Ha Rahme D'mangan|ܗܵܐ ܪ̈ܲܚܡܹܐ ܕܡܲܓܵܢ|ܗܐ ܪܚܡܐ ܕܡܓܢ

ܨܵܘܡܵܐ ܪܲܒܵܐ

ܡܲܕܪܵܫܵܐ: ܗܵܐ ܪ̈ܲܚܡܹܐ ܕܡܲܓܵܢ

ܡܲܕܪܵܫܵܐ: ܕܚܲܕ݂ܒܫܲܒܵܐ ܒ ܕܨܵܘܡܵܐ 

ܒܩܵܠ: ܒܓܸܢܣܵܐ ܕܡܵܝ̇ܘܿܬܹ̈ـܐ

ܥܘܼܢܵܝܵܐ:

 ܗܵܐ ܪ̈ܲܚܡܹܐ ܕܡܲܓܵܢ. ܝܵܗَܒ݁ܝܼܢ ܚܘܼܣܵܝܵܐ. ܠܨܲܝܵܡܹ̈ܐ ܕܩܘܼܫܬܵܐ ܬܵܘ ܣܲܒ݂ܘ ܥܘܼܕ݂ܪ̈ܵܢܹܐ.

ܒܵܬܹ̈ܐ:

1

ܗܵܐ ܨܵܘܡܵܐ ܐܲܚܲܝ̈. ܡܚܲܣܝܵܢܵܐ ܕܡܲܓܵܢ. ܢܸܪܚܲܡ ܥܘܼܕ݂ܪ̈ܵܢܵܘܗܝ. ܢܸܚܕܹܐ ܒܣܲܡܡܵܢܵܘ̈ܗܝ. ܨܲܝܵܡܵܐ ܕܲܢ̣ܚܸܬ݂. ܡ̣ܢ ܛܘܼܪܵܐ ܕܣܝܼܢܲܝ. ܠܡܲܫܪܝܼܬ݂ ܥܵܘ̈ܵܠܹܐ. ܐܲܣ̣ܝܼ ܡ̣ܢ ܟܹܐܒܹ̈ܐ. ܨܵܘܡܵܐ ܩܲܕܝܼܫܵܐ. ܣܲܡ̣ܟܵܗ̇ ܠܡܲܦܠܘܼܬܲܢ. ܘܥܲܨܒܹܗ ܠܲܬ݂ܒ݂ܵܪܵܐ. ܩܲܫܝܵـܐ ܕܪܸܥܝܵܢܲܢ܀

2

ܫܘܼܒ݂ܚܵܐ ܠܨܲܝܵܡܵܐ ܕܙܲܟ݂̇ܝܼ ܠܨܲܝܵܡܹ̈ܐ. ܘܐܲܩ̣ܝܼܡܹܗ ܠܨܵܘܡܹܗ. ܢܝܼܫܵܐ ܠܨܲܝܵܡܹ̈ܐ. ܠܵܐ ܢܸܗܘܸܐ ܠܒ݂ܝܼܫܵܐ. ܨܵܘܡܲܢ ܠܒ݂ܘܼܣܵܡܵܐ. ܢܸܗܘܸܐ ܠܐܲܠܵܗܵܐ. ܨܵܘܡܲܢ ܠܲܢܝܵܚܵܐ. ܗܵܐ ܨܵܘܡܵــܐ ܕܲܟ݂ܝܵܐ. ܡܲܥܬ݁ܪܵܢܵܐ ܕܢܲܦ̮ܫܵܐ. ܢܸܣܲܒ݂ ܡ̣ܢ ܓܲܙܹܗ. ܘܢܸܥܬܲܪ ܒܲܡܠܘܿܐܹܗ܀

3

ܐܵܕ݂ܵܡ ܓܹܝܪ ܒܪܵܫܝܼܬ݂. ܬܘܼܟܵܐ ܐܸܬ݁ܬܲܓܲܪ. ܒܐܘܼܟ݂ܠܵܐ ܕܐܝܼܠܵܢܵܐ. ܕܲܥ̣ܒܲܪ ܦܘܼܩܕܵܢܵـܐ ܨܵܘܡܵܐ ܩܲܕܝܼܫܵܐ. ܦܵܪܲܥ̇ ܚܵܘ̈ܒܵܬ݂ܵܐ. ܡܡܲܣܟܹ݁ܢ ܟܪ̈ܣܵܬ݂ܵܐ. ܡܦܲܛܸܡ ܢܲܦ̮ܫ̈ܵܬ݂ܵܐ. ܢܸܬܸ݁ܠ ܬܸܫܒ݁ܘܿܚܬܵܐ. ܠܒ݂ܘܼܟ݂ܪܵܐ ܕܨܲܝܵܡܹ̈ܐ . ܕܬܹܐܓ݁ܘܼܪܬܵـܐ ܕܨܵܘܡܵܐ. ܝܲܗَܒ݂ ܠܲܡܚܝܼܠܘܼܬܲܢ܀