B'sapra Shmoni M'haymanta|ܒܨܲܦܪܵܐ ܫܡܘܿܢܝܼ ܡܗܲܝܡܲܢܬܵܐ|ܒܨܦܪܐ ܫܡܘܢܝ ܡܗܝܡܢܬܐ

ܥܘܿܢܝ݂ܬ݂ܵܐ ܕܲܩܕ݂ܵܡ. ܒܣܵܗܕܵܘ̈ܗܝ ܕܲܒ݂ܪܵܐ. ܥܵܒܹ̇ܕ݂ ܕܝܼܢܵܐ ܠܲܛܠܝܼܡܹ̈ܐ: ܒܨܲܦܪܵܐ ܘܲܒ݂ܨܲܦܪܵܐ ܕܝܼܢܵܐ. ܒܨܲܦܪܵܐ ܫܡܘܿܢܝܼ ܡܗܲܝܡܲܢܬܵܐ. ܨܠܘܿܬ݂ܵܐ ܩܲܪܒܲܬ̤ ܠܐܲܠܵܗܵܐ. ܐܲܠܵܗܵܐ ܥܒܸܕ݂ ܠܝܼ ܕܝܼܢܵܐ. ܡ̣ܢ ܐܲܢܛܝܵܟ݂ܘܿܣ ܪܲܫܝܼܥܵܐ. ܕܠܲܒ݂ܢܲܝ̈ ܩܵܛܹ̇ܠ ܐܲܝܟ݂ ܐܸܡܪܹ̈ܐ. ܘܲܥܠܲܝ ܓܵܙܹ̇ܡ ܐܲܝܟ݂ ܐܲܪܝܵܐ: ܬܢܝ݂. ܫܲܒܲܚ. ܓܲܕܲܝ ܘܡܲܩܒܲܝ ܥܲܡ ܬܲܪܣܲܝ. ܘܚܸܒ݂ܪܘܿܢ ܘܚܸܒ݂ܨܘܿܢ ܥܲܡ ܒܵܟ݁ܘܿܣ. ܘܲܒ݂ܪܵܐ ܕܫܲܒ݂ܥܵܐ ܝܘܿܢܵܕ݂ܵܒ݂. ܘܡܲܠܦܵܢܗܘܿܢ ܐܸܠܝܼܥܵܙܲܪ. ܘܐܸܡܗܘܿܢ ܫܡܘܿܢܝܼ ܡܗܲܝܡܲܢܬܵܐ. ܨܠܘܿܬ݂ܗܘܿܢ ܫܘ݂ܪܵܐ ܬܸܗܘܸܐ ܠܲܢ. ܥܵܠܲܡ. ܡ̣ܢ ܫܲܒ݂ܥܵܐ ܒܢܲܝ̈ ܢܲܨܝܼܚܹ̈ܐ. ܐܵܡ̇ܪܵܐ ܠܹܗ ܫܡܘܿܢܝܼ ܠܡܲܠܟܵܐ. ܠܵܐ ܝܵܗ݇ܒܵܐ ܐ݇ܢܵܐ ܠܵܟ݂ ܡܸܢܗܘܿܢ. ܕܢܲܣܩܘܼܢ ܕܸܒ݂ܚܹ̈ܐ ܠܲܦܬܲܟ݂ܪܹ̈ܐ. ܠܐܲܠܵܗܵܐ ܝܵܗ݇ܒܵܐ ܐ݇ܢܵܐ ܠܗܘܿܢ. ܕܲܢܩܲܪܒ݂ܘܼܢ ܠܹܗ ܩܘ݂ܪ̈ܒܵܢܹܐ.