L'pagra Walnawsha|ܠܦܲܓ݂ܪܵܐ ܘܲܠܢܲܦ̮ܫܵܐ|ܠܦܓܪܐ ܘܠܢܦܫܐ

ܕܐ݇ܖ̈ܵܙܹܐ. ܒܣܵܗܕܹ̈ܐ ܒܖ̈ܝܼܟܹܐ. ܡ̣ܢ ܕܚܲܟ݁ܝܼܡ ܢܸܛܲܪ ܗܵܠܹܝܢ: ܬܵܘ ܒܢܲܝ̈ܵܐ ܫܘܼܡܥܘܼܢܝ. ܠܦܲܓ݂ܪܵܐ ܘܲܠܢܲܦ̮ܫܵܐ ܙܵܕܹ݁ܩ ܕܲܢܨܘܼܡܘܼܢ ܬܖ̈ܲܝܗܘܿܢ ܫܲܘܝܵܐܝܼ݂ܬ݂. ܕܡܵܐ ܕܨܵܡ̣ ܦܲܓ݂ܪܵܐ ܡ̣ܢ ܠܲܚܡܵܐ ܬܨܘܼܡ ܢܲܦ̮ܫܵܐ ܡ̣ܢ ܒܝܼ̈ܫܵܬ݂ܵܐ. ܣܪܝܼܩ ܗ݇ܘ̣ ܨܵܘܡܵܐ ܕܡ̣ܢ ܠܲܚܡܵܐ. ܐܸܢ ܢܲܦ̮ܫܵܐ ܠܵܐ ܡܸܬ݂ܟܲܠܝܵܐ. ܡ̣ܢ ܗܸܪܓܵܐ ܣܲܢܝܵܐ ܕܒ݂ܝܼ̈ܫܵܬ݂ܵܐ: ܬܢܝ. ܫܲܒܲܚ. ܒܨܵܘܡܵܐ ܕܡ̣ܢ ܠܲܚܡܵܐ ܚܬ݂ܝܼܪܝܼܢ ܫܵܛܲܝ̈ܵܐ ܒܪܸܥܝܵܢܵܐ ܣܲܟ݂ܠܵܐ. ܘܲܢܒ݂ܝܼܵܐ ܒܦܘܼܩܕܵܢ ܡܵܪܹܗ. ܐܲܟ݂ܪܸܙ ܘܐܸܡܲܪ ܒܹܝܬ݂ ܥܲܡܡܹ̈ܐ. ܕܠܵܘ ܗܵܢܵܘ ܨܵܘܡܵܐ ܕܲܓ݂ܒܹܝ݁ܬ݂. ܕܡ̣ܢ ܠܲܚܡܵܐ ܘܚܲܡܪܵܐ ܢܨܘܼܡܘܼܢ ܒܢܲܝ̈ܢܵܫܵܐ. ܐܸܠܵܐ ܡ̣ܢ ܥܵܘ̣ܠܵܐ.