵܐ.

ܠܝܲܠܕܵܐ ܬܡܝܼܗܵܐ: ܕܲܒ݂ܬ݂ܘܼܠܘܼܬ݂ܵܐ܀

ܕܠܵܐ ܙܘܼܘܵܓ݂ܵܐ: ܝܸܠܕܲܬ̤ ܡܲܪܝܲܡ.

ܠܥܲܡܲܢܘܼܐܹܝܠ ܐ݇ܠܵܗܵܐ ܡܸܠܬ݂ܵܐ܀

ܕܡܸܢܵܗ̇ ܓܲܒ݂ܠܹܗ: ܪܘܼܚܵܐ ܕܩܘܼܕܫܵܐ.

ܠܦܲܓ݂ܪܹܗ ܕܲܟ݂ܝܵܐ: ܐܲܟ݂ܡܵܐ ܕܲܟ݂ܬ݂ܝܼܒ݂܀

ܘܲܗܘܵܐ ܡܚܲܝܕܵܐ: ܒܢܲܦ̮ܫܹܗ ܙܗܝܼܬ݂ܵܐ.

ܒܛܵܘܚܵܐ ܕܒܲܛܢܹܗ: ܠܲܩܢܘܿܡ ܡܸܠܬ݂ܵܐ܀

ܒܲܚܕܵܝܘܼܬ݂ܵܐ: ܕܠܵܐ ܡܸܬ݂ܦܲܪܫܵܐ.

ܘܲܩܢܘܿܡܵܝܬܵܐ: ܒܲܕܡܝܼܪܘܼܬ݂ܵܐ[ܒܲܟ݂ܝܵܢܵܝܬܵܐ]܀

ܕܲܢܡܲܠܸܐ ܒܹܗ: ܟܠܗܹܝ̈ܢ ܕܝܼܠܹܗ.

ܠܦܘܼܪܩܵܢ ܓܵܘܵܐ: ܐܲܝܟ݂ ܕܲܫܦܲܪ ܠܹܗ܀

ܒܝܘܿܡ ܣܘܼܒܵܪܹܗ[ܚܲܕܘܬܹܗ]:(ܐܵܘ ܡܵܘܠܵܕܹܗ) ܫܲܒ݁ܚܘܼܗܝ ܥܝܼܪܹ̈ܐ.

ܒܗܘܼܠܵܠܲܝ̈ܗܘܿܢ: ܒܪܵܘܡܵܐ ܕܲܠܥܸܠ܀

ܐܵܦ ܐܲܪ̈ܥܵܢܹܐ: ܩܲܪܹܒ݂ܘ ܣܸܓ݂ܕܬ݂ܵܐ.

ܒܩܘܼܪ̈ܒܵܢܲܝܗܘܿܢ: ܒܚܲܕ݂ ܐܝܼܩܵܪܵܐ܀

ܚܲܕ݂ ܗ݇ܘܼ ܡܫܝܼܚܵܐ: ܒܪܹܗ ܕܐܲܠܵܗܵܐ.
ܣܓ݂ܝܼܕ݂ ܡ̣ܢ ܟܠܵܐ: ܒܲܬ݂ܪܹܝܢ ܟܝܵـܢ̈ܝܼܢ܀

ܕܒܐܲܠܵܗܘܼܬܹܗ: ܝܼܠܝܼܕ݂ ܡ̣ܢ ܐܲܒ݂ܵܐ.

ܕܠܵܐ ܫܘܼܪܵܝܵܐ: ܠܥܸܠ ܡ̣ܢ ܙܲܒ݂ܢܹ̈ܐ܀

ܘܲܒ݂ܐ݇ܢܵܫܘܼܬܹܗ: ܝܠܝܼܕ݂ ܡ̣ܢ ܡܲܪܝܲܡ.

ܒܫܘܼܠܵܡ ܙܲܒ݂ܢܹ̈ܐ ܡܸܛܠ ܐ݇ܢܵܫܵܐ܀

ܠܵܐ ܐ݇ܠܵܗܘܼܬܹܗ: ܡ̣ܢ ܟܝܵܢ ܐܸܡܵܐ܀

ܘܠܵܐ ܐ݇ܢܵܫܘܼܬܹܗ: ܡ̣ܢ ܟܝܵܢ ܐܲܒ݂ܵܐ܀

ܢܛܝܼܪ̈ܝܼܢ ܟܝܵـܢܹ̈ܐ: ܒܕܝܼ̈ܠܵܝܵܬ݂ܗܘܿܢ.

ܒܲܩܢܘܿܡ ܡܸܠܬ݂ܵܐ: ܕܲܫܘܸܐ ܠܲܐܒܵܐ܀

ܘܐܲܝܟܲܢ ܕܐܝܼܬܹܝܗ̇: ܐܲܠܵܗܘܼܬ݂ܵܐ.

ܬܠܵܬ݂ܵܐ ܩܢܘܿܡܹ̈ܐ: ܚܕ݂ܵܐ ܐܝܼܬ݂ܘܼܬ݂ܵܐ܀

ܗܵܟܲܢ ܐܝܼܬܵܘܗܝ: ܩܢܘܿܡܹܐ ܕܡܸܠܬ݂ܵܐ.

ܒܲܬ݂ܪܝܢ ܟܝܵܢܝܼܢ. ܐܸܝܘ ܕܘܼܡܵܪܵܐ܀

ܗܵܟܲܢ ܡܲܠܦܵܐ: ܥܸܕܬܵܐ ܕܪܗ݇ܘܿܡܹܐ.

ܕܢܵܘܕܸܐ ܒܡܸܠܬ݂ܵܐ ܕܗܘܼܝܘܼ ܡܫܝܼܚܵܐ܀

ܣܵܓ݂ܕܝܼܢܲܢ ܡܵܪܝ: ܠܐܲܠܵܗܘܼܬ݂ܵܟ݂.

ܘܲܠܐ݇ܢܵܫܘܼܬ݂ܵܟ݂: ܕܠܵܐ ܦܘܼܠܵܓ݂ܵܐ܀ (ܬܢܝܼ: ܓ: ܙܲܒ݂ܢܝܼ̈ܢ)

ܚܲܕ݂ܘܼ ܚܲܝܠܵܐ: ܚܕ݂ܵܐ ܡܵܪܘܼܬ݂ܵܐ.

ܚܲܕ݂ ܨܸܒ݂ܝܵـܢܵܐ: ܚܕ݂ܵܐ ܫܘܼܦܪܘܼܬ݂ܵܐ܀

ܠܐܲܒ݂ܵܐ ܘܲܒ݂ܪܵܐ: ܘܪܘܼܚܵܐ ܕܩܘܼܕܫܵܐ.

ܠܥܵܠܲܡ ܥܵܠܡܝܼܢ: ܐܵܡܹܝܢ ܘܐܵܡܹܝܢ܀