Hawbe Wahtahe D'sereth|ܚܵܘܒܹ̈ܐ ܘܲܚܛܵܗܹ̈ܐ ܕܣܸܥ݁ܪܹܬ݂|ܚܘܒܐ ܘܚܛܗܐ ܕܣܥܪܬ

ܥܘܿܢܝܼܬ݂ܵܐ ܕܪܲܡܫܵܐ.

ܥܘܿܢܝܼܬ݂ܵܐ ܕܪܲܡܫܵܐ. ܒܥܲܕ݂ܠܵܐ ܬܲܝܬܹ݁ܝܢ. ܡܵܪܝܵܐ ܠܵܐ ܒܪܘܼܓ݂ܙܵܟ݂ ܬܲܟ݁ܣܲܢܝ: ܗܵܠܹܝܢ ܐܸܬ݁ܕܲܟ݂ܪܹܬ݂ ܘܐܸܬ݁ܛܲܪܦܲܬ̤ ܢܲܦ̮ܫܝ. ܚܵܘܒܹ̈ܐ ܘܲܚܛܵܗܹ̈ܐ ܕܣܸܥ݁ܪܹܬ݂ ܡܙܝܼܥܝܼܢ ܠܝܼ ܡ̣ܢ ܕܝܼܢܵܟ݂ ܕܚܝܼܠܵܐ. ܘܠܵܐ ܝܵܕܲܥ݁ ܐ݇ܢܵܐ ܐܲܝܢܵܐ ܡܲܦܲܩ ܒܪܘܼܚܵܐ ܐܸܬܸ݁ܠ ܩܕ݂ܵܡ ܒܹܝܡܵܟ݂ ܕܚܝܼܠܬܵܐ. ܘܥܲܠܗܵܕ݂ ܡܸܬ݂ܟܲܫܲܦ ܐ݇ܢܵܐ ܠܵܟ݂ ܐܵܣ݁ܝܵܐ ܛܵܒ݂ܵܐ. ܐܲܢ݇ܬ݁ ܥܲܕܲܪܹܝܗ݁ ܠܲܡܚܝܼܠܘܼܬ݂ܝ ܘܪܲܚܸܡܥܠܲܝ: ܬܢܝܼ. ܫܲܒܲܚ. ܫܒ݂ܝܼܚܘܼ ܬܘܼܟ݂ܠܵܢܵܟ݂ ܒܹܝܬ݂ ܓܵܘܣܲܢ ܥܲܫܝܼܢܵܐ. ܘܲܪܓ݂ܝܼܓ݂ ܘܲܡܝܲܬܲܪ ܚܢܵܢܵܟ݂ ܪܲܒܵܐ ܡܠܸܐ ܥܘܼܕ݂ܪ̈ܵܢܹܐ. ܕܲܡܨܸܐ ܦ݁ܵܪܹܩ ܠܲܕ݂ܡܸܬ݂ܓܵܘܣܝܼܢ ܒܹܗ ܡ̣ܢ ܟܠ ܒܝܼ̈ܫܵܢ. ܘܲܡܫܵܘܙܸܒ݂ ܬܘܼܒ݂ ܠܲܕ݂ܛܵܦܣܝܼܢ ܒܹܗ ܡ̣ܢ ܟܠ ܥܵܩ̈ܵܢ. ܘܐܲܝܢܵܐ ܕܐܲܡܝܼܢ ܘܢܵܩܹ݁ܫ ܒܬܲܪܥܹܗ ܠܵܐ ܡܲܗܡܸܐ ܡ̣ܢܹܗ. ܘܠܲܕ݂ܡܲܚܨܸܦ ܬܘܼܒ݂ ܘܫܵܐܹ݁ܠ ܪ̈ܲܚܡܹܐ ܡܲܣܓܹܐ ܥܵܢܹ݁ܐ ܠܹܗ. ܡܲܢ̣ܘܼ ܗܵܢܵܐ ܕܠܵܐ ܢܸܪܗܲܛ ܘܢܸܬ݂ܓܵܘܲܣ ܒܹܗ: ܒܲܚܢܵܢܵܟ݂ ܡܠܸܐ ܟܠ ܥܘܼܕ݂ܪ̈ܵܢܝܼܢ. ܘܢܸܫܐܲܠ ܡ̣ܢܹܗ ܫܘܼܒ݂ܩܵܢܵܐ ܕܲܚܛܵܗܹ̈ܐ. ܟܲܕ݂ ܩܵܥܹ݁ܐ ܒܲܚܢܲܓ݂ܬ݂ܵܐ ܘܐܵܡܲܪ. ܚܘܼܣܥܠܲܝ ܐܲܢ݇ܬ݁ ܚܲܢܵܢܵܐ. ܘܲܦܪܘܿܩܲܝܢܝ ܐܲܝܟ݂ ܕܲܡܥܵܕܲܬ݁. ܛܵܒ݂ܵܐ ܕܠܵܐ ܟܵܠܹ݁ܐ ܪ̈ܲܚܡܵܘܗܝ ܡܵܪܹܟ݁ܠ ܫܘܼܒ݂ܚܵܐ ܠܵܟ݂.

ܘܐܵܡܲܪ ܡܫܲܡܫܵܢܵܐ: ܢܨܲܠܸܐ: ܫܠܵܡܵܐ ܥܲܡܲܢ.