Haw d'warkhan|ܗܵܘܿ ܕܒܲܪܟܲܢ|ܗܘ ܕܒܪܟܢ

ܒܚܲܕܒ݁ܫܲܒܹ̈ܐ ܘܲܒ݂ܥܹܐ̈ܕܹܐ ܘܲܒ݂ܕ݂ܘܼܟ݂ܪ̈ܵܢܹܐ

ܗܵܘܿ ܕܒܲܪܟܲܢ ܒܟܠ ܒܘܼܪ̈ܟܵܢ ܕܪܘܼܚ ܒܲܫܡܲܝܵܐ ܒܝܲܕ ܐܝܼܫܘܿܥ ܡܫܝܼܚܵܐ ܡܵܪܲܢ: ܕܙܲܡܢܲܢ ܠܡܲܠܟ݁ܘܼܬܹܗ ܘܲܩܪܵܢ ܠܫܘܼܒ݂ܚܹܗ ܘܲܠܛܘܼܒܵܘ̈ܗܝ ܪ̈ܓܝܼܓܹܐ ܕܠܵܐ ܥܵܒ݂ܪܝܼܢ ܘܠܵܐ ܦܵܛܪܝܼܢ ܘܠܵܐ ܡܸܫܬ݁ܪܹܝܢ : ܐܲܝܟ݂ ܕܐܸܫܬܵܘܕ݁ܝܼ ܒܲܣܒܲܪܬܹܗ ܡܲܚܝܵܢܝܼܬ݂ܵܐ ܘܐܸܡܲܪ ܠܟܸܢܫܵܐ ܒܪܝܼܟ݂ܵܐ ܕܬܲܠܡܝܼܕܵܘ̈ܗܝ : ܕܐܵܡܹܝܢ ܐܵܡܹܝܢ ܐܵܡܲܪ ܐ݇ܢܵܐ ܠܟ݂ܘܿܢ : ܕܟ݂ܠܡܲܢ ܕܐܵܟܹܠ ܦܲܓ݂ܪܝ ܘܫܵܬܹܐ ܕܹܡܝ ܒܝܼ ܡܩܵܘܸܐ ܘܐܸܢܵܐ ܒܹܗ: ܘܐܸܢܵܐ ܐܲܩܝܼܡܝܼܘܗܝ ܒܝܵܘܡܵܐ ܐ݇ܚܪܵܝܵܐ: ܘܲܠܕ݂ܝܼܢܵܐ ܠܵܐ ܐܵܬܹ݁ܐ : ܐܸܠܵܐ ܫܲܢܝܼ ܠܹܗ ܡ̣ܢ ܡܵܘܬܵܐ ܠܚܲܝܹ̈ܐ ܕܲܠܥܵܠܲܡ. ܗܘ݀ ܕܹܝܢ ܢܒܲܪܸܟ ܠܟܸܢܫܲܢ: ܘܲܢܢܲܛܲܪ ܠܲܩܝܵܡܲܢ : ܘܲܢܙܲܗܸܐ ܠܥܲܡܲܢ : ܕܐܸܬ݂ܵܐ ܘܐܸܬ݂ܒܲܣܲܡ ܒܐ݇ܪ̈ܵܙܵܘܗܝ ܫܒ݂ܝܼ̈ܚܹܐ ܘܩܲܕ݁ܝܼ̈ܫܹܐ ܘܡܲܚܝܵـܢܹ̈ܐ ܘܐܲܠܵܗܵܝܹ̈ܐ ܿ ܘܲܒ݂ܢܝܼܫܹܗ ܚܲܝܵܐ ܕܲܨܠܝܼܒ݂ܵܐ ܡܵܪܵܢܵܝܵܐ ܬܸܗܘܘܿܢ ܚܬ݂ܝܼܡܹ̈ܐ: ܘܲܢܛܝܼܪܹ̈ܐ ܡ̣ܢ ܟܠ ܢܸܟ݂ܝܵܢܝܼ̈ܢ ܟܣܲܝܵـܐ̈ ܘܲܓ݂̈ܠܲܝܵܐ : ܗܵܫܵܐ ♱ ܘܲܒ݂ܟ݂ܠܙܒܲܢ ܘܲܠܥܵܠܲܡ ܥܵܠܡܝܼܢ. ܘܪܵܫܹܡ ܥܲܠ ܥܲܡܵܐ.

ܘܥܵܢܹܝܢ : ܐܵܡܹܝܢ.