B'yalde dawra|ܒܝܲܠܕܹܗ ܕܲܒ݂ܪܵܐ|ܒܝܠܕܗ ܕܒܪܐ

ܒܝܲܠܕܹܗ ܕܲܒ݂ܪܵܐ ܢܘܼܗܪܵܐ ܕܢܲܚ

ܕܡܵܪܝ ܢܲܪܣܲܝ.

ܒܝܲܠܕܹܗ ܕܲܒ݂ܪܵܐ ܢܘܼܗܪܵܐ ܕܢܲܚ̣؛ ܘܲܪܕܲܦ ܚܸܫܟܵܐ ܡ̣ܢ ܥܵܠܡܵܐ.

ܘܢܸܗܪܲܬ̤ ܬܹܒܹܝܠ ܕܲܬ݂ܫܲܒ݁ܚܝܼܘܼܗܝ؛ ܠܨܸܡܚܹܗ ܕܐܲܒ݂ܵܐ ܕܒܲܝܗܘܼܕ݂ ܕܢܲܚ̣.܀

ܕܢܲܚ̣ ܡ̣ܢ ܟܲܪܣܵܐ ܕܲܒ݂ܬ݂ܘܼܠܬܵܐ؛ ܘܣܵܦ̣ܘ ܛܸܠܵܠܹ̈ܐ ܟܲܕ݂ ܐܸܬ݂ܚܙܝܼ.

ܘܚܸܫܟܵܐ ܕܛܘܼܥܝܲܝ ܒܹܗ ܐܸܬ݁ܕܚܸܩ؛ ܘܲܢܗܲܪܘ ܣܵܘܦܹ̈ܐ ܕܲܢܫܲܒ݁ܚܘܼܢ.܀

ܒܥܲܡܡܹ̈ܐ ܪܵܘܒܵܐ ܪܲܒܵܐ ܗܘ̤ܵܐ؛ ܕܲܒ݂ܚܸܫܘܿܟ݂ܵܐ ܢܘܼܗܪܵܐ ܕܢܲܚ̣.

ܘܕ݂ܵܨ̈ ܐܸܡܘܵܬ̣̈ܵܐ ܕܲܢܫܲܒ̈ܚܵܢ؛ ܠܗ̇ܘ ܕܲܒ݂ܝܲܠܕܹܗ ܢܗܲܪܘ ܥܵܠܡܹ̈ܐ.܀

ܐܲܙܠܸܓ݁ ܢܘܼܗܪܹܗ ܥܲܠ ܡܲܕ݂ܢ̱ܚܵܐ. ܘܢܸܗܪܲܬ̤ ܦܵܪܹܣ ܡ̣ܢ ܟܵܘܟ݁ܒ݂ܵܐ.

ܕܲܢܚܸܬ݂ ܣܲܒ݁ܪܵܗ̇ ܐܵܦ ܙܲܡܢܵܗ̇؛ ܕܬܹܐܬܹܐ ܠܕܸܢܚܵܐ ܡܲܦܨܲܚ ܟܠ.܀

ܪܗܸܛ ܢܲܗܝܼܪܵܐ ܘܐܸܙܲܠ ܕܢܲܚ̣؛ ܒܹܝܬ݂ ܚܸܫܘܿܟܹ̈ܐ ܘܲܩ̣ܪܵܐ ܠܗܘܿܢ.

ܕܢܹܐܬ݂ܘܿܢ ܥܲܡܡܹ̈ܐ ܘܢܸܬ݂ܒܲܣܡܘܼܢ؛ ܒܢܘܼܗܪܵܐ ܪܲܒܵܐ ܕܠܐܲܪܥܵܐ ܢܚܸܬ݂.܀

ܚܲܕ݂ ܢܲܗܝܼܪܵܐ ܡ̣ܢ ܟܵܘܟ݁ܒܹ̈ܐ؛ ܪܩܝܼܥܵܐ ܫܲܕܲܪ ܕܢܲܟ݂ܪܸܙ ܠܗܘܿܢ.

ܠܲܒ݂ܢܲܝ̈ ܦܵܪܹܣ ܕܢܸܬ݁ܛܲܝܒ݂ܘܼܢ؛ ܘܢܸܚܙܘܿܢ ܡܲܠܟܵܐ ܘܠܹܗ ܢܸܣܓ݁ܕ݂ܘܼܢ.܀

ܩܪܵܬ̤ ܠܲܡܓ݁ܘܼܫܹ̈ܐ ܘܐܸܡܪܲܬ̤ ܠܗܘܿܢ؛ ܪܲܒ݁ܬܵܐ ܐܵܬ݂ܘܿܪ ܟܲܕ݂ ܐܲܪܓ݁ܫܲܬ̤. ܕܣܲܒ݂ܘ ܩܘܼܪ̈ܒܵܢܹܐ ܘܙܸܠܘ ܝܲܩܪܘܼܗܝ؛ ܠܡܲܠܟܵܐ ܪܲܒܵܐ ܕܒܲܝܗܘܼܕ݂ ܕܢܲܚ̣.܀

ܪܹ̈ܫܲܝ ܦܵܪܹܣ ܟܲܕ݂ ܪܵܘܙܝܼܢ؛ ܫܩܲܠ̣ܘ ܩܘܼܪ̈ܒܵܢܹܐ ܘܐܲܝܬ݁ܝܼܘ ܠܹܗ.

ܘܩܲܪܸܒ݂ܘ ܠܲܒ݂ܪܵܗ̇ ܕܲܒ݂ܬ݂ܘܼܠܬܵܐ.܀

ܕܲܗܒ݂ܵܐ ܘܡܘܼܪܵܐ ܘܲܠܒ݂ܘܼܢ݇ܬܵܐ ܐܲܝܟ݂ ܝܲܠܘܼܕ݂ܵܐ ܥܲܠ̣ܘ ܐܸܫܟ݁ܚܘܼܗܝ؛ ܕܲܟ݂ܪܝܼܟ݂ ܘܣܝܼܡ ܒܓ݁ܵܘ ܐܘܼܪܝܵܐ.

ܘܲܒ݂ܪܲܟ݂ܘ ܘܲܣܓܸܕ݂ܘ ܟܲܕ݂ ܪܵܘܙܝܼܢ؛ ܘܩܲܪܸܒ݂ܘ ܩܕ݂ܵܡܵܘܗܝ ܣܝܼܡܵܬ݂̈ܗܘܿܢ.܀