Ethiled Lan Bar Maryam|ܐܸܬܝܼܠܸܕ ܠܲܢ ܒܲܪ ܡܲܪܝܲܡ|ܐܬܝܠܕ ܠܢ ܒܪ ܡܪܝܡ
Sogitha of Christmas (Yalda) - Resh Qala
This hymn appears in two books - Kthawa Daslotha (Prieres en Chaldeen) published by the Lazarist Mission in Urmia in 1876, and in Paul Bedjan's Manuel de Piété, published in 1886
Syriac Text
ܣܘܿܓ݂ܝܼܬ݂ܵܐ ܕܝܲܠܕܵܐ. ܪܹܫ ܩܵܠܵܐ.
ܐܸܬ݂ܝܼܠܸܕ ܠܲܢ ܒܲܪ ܡܲܪܝܲܡ: ܒܓ݂ܵܘ ܒܹܝܬ݂ܠܚܸܡ ܒܲܪ ܡܲܪܝܲܡ. ܘܐܸܬܵܘ ܡܓ݂ܘܼܫܹ̈ܐ ܠܐܝܼܩܵܪ ܣܸܓ݂ܕܬܹܗ ܕܡܲܠܟܵܐ ܡܫܝܼܚܵܐ ܕܝܸܠܕܲܬ݀ ܡܲܪܝܲܡ. ܒܲܪ ܡܲܪܝܲܡ: ܒܲܪ ܡܲܪܝܲܡ: ܒܲܪ ܐܲܠܵܗܵܐ ܕܝܸܠܕܲܬ݀ ܡܲܪܝܲܡ܀ ܐܲܚܸܬ݂ ܥܝܼܪܹ̈ܐ ܒܲܪ ܡܲܪܝܲܡ: ܠܩܘܼܠܵܣ ܝܲܠܕܹܗ ܒܲܪ ܡܲܪܝܲܡ. ܘܙܲܡܸܢܘ ܠܪ̈ܵܥܵܘܵܬ݂ܵܐ ܠܣܸܓ݂ܕܬܹܗ ܕܡܲܠܟܵܐ ܡܫܝܼܚܵܐ ܕܝܸܠܕܲܬ݀ ܡܲܪܝܲܡ. ܒܲܪ ܡܲܪܝܲܡ: ܒܲܪ ܡܲܪܝܲܡ: ܒܲܪ ܐܲܠܵܗܵ: ܕܝܸܠܕܲܬ݀ ܡܲܪܝܵܡ܀ ܒܲܟܲܪ ܘܲܩܪܵܐ ܒܲܪ ܡܲܪܝܲܡ: ܠܢܵܛܪ̈ܲܝ ܥܵܢ̈ܵܐ ܒܲܪ ܡܲܪܝܲܡ. ܘܲܣܓܸܕܘ ܒܐܘܼܪܝܵܐ ܠܪ̈ܵܥܝܵܐ ܪܲܒܵܐ ܡܲܠܟܵܐ ܡܫܝܼܚܵܐ ܕܝܸܠܕܲܬ݀ ܡܲܪܝܲܡ. ܒܲܪ ܡܲܪܝܲܡ: ܒܲܪ ܡܲܪܝܲܡ: ܒܲܪ ܐܲܠܵܗܵܐ ܕܝܸܠܕܲܬ݀ ܡܲܪܝܲܡ܀ ܚܵܘܝܼ ܟܵܘܟ݁ܒܹܗ ܒܲܪ ܡܲܪܝܲܡ: ܐܲܝܟ݂ ܢܒ݂ܝܼܘܼܬ݂ܵܐ ܒܲܪ ܡܲܪܝܲܡ. ܘܐܸܫܬܵܘܕܲܥܘ ܗ݇ܘ̣ܵܘ ܡܓ݂ܘܼܫܲܝ̈ ܦܵܪܹܣ ܕܲܢܚܸܬ݂ ܠܐܲܪܥܵܐ ܡܲܠܟܵܐ ܡܫܝܼܚܵܐ ܕܝܸܠܕܲܬ݀ ܡܲܪܝܲܡ. ܒܲܪ ܡܲܪܝܲܡ: ܒܲܪ ܡܲܪܝܲܡ: ܒܲܪ ܐܲܠܵܗܵܐ ܕܝܸܠܝܼܕܲܬ݀ ܡܲܪܝܲܡ ܀ ܐܲܙܝܼܥ ܠܡܲܠܟܵܐ ܒܲܪ ܡܲܪܝܲܡ: ܘܲܒ݂ܥܵܝܗܝ ܠܩܸܛܠܹܗ ܒܲܪ ܡܲܪܝܲܡ. ܦܩܲܕ ܠܡܲܠܲܐܟ݂ܹܗ ܘܙܲܗܲܪ ܠܝܵܘܣܸܦ ܕܢܲܥ݇ܪܩܝܼܘܗܝ ܠܡܸܨܪܹܝܢ ܡܲܠܟܵܐ ܡܫܝܼܚܵܐ ܕܝܸܠܕܲܬ݀ ܡܲܪܝܲܡ. ܒܲܪ ܡܲܪܝܲܡ: ܒܲܪ ܡܲܪܝܲܡ: ܒܲܪ ܐܲܠܵܗܵܐ ܕܝܸܠܕܲܬ݀ ܡܲܪܝܲܡ܀ ܩܲܪܸܒ݂ ܕܸܒ݂ܚܵܐ ܒܲܪ ܡܲܪܝܲܡ: ܠܐܲܒ݂ܘܼܗܝ ܟܲܣܝܵܐ ܒܲܪ ܡܲܪܝܲܡ: ܝܵܢܩܲܝ̈ ܚܲܠܒ݂ܵܐ ܕܐܸܬܕܒܸܚܘ ܒܡܹܐܬ݂ܝܹܗ ܕܡܲܠܟܵܐ ܡܫܝܼܚܵܐ ܕܝܸܠܕܲܬ݀ ܡܲܪܝܲܡ. ܒܲܪ ܡܲܪܝܲܡ: ܒܲܪ ܡܲܪܝܲܡ: ܒܲܪ ܐܲܠܵܗܵܐ ܕܝܸܠܕܲܬ݀ ܡܲܪܝܲܡ܀
Chaldean Catholic Church
Source: Manuel de piete ou livre de prieres, de meditations ed des offices, en langue chaldeenne, Paul Bedjan, 1886
Page 459
Chaldean Catholic Church
Source: Kthawa Daslotha (Prieres en Chaldeen), Urmia, 1876
Page 254
Syro-Malabar Church
To submit a recording for this hymn, please create an account or email it to gbinu44@gmail.com
Comments
Add a comment
Your email address will not be published. Required fields are marked *