Kad Swa Paroqan|ܟܲܕ݂ ܨܒ݂ܵܐ ܦܵܪܘܩܲܢ|ܟܕ ܨܒܐ ܦܪܘܩܢ

ܥܘܿܢܝܼܬ݂ܵܐ ܕܲܩܕ݂ܵܡ. ܒܣܵܗܕܹ̈ܐ ܒܪ̈ܝܼܟܹܐ. ܕܲܢܚܵܘܸܐ ܓܲܢ݇ܒܵܪܘܼܬܹܗ: ܕܢܸܦܪܘܿܩ ܠܲܒ݂ܢܲܝ̈ ܒܵܝܫܹ̈ܐ. ܕܨܘܼܪܬܵܐ. ܠܡܸܥܒܲܕ݂ ܟܠܡܵܐ ܕܐܝܼܕ݂ܵܟ݂ ܘܨܸܒ݂ܝܵܢܵܟ݂ ܩܲܕܸܡ ܪܫ̣ܲܡ ܕܢܸܗܘܸܐ. ܟܲܕ݂ ܨܒ݂ܵܐ ܦܵܪܘܩܲܢ ܕܢܸܓ݂ܠܸܐ ܬܸܫܒ݁ܘܿܚܬܹ݁ܗ ܘܢܵܘܕܲܥ ܪܲܒ݁ܘܼܬܹܗ. ܠܲܬ݂ܠܵܬ݂ܵܐ ܡ̣ܢ ܬܲܠܡܝܼܕ݂ܵܘ̈ܗܝ. ܐܲܣܸܩ̣ ܥܲܡܹܗ ܠܛܘܼܪ ܬܵܒ݂ܘܿܪ. ܘܐܸܫܬܲܚܠܲܦ ܩܕ݂ܵܡ ܥܲܝܢܲܝ̈ܗܘܿܢ. ܠܢܘܼܗܪܵܐ ܕܒܹܗ̤ܘ ܥܬ݂ܝܼܕ݂ ܕܢܹܐܬܸܐ. ܒܝܘܿܡ ܕܝܼܢܵܐ ܠܲܡܕܵܢ ܒܸܪ̈ܝܵܬ݂ܵܐ: ܬܢܝܼ. ܫܲܒܲܚ. ܒܛܘܼܪܵܐ ܕܬ݂ܵܒ݂ܘܿܪ ܚ̣ܵܘܝܼ ܡܲܚܝܵܢܲܢ ܫܘܼܒ݂ܚܵܐ ܕܪܲܒ݁ܘܼܬܹܗ. ܘܲܚ̣ܘܲܪܘ ܢܲܚܬܵܘ̈ܗܝ ܡ̣ܢ ܙܝܼܘܵܐ. ܕܗܲܕܵܡܵܘ̈ܗܝ ܕܗܲܝܟܲܠ ܡܸܠܬ݂ܵܐ. ܘܦܲܪܨܘܿܦܹܗ ܢ̣ܗܲܪ ܐܲܝܟ݂ ܫܸܡܫܵܐ. ܘܐܲܒ݂ܘܼܗܝ ܐܲܙܥܸܩ̣ ܡ̣ܢ ܪܵܘܡܵܐ. ܕܗܵܢܵܘ ܒܹܪܝ ܚܲܒ݁ܝܼܒ݂ܝ ܠܹܗ ܫܡܲܥܘ. ܐܵܡ̇ܲܪ ܡܫܲܡܫܵܢܵܐ: ܢܨܲܠܸܐ ܫܠܵܡܵܐ ܥܲܡܲܢ.