Greater Doxology| ܬܸܫܒ݁ܘܿܚܬܵܐ ܠܐܲܠܵܗܵܐ ܒܲܡܪܵܘܡܹܐ|ܬܫܒܘܚܬܵܐ ܠܐܠܗܐ ܒܡܪܘܡܐ

ܬܸܫܒ݁ܘܿܚܬܵܐ ܕܚܲܕ݂ܒ݁ܫܲܒܹ̈ܐ ܘܲܕܥܹܐܕܹ̈ܐ ܕܲܥܒ݂ܝܼܕ݂ܵܐ ܠܡܵܪܝ ܬܹܐܵܕܘܿܪܘܿܣ ܡܦܲܫܩܵܢܵܐ ܬܹܒܹܝܠܵܝܵܐ. ܒܥܹܐܕܹ̈ܐ ܕܹܝܢ ܚܲܕ ܦܸܬ݂ܓܵܡܵܐ ܒܩܲܢܟܹ̈ܐ ܡܸܬ݂ܐ̱ܡܲܪ ܘܲܐ݇ܚܪܹܝܢ ܒܗܲܝܟܠܵܐ.
ܬܸܫܒ݁ܘܿܚܬܵܐ ܠܐܲܠܵܗܵܐ ܒܲܡܪ̈ܵܘܡܹܐ܀ ܬܢܝܼ: ܓ ܙܲܒ݂ܢܝܼ̈ܢ. ܘܥܲܠ ܐܲܪܥܵܐ ܫܠܵܡܵܐ܀ ܘܣܲܒ݂ܪܵܐ ܛܵܒ݂ܵܐ ܠܲܒ݂ܢܲܝ̈ܢܵܫܵܐ܀ ܣܵܓܕܝܼܢܲܢ ܠܵܟ݂܀ ܡܫܲܒ݁ܚܝܼܢܲܢ ܠܵܟ݂܀ ܡܪܲܡܪ̱ܡܝܼܢܲܢ ܠܵܟ݂܀ ܐܝܼܬ݂ܝܵܐ ܕܡ̣ܢ ܡܬ݂ܘܿܡ܀ ܟܝܵܢܵܐ ܓܢܝܼܙܵܐ ܕܠܵܐ ܡܸܬ݁ܕܪܸܟ݂܀ ܐܲܒ݂ܵܐ ܘܲܒ݂ܪܵܐ ܘܪܘܼܚܵܐ ܕܩܘܼܕ݂ܫܵܐ܀ ܡܲܠܟܵܐ ܕܡܲܠܟܹ̈ܐ܀ ܘܡܵܪܵܐ ܕܡܵܪ̈ܵܘܵܬ݂ܵܐ܀ ܕܥܵܡܲܪ ܒܢܘܼܗܪܵܐ ܓܲܐܝܵܐ܀ ܗܵܘ̇ ܕܐ݇ܢܵܫ ܡ̣ܢ ܒܢܲܝ̈ܢܵܫܵܐ ܠܵܐ ܚܙܵܝܗܝ܀ ܘܵܦܠܵܐ ܡܨܸܐ ܠܡܸܚܙܝܹܗ܀ ܩܲܕ݁ܝܼܫܵܐ ܒܲܠܚܘܿܕ݂ܵܘܗܝ܀ ܚܲܝܠ̱ܬ݂ܵܢܵܐ ܒܲܠܚܘܿܕ݂ܵܘܗܝ܀ ܠܵܐ ܡܵܝܘܿܬ݂ܵܐ ܒܲܠܚܘܿܕ݂ܵܘܗܝ܀ ܡܵܘܕܹܝܢܲܢ ܠܵܟ݂܀ ܒܝܲܕ݂ ܡܸܨܥܵܝܵܐ ܕܛܵܒ݂̈ܵܬ݂ܵܢ܀ ܝܼܫܘܿܥ ܡܫܝܼܚܵܐ܀ ܦܵܪܘܿܩܹܗ ܕܥܵܠܡܵܐ܀ ܘܲܒ݂ܪܹܗ ܕܲܡܪܲܝܡܵܐ܀ ܐܸܡܪܹܗ ܕܐܲܠܵܗܵܐ ܚܲܝܵܐ܀ ܫܵܩܹܠ ܚܛܝܼܬܹܗ ܕܥܵܠܡܵܐ܀ ܐܸܬ݂ܪܲܚܲܡ ܥܠܲܝܢ܀ ܝܵܬܹܒ݂ ܡ̣ܢ ܝܲܡܝܼܢܵܐ ܕܐܲܒ݂ܘܼܝ܀ ܩܲܒܸ݁ܠ ܒܵܥܘܼܬܲܢ܀ ܕܐܲܢ݇ܬ݁ܘܼ ܐܲܠܵܗܲܢ܀ ܘܐܲܢ݇ܬ݁ܘܼ ܡܵܪܲܢ܀ ܘܐܲܢ݇ܬ݁ܘܼ ܡܲܠܟܲܢ܀ ܘܐܲܢ݇ܬ݁ܘܼ ܦܵܪܘܿܩܲܢ܀ ܘܐܲܢ݇ܬ݁ܘܼ ܫܵܒ݂ܘܿܩܵܐ ܕܲܚܛܵܗܲܝ̈ܢ܀ ܥܲܝܢܹ̈ܐ ܕܟ̣ܠ ܐ݇ܢܵܫ ܠܘܵܬ݂ܵܟ݂ ܬܲܠܝ̈ܵܢ܀ ܝܼܫܘܿܥ ܡܫܝܼܚܵܐ܀ ܫܘܼܒ݂ܚܵܐ ܠܐܲܠܵܗܵܐ ܐܲܒ݂ܘܼܟ݂܀ ܘܠܵܟ݂ ܘܲܠܪܘܼܚܵܐ ܕܩܘܼܕܫܵܐ ܠܥܵܠܡܝܼܢ ܐܵܡܹܝܢ.