Ha Gmar Tawa|ܗܵܐ ܓܡܲܪ ܛܵܒ݂ܵܐ|ܗܐ ܓܡܪ ܛܒ݂ܐ

ܥܘܿܢ̈ܝܵܬ݂ܵܐ ܕܲܩܕ݂ܵܡ. ܒܗܵܐ ܫܒ݂ܵܢܝ.

ܕܪܲܡܫܵܐ ܕܲܬ݂ܪܹܝܢܒܫܲܒܵܐ ܩܲܕܡܵܝܹ̈ܐ

ܦܪܘܿܩ ܡܵܪܝܵܐ ܡܸܛܠ ܕܲܓ݂ܡܲܪ ܛܵܒ݂ܵܐ. ܗܵܐ ܓܡܲܪ ܛܵܒ݂ܵܐ ܘܐܵܘܦܝܼ ܟܹܐܢܵܐ ܘܐܸܒܲܕ݂ ܚܲܣܝܵܐ: ܘܠܲܝܬ݁ ܕܲܬ݂ܪܝܼܨ ܒܒ݂ܢܲܝ̈ܢܵܫܵܐ. ܒܠܸܒܵܐ ܘܠܸܒܵܐ ܡܡܲܠܸܠ ܟܠܢܵܫ: ܘܲܒ݂ܣܸܦܘܵܬ݂ܵܐ ܡܦܲܠ̈ܓ݂ܵܬ݂ܵܐ ܓܒܲܪ ܥܲܡ ܚܲܒ݂ܪܹܗ. ܚܣܵܡܵܐ ܘܢܸܟ݂ܠܵܐ ܘܡܹܐܟܲܠܩܲܪܨܵܐ: ܡܠܸܐ ܒܲܪܢܵܫܲܢ ܓܵܘܵܝܵܐ. ܥܩܼܝܼܪ ܚܘܼܒܵܐ ܡ̣ܢ ܪܸܥܝܵܢܲܢ: ܕܐܝܼܬ݂ܵܘܗܝ ܪܹܫܵܐ ܕܦܘܼܩܕܵܢܹ̈ܐ. ܩܸܢܛܵܐ ܗ݇ܘܼ ܪܲܒܵܐ ܥܲܠ ܗܵܕܹܐ: ܕܕܲܠܡܵܐ ܒܪܘܼܓ݂ܙܵܟ݂ ܬܵܘܒܸ݁ܕܲܝܢ. ܕܟܹܐܢܘܼܬ݂ܵܟ݂ ܫܸܬ݂ܩܲܬ݀ ܡ̣ܢܲܢ: ܘܝܸܗ݇ܒܲܬ݀ ܐܲܬ݂ܪܵܐ ܠܛܲܝܒ݁ܘܼܬ݂ܵܟ: ܡܵܪܲܢ ܚܘܼܣ ܥܠܲܝܢ.

ܡܗܲܝܡܲܢܘܼ ܡܵܪܝܵܐ ܒܡܸܠܵܘ̈ܗܝ. ܡܘܼܠܟܵܢ ܚܲܝܹ̈ـܐ ܡܼܠܲـܟ݂ ܦܵܪܘܿܩܲܢ ܠܪ̈ܵܚܡܲܝ ܚܘܼܒܹ݁ܗ: ܘܐܲܥܬܲܪ ܐܸܢܘܿܢ ܒܝܼܕܲܥܬܹܗ. ܘܲܡܸܠܵܐ ܐܸܢܘܿܢ ܚܸܟ݂ܡܲܬ݂ ܚܲܝܠܹܗ ܘܐܲܠܸܦ ܐܸܢܘܿܢ: ܠܲܡܨܲܠܵܝܘܼ ܒܟ݂ܠܥܸܕܵܢ. ܐܲܒ݂ܘܼܢ ܕܒܲܫܡܲܝܵܐ: ܢܸـܬ݂ܩܲܕܲܫ ܫܡܵـܟ݂: ܬܹܐܬܸܐ ܨܹܐܕ݂ܲܝܢ ܡܲܠܟ݁ܘܼܬ݂ܵܟ݂. ܢܸܗܘܸܐ ܒܐܲܪܥܵܐ ܨܸܒ݂ܝܵܢܵـܟ݂: ܐܲܟ݂ܡܵܐ ܕܐܝܼܬ݂ܵܘܗܝ ܒܲܫܡܲܝܵܐ. ܗܲܒ݂ܠܲܢ ܠܲܚܡܵܐ ܕܣܘܼܢܩܵܢܲܢ: ܘܠܵܐ ܬܲܥܸܠܲܝܢ ܠܢܸܣܝܘܿܢܵܐ. ܐܸܠܵܐ ܦܲܨܵܢ ܡ̣ܢ ܒܝܼܫܵܐ: ܕܕܝܼܠܵܟ݂ ܐܝܼܬܹܝܗ̇ ܡܲܠܟ݁ܘܼܬ݂ܵܐ: ܘܚܲܝܠܵܐ ܘܬܸܫܒ݁ܘܿܚܬܵܐ.
ܫܘܼܒ݂ܚܵܐ ܠܐܲܒ݂ܵܐ ܘܠܲܒ݂ܪܵܐ ܘܲܠܪܘܼܚܵܐ ܕܩܘܼܕ݂ܫܵܐ. ܡܲܪܝܲܡ ܕܝܸܠܕܲܬ݀ ܣܲܡ ܚܲܝܘܼܬ݂ܵܐ ܠܝܲܠܕ݂ܵܘ̈ܗܝ ܕܐܵܕ݂ܵܡ: ܒܝܲܕ݂ ܒܵܥܘܼܬܹܟ݂ܝ ܢܸـܬ݂ܓܵܘܲܣ. ܘܲܒ݂ܬ݂ܘܼܟ݂ܠܵܢܵܐ ܕܲܨܠܵܘ̈ܵܬܹܗ ܕܡܵܪܝ ܝܘܿܚܲܢܵܢ: ܢܸܙܟܸ݁ܐ ܠܒ݂ܝܼܫܵܐ ܘܲܠܚܲܝܠܹܗ. ܘܒܲܨܠܘܿܬ݂ ܢܒ̈ܝܼܹܐ: ܫܠܝܼܚܹ̈ܐ ܘܣܵܗ̈ܕܹܐ: ܘܐܲܒ݂̈ܵܗܵܬ݂ܵܐ ܘܡܲܠܦܵܢܹ̈ܐ. ܘܒܲܨܠܘܿܬ݂ ܐܲܒ݂ܘܼܢ ܩܲܕ݁ܝܼܫܵܐ: ܘܡܵܘܕܝܵـܢܹ̈ܐ ܘܡܵܪܝ ܓܝܼܘܲܪܓ݁ܝܼܣ. ܘܚܲܝܠܹܗ ܪܲܒܵܐ ܕܲܨܠܝܼܒ݂ܵܐ: ܘܩܘܼܕ݂ܵܫܵܗ̇ ܕܥܹܕܲܬ݂ ܩܘܼܕ݂ܫܵܐ. ܢܸـܬ݂ܟܲܫܲܦ ܠܹܗ ܠܲܡܫܝܼܚܵܐ ܕܢܸܥܒܸ݁ܕ ܪ̈ܲܚܡܹܐ ܘܲܚܢܵܢܵܐ ܥܲܠ ܢܲܦ̮ܫ̈ܵܬܲܢ.