Hayyel Maran|ܚܲܝܸܠ ܡܵܪܲܢ|ܚܝܠ ܡܪܢ

ܚܲܝܸܠ ܡܵܪܲܢ

ܕܲܥܒ݂ܝܼܕ݂ܵܐ ܠܝܲܙܕܝܼܢ ܪܲܒܵܐ

ܚܲܝܸܠ ܡܵܪܲܢ ܐܝܼ̈ܕܹܐ ܕܲܦ̈ܫܲܛ؛ ܘܲܫܩܲܠ ܩܘܼܕ݂ܫܵܐ ܠܚܘܼܣܵܝ ܚܵܘ̈ܒܹܐ܀
ܐܲܫܘܵܐ ܐܸܢܹܝܢ ܕܲܒ݂ܟ݂ܠ ܝܵܘܡ̈ܝܼܢ؛ ܢܸܬ̈ܠܵܢ ܦܹܐܪܹ̈ܐ ܠܐܲܠܵܗܘܼܬ݂ܵܟ݂܀

ܦܘܼܡܹ̈ܐ ܕܗܲܠܸܠܘ ܒܓܼܵܘ ܒܹܝܬ݂ ܩܘܼܕ݂ܫܵܐ؛ ܐܲܫܘܵܐ ܐܸܢܘܿܢ ܠܡܸܙܡܲܪ ܫܘܼܒ݂ܚܵܐ܀

ܐܸܕ݂ܢܹ̈ܐ ܕܲܫ̈ܡܲܥ ܩܵܠ ܬܸܫ̈ܒ݁ܚܵܬ݂ܵܟ݂؛ ܠܵܐ ܡܵܪܝ ܢܸܫ̈ܡܥܵܢ ܩܵܠ ܪܗܝܼܒ݂ܘܼܬ݂ܵܐ܀

ܥܲܝ̈ܢܹܐ ܕܲܚܙܲܝ̈ ܚܢܵܢܵܟ݂ ܪܲܒܵܐ؛ ܬܘܼܒ݂ ܡܵܪܝ ܢܸܚ̈ܙܝܵܢ ܣܲܒ݂ܪܵܟ݂ ܒܪܝܼܟ݂ܵܐ܀

ܐܵܦ ܠܸܫܵܢܹ̈ܐ ܕܲܩܥܵܘ ܩܲܕܝܼܫ؛ ܪܲܟܸܒ݂ ܐܸܢܘܿܢ ܠܡܹܐܡܲܪ ܩܘܼܫܬܵܐ܀

ܪ̈ܓ݂ܠܹܐ ܕܗܲܠܸـܟ݂ ܒܓ݂ܵܘ ܥܹ̈ـܕܵܬ݂ܵܐ؛ ܗܲܠܸـܟ݂ ܐܸܢܘܿܢ ܒܐܲܬ݂ܪܵܐ ܕܢܘܼܗܪܵܐ܀

ܦܲܓ݂ـܪܹ̈ܐ ܕܐܸܟ݂ܲܠܘ ܦܲܓ݂ܪܵܟ݂ ܚܲܝܵܐ؛ ܚܲܕܸܬ݂ ܐܸܢܘܿܢ ܒܚܲܝܹ̈ܐ ܚܲܕ݂ܬܹ̈ܐ܀

ܟܸܢܫܲܢ ܕܣܵܓ݂ܹـܕ݂ ܠܐܲܠܵܗܘܼܬ݂ܵܟ݂؛ ܐܲܣܓܵܐ ܠܘܵܬܹܗ ܟܠ ܥܘܼܕ݂ܪ̈ܵܢܝܼܢ܀

ܘܥܲܡܲܢ ܢܩܵܘܸܐ ܚܘܼܒܵܟ݂ ܪܲܒܵܐ؛ ܘܒܹܗ ܢܸܬ݂ܝܲܬܲܪ ܠܡܸܦܪܲܥ ܫܘܼܒ݂ܚܵܐ܀

ܘܲܦܬܲܚ ܬܲܪܥܵܐ ܠܒ݂ܵܥܘܼܬ݂ ܟܠܲܢ؛ ܘܬܸܥܘܿܠ ܩܕܼܵܡܲܝܟ ܐܵܦ ܬܸܫܡܸܫܬܲܢ܀