Hashe Qshaya|ܚܲܫܹ̈ܐ ܩܫܲܝ̈ܵܐ|ܚܫܐ ܩܫܝܐ
Onitha d'wathar of the Ramsha of the Dukhrana of Mar Giwargis Sahda, to the tune "Sahde Brikhe"
Syriac Text
ܥܘܿܢܝܼܬ݂ܵܐ ܕܒ݂ܵܬܲܪ. ܒܣܵܗܕܹ̈ܐ ܒܪ̈ܝܼܟܹܐ. ܡ̣ܢ ܥܲܡܵܐ ܕܠܵܐ ܡܪܲܚܡܵܢ: ܡ̣ܢ ܐܝܼܕܹܗ ܕܥܵܘܵܠܵܐ ܒܝܼܫܵܐ. ܕܨܘܼܪܬܵܐ. ܛܘܼܒ݂ܵܘܗܝ ܠܥܲܒ݂ܕܵܐ ܕܢܸܫܬܲܒܲܚ ܫܡܹܗ ܕܡܵܪܹܗ ܡܸܛܠܵܬܹܗ. ܚܙܵܘ ܗܵܟܹܝܠ ܟܡܵܐ ܣܲܝܒܲܪ ܡ̣ܢ ܚܲܛܵܝܹ̈ܐ. ܚܲܫܹ̈ܐ ܩܫܲܝ̈ܵܐ ܘܫܸܢܕܹ̈ܐ ܡܲܪܝܼܪܹ̈ܐ ܘܡܵܘܬܹ̈ܐ ܡܫܲܚܠ̱ܦܹ̈ܐ. ܣܲܝܒܲܪ ܣܵܗܕܵܐ ܩܲܕܝܼܫܵܐ. ܡܵܪܝ ܓܝܼܘܲܪܓ݁ܝܼܣ ܢܲܨܝܼܚܵܐ. ܡܸܛܠ ܚܘܼܒܹܗ ܕܲܡܫܝܼܚܵܐ. ܒܕܲܐܚ̣ܒܹܗ ܝܲܬ݁ܝܼܪ ܡ̣ܢ ܚܲܝܵܘ̈ܗܝ. ܒܪܝܼܟ݂ ܕܟܲܠ̣ܠܹܗ ܠܣܵܗܕܵܐ ܒܙܵܟ݂ܘܼܬ݂ܵܐ: ܬܢܝܼ. ܫܲܒܲܚ. ܫܒ݂ܝܼܚܘܼ ܐܵܓ݂ܘܿܢܵܟ݂ ܘܥܸܠܵܝ ܬܲܟ݂ܬ݁ܘܼܫܵܟ݂ ܣܵܗܕܵܐ ܓܝܼܘܲܪܓ݁ܝܼܣ. ܕܐܵܘܕܝܼܬ݁ ܒܡܵܪܵܟ݂ ܩܕ݂ܵܡ ܚܲܢܦܹ̈ܐ. ܘܐܲܟܸܣ̣ܬ݁ ܐܸܢܘܿܢ ܒܙܵܟ݂ܘܼܬ݂ܵܟ݂. ܡܵܪܵܟ݂ ܕܲܚ̣ܙܵܐ ܐܵܓ݂ܘܿܢܵܟ݂. ܟܠܝܼܠ ܫܘܼܒ݂ܚܵܐ ܣ̣ܵܡ ܥܲܠ ܪܹܫܵܟ݂. ܘܗܵܐ ܥܬ݂ܝܼܕܲܬ݁ ܠܡܹܐܪܲܬ݂ ܡܲܠܟܘܼܬ݂ܵܐ. ܥܵܠܲܡ. ܡܠܸܟ݂ ܡܲܠܟܹ̈ܐ ܕܲܠܥܸܠ ܒܬ݂ܵܓܹܗ ܓܕܲܠ̣ ܣ̣ܵܡܵܟ݂ ܣܵܗܕܵܐ ܓܝܼܘܲܪܓ݁ܝܼܣ. ܘܐܸܫܬܵܘܕܝܼ ܠܵܟ݂ ܡܲܠܟܘܼܬ݂ܵܐ ܘܒ݂ܘܼܣܵܡܵܐ ܕܠܵܐ ܫܘܼܠܵܡܵܐ. ܕܠܹܗܘ̤ ܡܣܲܟܹܝܢ ܐܵܦ ܥܝܼܪܹ̈ܐ. ܘܟܸܢܫܹ̈ܐ ܟܠܗܘܿܢ ܕܡܲܠܲܐܟܹ̈ܐ ܡܵܐ ܕܐܵܬܹ̇ܐ ܒܫܘܼܒ݂ܚܹܗ ܒܲܪ ܡܲܠܟܵܐ܀
Assyrian Church of the East
To submit a recording for this hymn, please create an account or email it to gbinu44@gmail.com
Comments
Add a comment
Your email address will not be published. Required fields are marked *