B'yamme D'alma|ܒܝܲܡܹܗ ܕܥܵܠܡܵܐ|ܒܝܡܗ ܕܥܠܡܐ

ܥܘܿܢܝܼܬ݂ܵܐ ܕܪܲܡܫܵܐ.

ܥܘܿܢܝܼܬ݂ܵܐ ܕܪܲܡܫܵܐ. ܒܗܵܐ ܫ̣ܒ݂ܵܢܝ. ܐܲܠܵܗܵܐ ܒܲܫܡܵܟ݂ ܦܪܘܿܩܲܝܢܝ: ܬܵܘܫܸܛ ܐܝܼܕ݂ܵܟ݂ ܘܬܸܦܪ̱ܩܲܢܝ. ܒܝܲܡܹܗ ܕܥܵܠܡܵܐ ܢܲܦ̮ܫܝ ܗܵܐ ܫܓ݂ܝܼܫܵܐ ܘܲܒ݂ܟ݂ܝܼܡܘܿܢܹ̈ܐ ܕܲܪ̈ܓ݂ܝܼܓ݂ܵܬ݂ܵܐ ܡܸܬ݁ܛܲܪܦܵܐ. ܘܐܲܝܟ݂ ܐܲܪܡܲܠܬ݂ܵܐ ܡ̣ܢ ܕܲܝ̇ܵܢܵܐ ܡܸܬ݂ܟܲܫܲܦܢܵܐ. ܬܒܲܥܲܝܢܝ ܡ̣ܢܹܗ ܕܠܵܐ ܢܵܘܒ݁ܕܲܢܝ. ܪ̈ܲܚܡܲܝܟ ܢܦܝܼܣܘܼܢܵܟ݂ ܡܫܝܼܚܵܐ ܡܲܠܟܲܢ ܕܲܚܠܵܦ ܓܸܢܣܲܢ ܡܵܘܬܵܐ ܛܥܸܡ̣ܬ݁. ܠܵܐ ܡܵܪܝ ܬܲܪܦܹܝܢܝ ܒܹܝܬ݂ ܓܲܠܠܵܘ̈ܗܝ. ܕܟ݂ܠܫܵܥ ܠܵܟ݂ܘܼ ܩ̇ܵܪܹܢܵܐ. ܛܵܒ݂ܵܐ ܕܠܲܓ݂ܒ݂ܵܘ̈ܗܝ ܠܵܐ ܡܲܪܦܸܐ. ܦܪܘܿܩܲܝܢܝ ܡ̣ܢ ܒܥܸܠܕܒ݂ܵܒ݂ܝ. ܕܟ݂ܠܝܘܿܡ ܩܪ̈ܵܒ݂ܵܘܗܝ ܣܵܕܲܪ ܥܠܲܝ. ܕܡ̣ܢ ܦܘܼܩܕܵܢܲܝ̈ܟ ܢܲܪܚ̱ܩܲܢܝ. ܡܵܪܲܢ ܚܘܼܣܥܠܲܝ: ܬܢܝܼ. ܫܲܒܲܚ. ܫܠܵܡܵܐ ܘܫܲܝܢܵܐ ܢܸܣܓܸ݁ܐ ܠܥܲܡܵܟ݂ ܫܲܝܢܹܗ ܕܥܵܠܡܵܐ. ܡܫܝܼܚܵܐ ܕܐܸܬ݂ܵܐ ܠܦܘܼܪܩܵܢܲܢ. ܙܪܘܿܥ ܐܵܘܝܘܼܬ݂ܵܐ ܒܲܒ݂ܢܹ̈ܝܗ݁ ܕܥܹܕܬܵܐ ܕܢܸܗܘܘܿܢ ܙܵܡ݁ܪܝܼܢ ܥܲܡ ܥܝܼܪܹ̈ܐ ܫܘܼܒ݂ܚܵܐ ܠܲܫܡܵܟ݂. ܘܩܲܝܸܡ ܟܵܗܢܹ̈ܐ. ܘܫܲܝܸܢ ܡܲܠܟܹ̈ܐ. ܘܒܲܛܸܠ ܩܪ̈ܵܒܹܐ ܡ̣ܢ ܣܵܘ̈ܦܹܝܗ݁ ܕܐܲܪܥܵܐ. ܘܢܲܛܲܪ ܠܟܸܢܫܵܐ ܕܣܵܓ݂݁ܘܿܕܲܝ̈ܟ. ܕܠܵܟ݂ܘܼ ܩ̇ܵܪܹܝܢ ܒܟ݂ܠܥܸܕܵܢ. ܘܲܣܥܘܿܪ ܡܲܪ̈ܥܹܐ ܒܛܲܝܒ݁ܘܼܬ݂ܵܟ݂. ܘܐܲܚܠܸܡ ܟܪ̈ܝܼܗܹܐ ܒܲܚܢܵܢܵܟ݂. ܘܐܵܘܫܸܛ ܐܝܼܕ݂ܵܐ ܕܥܘܼܕ݂ܪ̈ܵܢܹܐ. ܠܟ݂ܠܗܘܿܢ ܐܲܝܠܹܝܢ ܕܐܲܠܝܼܨܝܼܢ. ܡܵܪܲܢ ܚܘܼܣܥܠܲܝܢ.

ܘܐܵܡܲܪ ܡܫܲܡܫܵܢܵܐ: ܢܨܲܠܸܐ: ܫܠܵܡܵܐ ܥܲܡܲܢ.