H'tahe Sangiye|ܚܛܵܗܹ̈ܐ ܣܲܓ݁ܝܼ̈ܐܹܐ|ܚܛܗܐ ܣܓܝܐܐ

ܥܘܿܢܝܼܬ݂ܵܐ ܕܪܲܡܫܵܐ.

ܥܘܿܢܝܼܬ݂ܵܐ ܕܪܲܡܫܵܐ. ܒܩܵܠܵܐ ܪܲܒܵܐ. ܐܲܕ݂ܪ̱ܟ݂ܘܼܢ̣ܝ ܚܛܵܗܲܝ̈ ܘܠܵܐ ܐܸܫܟ݁ܚܹ݁ܬ݂ ܠܡܸܚܙܵܐ: ܚܛܵܗܲܝ̈ ܐܵܘܕܲܥܬܵܟ݂ ܘܣܲܟ݂̈ܠ̱ܘܵܬ݂ܝ ܠܵܐ ܟܲܣ݁ܝܼܬ݂ ܡ̣ܢܵܟ݂. ܚܛܵܗܹ̈ܐ ܣܲܓ݁ܝܼ̈ܐܹܐ ܥܒ݂ܵܕܹ̈ܐ ܒܝܼܫܹ̈ܐ ܕܣܸܥ݁ܪܹܬ݂ ܠܲܩܢܘܿܡܝ ܐܲܕ݂ܪ̱ܟ݂ܘܼܢܝ. ܒܵܥܹ݁ܐ ܐ݇ܢܵܐ ܡ̣ܢܵܟ݂ ܒܹܝܬ݂ ܓܵܘܣܵܐ ܓܹܝܪ ܕܬܲܝܵܒܹ̈ܐ ܐܲܢ݇ܬ݁ ܗ݇ܘ̣ ܡܫܝܼܚܵܐ. ܠܵܐ ܬܵܘܒܸܕܲܝܢܝ ܡ̣ܢ ܩܘܼܕ݂ܡܲܝܟ. ܒܫܲܝܢܵܐ ܘܒܲܫܠܵܡܵܐ. ܐܲܫܠ̱ܡܹ݁ܬ݂ ܠܵܟ݂ ܪܘܼܚܝ. ܒܝܼܫܵܐ ܒܥܸܠܕܒ݂ܵܒ݂ܝ ܥܠܲܝ ܠܵܐ ܢܸܫܬܲܠܲܛ. ܐܲܢ݇ܬ݁ ܚܲܢܵܢܵܐ ܚܘܼܣ ܥܲܠ ܚܵܘ̈ܒܲܝ. ܘܩܲܒܸ݁ܠ ܒܵܥܘܼܬ݂ܝ ܒܛܲܝܒ݁ܘܼܬ݂ܵܟ݂ ܘܪܲܚܸܡ ܥܠܲܝ: ܬܢܝܼ. ܫܲܒܲܚ. ܡܫܝܼܚܵܐ ܡܠܸܐ ܪ̈ܲܚܡܹܐ ܐܲܫܦܲܥ ܛܲܝܒ݁ܘܼܬ݂ܵܟ݂ ܥܲܠ ܟܠ ܕܩܵܪܹܝܢ ܠܵܟ݂. ܘܐܵܘܫܸܛ ܐܝܼܕ݂ܵܐ ܕܥܘܼܕ݂ܪ̈ܵܢܹܐ ܠܟ݂ܠܗܘܿܢ ܐܲܝܠܹܝܢ ܕܲܪܡܹܝܢ ܒܢܸܣܝܘܿܢܹ̈ܐ. ܡܵܪܵܐ ܛܵܒ݂ܵܐ ܕܲܠܟ݂ܠܗܘܿܢ ܥܲܒ݂ܕܵܘ̈ܗܝ ܕܚܵܐܹ݁ܢ ܒܛܲܝܒ݁ܘܼܬܹܗ. ܗܲܒ݂ܠܲܢ ܡܵܪܝ ܒܲܚܢܵܢܵܟ݂ ܕܲܒ݂ܛܸܠܵܠܵܐ ܕܟܸܢܦܲܝ̈ܟ ܢܸܣܬܲܬܲܪ. ܡ̣ܢ ܒܝܼܫܵܐ ܘܚܲܝܠܹܗ ܒܪ̈ܲܚܡܹܐ ܕܛܲܝܒ݁ܘܼܬ݂ܵܟ݂.

ܘܐܵܡܲܪ ܡܫܲܡܫܵܢܵܐ: ܢܨܲܠܸܐ: ܫܠܵܡܵܐ ܥܲܡܲܢ.