Kolkhon Amme|ܟܠܟ݂ܘܿܢ ܥܲܡܡܹ̈ܐ|ܟܠܟܘܢ ܥܡܡܐ

ܟܠܟ݂ܘܿܢ ܥܲܡܡܹ̈ܐ ܩܘܿܫܘ ܟܲܦܵܐ 

ܐ

ܟܠܟ݂ܘܿܢ ܥܲܡܡܹ̈ܐ ܩܘܿܫܘ ܟܲܦܵܐ؛ ܒܥܹܐܕܵܐ ܕܐܘܿܫܲܥܢܹ̈ܐ.

ܘܨܘܼܪܘܼܢ ܐ݇ܪ̈ܵܙܹܗ ܥܲܠ ܕܲܦܵܐ؛ ܕܝܼܠܟ݂ܘܿܢ ܪܸ̈ܥܝܵܢܹܐ.

ܘܐܸܫܬܵܘ ܘܲܪܘܵܘ ܡ̣ܢ ܬܲܦܵܐ؛ ܕܡܲܝܵـ̈ܐ ܪ̈ܘܼܚܵܢܹܐ.

ܘܐܸܬ݁ܕܲܡܵܘ ܟܠܟ݂ܘܿܢ´؛ ܒܝܲܠܘܼܕܹ̈ܐ ܗܵܢܘܿܢ´؛

ܕܲܠܡܵܪܲܢ ܒܠܸܫܵܢ ܣܲܝܦܵܐ؛ ܐܸܫܬ݁ܟܲܚܘ ܡܙܲܝܚܵܢܹ̈ܐ܀

ܒ

ܝܵܘܡܵܢܵܐ ܫܩܲܠܘ ܫܘܼܠܵܡܵܐ؛ ܟܠܗܘܿܢ ܒܘܼܕܵܩܹ̈ܐ.

ܘܲܩ̣ܢܵܘ ܡܸܟܹܝܠ ܥܘܼܠܵܡܵܐ؛ ܛܘܼܦ̮ܣܹ̈ܐ ܥܲܬܝܼܩܹ̈ܐ.

ܘܒܲܥܒ݂ܵܕܼܵܐ ܢ̣ܣܲܒ݂ܘ ܣܘܼܟܵܡܵܐ؛ ܛܸܠܵܠܹ̈ܐ ܚܪ̈ܝܼܩܹܐ.

ܘܲܕܢܲܚ ܦܵܪܘܿܩܗܘܿܢ´؛ ܕܥܵܠܡܹ̈ܐ ܡ̣ܢ ܣܵܟ݂ܗܘܿܢ´.

ܘܕܐܸܬ݂ܪܲܓ݂ܪܲܓ݂ܘ ܠܡܸܚܙܝܹܗ ܒܥܵܠܡܵܐ؛ ܢܒ݂ܝܼـܹ̈ܐ ܘܙܲܕܝܼܩܹ̈ܐ܀

ܓ

ܟܲܕ݂ ܥܵܐܹܠ ܗ̣݇ܘܵܐ ܠܐܘܿܪܸܫܠܸܡ؛ ܩܲܠܣܘܼܗܝ ܗ̣݇ܘܵܘ ܫܲܒ݂ܪܹ̈ܐ.

ܘܝܲܠܘܼܕܹ̈ܐ ܫܘܼܒ݂ܚܹܗ ܠܲܡܠܸܡܘ؛ ܘܥܵܡܗܘܿܢ ܐܵܦ ܥܝܼܪܹ̈ܐ.

ܘܲܦܪ̈ܝܼܫܹܐ ܦܘܼܡܗܘܿܢ ܐܸܬ݂ܒ݁ܠܸܡ؛ ܘܦܵܫܘ ܗ̣݇ܘܵܘ ܬܵܘܝܼܪܹ̈ܐ.

ܬܵܘ ܐܵܦ ܚܢܲܢ ܥܲܡܗܘܿܢ´؛ ܢܩܲܠܸܣ ܐܲܟ݂ܘܵܬ݂ܗܘܿܢ´.

ܠܡܵܪܲܢ ܘܲܠܓܘܼܕ݂ܵܐ ܢܙܲܛܸܡ؛ ܕܲܦܪ̈ܝܼܫܹܐ ܘܣܵܦܪܹ̈ܐ܀

ܕ

ܒܪܵܘܡܵܐ ܕܲܠܥܸܠ ܪ̈ܘܼܚܵܢܹܐ؛ ܠܡܵܪܘܼܬܹܗ ܡܩܲܕܫܝܼܢ.

ܒܥܘܼܡܩܵܐ ܕܲܠܬܲܚܬ ܦܲܓ݂ܪ̈ܵܢܹܐ؛ ܠܐ݇ܢܵܫܘܼܬܹܗ ܡܫܲܡܫܝܼܢ.

ܠܚܲܪܬܵܐ ܗܵܘܹܝܢ ܡܗܲܝܡܢܵܢܹ̈ܐ؛ ܘܒܲܡܚܲܝܕ݂ܵܐ ܕܵܪܫܝܼܢ.

ܘܡܸܣܬܲܟ݁ܠܝܼܢ ܟܠܗܘܿܢ´؛ ܚܕ݂ܵܝܘܼ ܒܲܬ݂ܪܲܝܗܘܿܢ´؛

ܟܝܵܢܹ̈ܐ ܗܵܘܹܝܢ ܡܫܲܒ݁ܚܵܢܹ̈ܐ؛ ܠܚܲܕ݂ ܟܲܕ݂ ܠܵܐ ܡܦܲܪܫܝܼܢ܀

ܗ

ܡܸܟܹܝܠ ܚܕ݂ܝܼ ܥܲܡܲܢ ܙܟܲܪܝܵܐ؛ ܢܒ݂ܝܼܵܐ ܕܲܫܪܵܪܵܐ.

ܘܲܚܙܝܼ ܠܦܵܪܘܿܩܵܐ ܘܡܵܪܝܵܐ؛ ܕܲܪܟ݂ܝܼܒ݂ ܥܲܠ ܚܡܵܪܵܐ.

ܘܫܲܒ݂ܪ̈ܘܼܢܹܐ ܒܩܵܠܹ̈ܐ ܚ̈ܠܲܝܵܐ؛ ܦܵܪܫܝܼܢ ܠܹܗ ܙܡܵܪܵܐ.

ܘܫܘܼܡܠܵܝܵܐ ܫܩܲܠܘ ܠܗ݇ܘܿܢ´؛ ܒܘܼܕܵܩܹ̈ܐ ܟܠܗܘܿܢ´؛

ܘܐܸܬ݁ܬ݁ܢܝܼܚ ܪܲܗܛܵܐ ܢܒ݂ܝܼܵܝܵܐ؛ ܘܲܕ݂ܢܲܚ ܠܹܗ ܫܪܵܪܵܐ܀

ܘ

ܐܸܬ݁ܬ݁ܥܝܼܪ ܝܲܥܩܘܿܒ݂ ܕܲܪܵܪܵܐ؛ ܚܙܝܼ ܐ݇ܪܵܙ ܣܸܒܸ݁ܠܬܵܐ.

ܕܐܸܬ݂ܓܲܡܲܪ ܠܹܗ ܒܐܲܬܵܢܵܐ؛ ܒܪܵܗ̇ ܕܐ݇ܣܝܼܪ ܒܲܓ݂ܦܸܬܵܐ.

ܘܚܘܼܨ ܠܵܟ݂ ܡ̣ܢܲܝ̈ ܩܝܼܬ݂ܵܪܵܐ؛ ܕܵܘܝܼܕ݂ ܒܲܪ ܡܵܪܬ݂ܵܐ.

ܘܠܲܦܪ̈ܝܼܫܹܐ ܘܚܲܝܠܗܘܿܢ´؛ ܛܪܘܿܕ݂ ܘܙܲܡܲܪ ܥܲܡܗܘܿܢ´؛ܕܫܲܒ݂ܪܹ̈ܐ ܡ̣ܢ ܦܘܼܡܗܘܿܢ ܒܪܝܼܪܵܐ؛ ܬܸܩܢܲܬ݂ ܬܸܫܒ݁ܘܿܚܬܵܐ܀

ܙ

ܐܲܒ݂ܘܼܢ ܙܲܗܝܵܐ ܘܩܲܕܝܼܫܵܐ؛ ܡܵܪܝ (ܦܠܵܢ) ܡܫܲܒ݁ܚܵܐ.

ܕܲܒ݂ܕܵܪܲܢ ܒܲܕ݂ܡܘܼܬ݂ ܫܸܡܫܵܐ؛ ܘܢܘܼܗܪܵܐ ܗ݇ܘܼ ܐܵܦ ܡܸܠܚܵܐ.

ܘܲܒ݂ܝܲܡܵܐ ܕܥܹܕܲܬ ܩܘܼܕ݂ܫܵܐ؛ ܗ̤ܘܝܘܼ ܡܲܠܵܚܵܐ.

ܠܲܡܗܲܝܡܢܹ̈ܐ ܟܠܗܘܿܢ´؛ ܒܟ݂ܠ ܫܘܼܚܠܵܦܲܝ̈ܗܘܿܢ´؛

ܨܠܘܿܬܹܗ ܬܢܲܛܲܪ ܡ̣ܢ ܒܝܼܫܵܐ؛ ܘܢܸܗܘܘܿܢ ܒܲܢܝܵܚܵܐ܀