B'yom Ma'althe|ܒܝܘܼܡ ܡܵܥܲܠܬܹܗ|ܒܝܘܡ ܡܥܠܬܗ

ܒܝܘܿܡ ܡܵܥܲܠܬܹܗ ܕܡܲܠܟܵܐ
ܪܹܫ ܩܵܠܵܐ.

ܒܝܘܿܡ ܡܵܥܲܠܬܹܗ ܕܡܲܠܟܵܐ ܡܫܝܼܚܵܐ ܠܓ݁ܵܘ ܐܘܿܪܸܫܠܸܡ.܀
ܣܸܕܪܹ̈ܐ ܕܪܵܘܡܵܐ ܘܟܸܢܫܹ̈ܐ ܕܐܲܪܥܵܐ ܒܬܲܗܪܵܐ ܩܵܡ̣ܘ ܗ݇ܘ̣ܵܘ.܀
ܕܲܚ̣ــــܙܵܘ ܚـܕܲܬܵܐ ܕܐܸܣـܬܲܥܪܲܬ̤ ܗ݇ܘ̣ܵܬ݂ ܒܹـܝܬ݂ ܐܲܪ̈ܥܵــܢܹܐ.܀
ܬܗܲܪ ܗ݇ܘ̣ܵܘ ܟܵܗܢܹ̈ܐ ܘܲܬ݂ܡܲܗܘ ܣܵܦܪܹ̈ܐ ܘܐܸܬ݁ܬ݁ܙܝܼܥܘ ܦܪ̈ܝܼܫܹܐ.܀
ܕܲܫܡܲܥܘ ܠܫܲܒ݂ܪܹ̈ܐ ܟܲܕ݂ ܩܵܥܹܝܢ ܗ݇ܘ̣ܵܘ ܒܪܝܼܟ݂ ܒܲܪ ܕܵܘܝܼܕ.܀
ܘܐܸܬ݂ܡܠܝܼܘ ܚܣܵܡܵܐ ܘܲܡܫܲܐܠܝܼܢ ܗ݇ܘ̣ܵܘ ܕܡܲܢܘܼ ܗܵܢܵــــܐ.܀
ܥ̣ــܢܵــܘ ܝܲܠـܘܼܕܹ̈ܐ ܘܐܲܟ݁ـــــܣ ܐܸܢܘܿܢ ܟܲܕ݂ ܐܵܡ̇ܪܝܼܢ ܗ݇ܘ̣ܵܘ.܀
ܕܗܵܢܵܘ ܝܼܫܘܿܥ ܕܲܥܠܵܘܗܝ ܐܲܣܗܸܕ݂ܘ ܟܠܗܘܿܢ ܢܒ݂ܝܼܹ̈ܐ.܀
ܕܡܘܼܫܹܐ ܓܲܒ݂ܝܵܐ ܪܲܒܵܐ ܩܪܵܝܗܝ ܗ݇ܘ̣ܵܐ ܒܲܟ݂ܬ݂ܝܼܒ݂ܵܬܹ̈ܗ.܀
ܘܲܩܪܵܝܗܝ ܕܵܘܝܼܕ݂ ܡܵܪܵܐ ܕܝܵܬܹܒ݂ ܡ̣ܢ ܝܲܡܝܼܢܵܐ.܀
ܩܪܵܝܗܝ ܐܹܫܲܥܝܵܐ ܝܲܠܕܵܐ ܘܲܒ݂ܪܵܐ ܘܓܲܢ݇ܒܵܪ ܥܵܠܡܹ̈ܐ.܀
ܗܵܢܵܘ ܡܲܠܟܵܐ ܕܡ̣ܢ ܐܵܦܲܪܬ݂ܵܐ ܒܲܕܸܩ ܡܝܼܟ݂ܵܐ.܀
ܩܪܵܝܗܝ ܐܹܪܲܡܝܵܐ ܨܸܡܚܵܐ ܐܲܢܗܲܪ ܠܟ݂ܠܵܗ̇ ܬܹܒܹܝܠ.܀
ܕܲܟ݂ܕܝܼܢ ܥܵܠܡܵܐ ܬܚܹܝܬ݂ ܫܘܼܠܛܵܢܹܗ ܪܡܲܙ ܚܲܙܩܝܼܐܹܝܠ.܀
ܒܲܩܕ݂ܘܿܫ ܩܘܼܕ݂ܫܹ̈ܐ ܕܫܵܘܹܐ ܠܩܘܼܕ݂ܫ̈ܝܼܢ ܩ̣ܥܵܐ ܕܵܢܝܼܐܹܝــܠ.܀
ܕܐܸܬ݂ܵܐ ܘܫܲܡܠܝܼ ܓܸܠܝܵܢܲܝ̈ܗܘܿܢ ܘܒ݂ܘܼܕܵܩܲܝ̈ܗܘܿܢ.܀