Hannana Wamle Rahme - Madrasha|ܚܲܢܵܢܵܐ ܘܲܡܠܸܐ ܪ̈ܲܚܡܹܐ|ܚܢܢܐ ܘܡܠܐ ܪܚܡܐ

ܒܵܥܘܼܬ݂ܵܐ ܕܢܝܼܢܘܵܝܹ̈ܐ

ܡܲܕܪܵܫܵܐ: ܚܲܢܵܢܵܐ ܘܲܡܠܹܐ ܪ̈ܲܚܡܹܐ 

ܒܩܵܠ: ܒܲܒ݂ܪܝܼܟ݂ܘܼ ܕܲܡܥܝܼܪ

ܥܘܼܢܵܝܵܐ:

ܚܲܢܵܢܵܐ ܘܲܡܠܹܐ ܪ̈ܲܚܡܹܐ : ܠܵܐ ܬܲܗܡܹܐ ܚܝܵܪܵܟ݂ ܡ̣ܢܲܢ. ܘܫܲܕܲܪ ܠܲܢ ܡ̣ܢ ܒܹܝܬ݂ ܓܲܙܵܟ݂: ܚܢܵܢܵــܐ ܘܪ̈ܲܚܡܹܐ ܘܦܘܼܪܩܵܢܵܐ.

ܒܵܬܹ̈ܐ:

1

ܚܢܵܢܵܟ݂ ܚܵܐܸ̇ܢ ܠܚܲܛܵܝܹ̈ܐ: ܓܲܙܵܟ݂ ܡܲܥܬܲܪ ܠܲܣܢܝܼܩܹ̈ܐ. ܒܵܟ݂ ܡܵܪܝ ܢܸܥܬ݁ܪܘܿܢ ܣܵܓ݁ܘܿܕܲܝܟ: ܛܵܒ݂ܵܐ ܕܠܵܐ ܟܵܠܹܐ ܪ̈ܲܚܡܵܘܗܝ .ܠܵܐ ܡܵܪܝ ܬܲܣܠܹܐ ܒܵܥܘܼܬܲܢ. ܘܠܵܐ ܬܹܐܚܘܿܕ݂ ܬܲܪܥܵܟ݂ ܒܐܲܦܲܝ̈ܢ ܐܸܠܵܐ ܥܢܝܼܢ ܐܲܝܟ݂ ܕܲܡܥܵܕܲܬ݁: ܘܦܲܢܵܐ ܒܪ̈ܲܚܡܲܝܟ݂ ܫܹܐ̈ܠܵܬܲܢ܀

2

ܡܵܪܵܐ ܛܵܒ݂ܵܐ ܘܒܲܣܝܼܡܵܐ: ܕܐܸܬ݂ܵܐ ܕܢܸܦܪܘܿܩ ܚܲܛܵܝܹ̈ܐ. ܬܵܐ ܠܐܝܼܵܠܲܢ ܘܲܦ̇ܪܘܿܩܲܝܢ: ܕܠܵܟ݂ ܗَܘ̣ ܡܣܲܟ̈ܝܵܢ ܢܲܦ̮̈ܫܵܬܲܢ. ܐܲܣ̇ܝܵܐ ܡܲܐܣܹܐ ܟܠ ܟܹܐܒ݂ܝܼ̈ܢ: ܐܲܣܵܐ ܟܹܐܒܹ̈ܐ ܕܲܚܛܵܗܲܝ̈ܢ. ܘܣܲܡܡܵܢܹ̈ܐ ܕܡ̣ܢ ܛܲܝܒ݁ܘܼܬܵܟ݂: ܒܗܘܿܢ ܐܲܣܵܐ ܠܲܚܒ݂ܵܖ̈ܵܬܲܢ܀

3

ܠܵܟ݂ܘܼ ܡܫܝܼܚܵܐ ܩܵܪܹܝܢܲܢ: ܘܡ̣ܢܵܟ݂ ܪ̈ܲܚܡܹܐ ܫܵܐ̇ܠܝܼܢܲܢ. ܫܡܲܥ ܒܵܥܘܼܬܲܢ ܚܲܢܵܢܵܐ: ܘܗܲܒ݂ ܦܘܼܢܵܝܵܐ ܠܫܹܐ̈ܠܵܬܲܢ. ܢܓ݁ܘܼܠܘܼܢ ܪ̈ܲܚܡܲܝܟ݂ ܥܲܠ ܚܵܘܒܲܝ̈ܢ: ܕܒܲܕ݂ܡܵܟ݂ ܚܲܝܵܐ ܙܒ݂ܝܼܢܝܼܢܲܢ. ܘܐܲܫܝܼܓ݁ ܨܵܐܬ݂ܵܐ ܕܲܚܛܵܗܲܝ̈ܢ: ܒܙܘܿܦܵܐ ܪܲܒܵܐ ܕܲܚܢܵܢܵܟ݂܀