Lwishuth Qashyuthe|ܠܒ݂ܝܼܫܘܼܬ݂ ܩܲܫܝܘܼܬܹܗ|ܠܒܝܫܘܬ ܩܫܝܘܬܗ
Onitha d'wasalike of the first Sunday of Mar Elya. Resh Qala.
Syriac Text
ܥܘܿܢܝܼܬ݂ܵܐ ܕܒ݂ܵܣܵܠܝܼܩܹ̈ܐ
ܐܵܡܪܝܼܢ ܒܓ݂ܘܼܕܵܐ ܥܸܠܵܝܬܵܐ ܥܘܿܢܝܼܬ݂ܵܐ ܕܒ݂ܵܣܵܠܝܼܩܹ̈ܐ. ܒܫܘܼܪܵܝ ܫܠܝܼܚܹ̈ܐ ܓܒܲܝ̈ܵܐ. ܢܩܘܼܡ ܐܲܠܵܗܵܐ ܘܢܸܬ݂ܒܲܕܪܘܿܢ ܟܠܗܘܿܢ ܒܥܸܠܕܒ݂ܵܒ݂ܵܘ̈ܗܝ: ܠܵܐ ܬܸܬܸܠ ܡܵܪܝܵܐ ܪܸܓܬܹܗ ܠܥܵܘܵܠܵܐ. ܢܸܗܦܘܿܟ݂ ܥܵܘܠܹܗ ܒܪܹܫܹܗ: ܡܸܛܠ ܕܚܲܒܸܠ ܥܵܘܵܠܵܐ ܘܲܒ݂ܛܸܢ ܫܘܼܩܪܵܐ ܘܝܼܠܸܕ݂ ܥܸܬܵܐ. ܕܨܘܼܪܬܵܐ. ܡ̣ܢ ܗܵܕܹܐ ܝܵܕ݂ܥܝܼܢܲܢ ܕܙܲܒ݂ܢܵܐ ܗ݇ܘ̣ ܐ݇ܚܪܵܝܵܐ. ܗܵܝܕܹܝܢ ܢܸܬ݂ܓܠܸܐ ܥܵܘܵܠܵܐ ܗܵܘ ܕܡܵܪܲܢ ܢܣܝܼܦܝܼܘܗܝ ܒܪܘܼܚ ܦܘܼܡܹܗ. ܠܒ݂ܝܼܫܘܼܬ݂ ܩܲܫܝܘܼܬܹܗ ܕܙܲܒ݂ܢܵܐ ܐ݇ܚܪܵܝܵܐ ܚܵܐܲܪ ܒܥܸܠܕܲܪܵܐ. ܕܢܲܪܡܸܐ ܡܨܝܼܕܬܹܗ ܠܨܲܝܕܵܐ ܕܲܒ݂ܢܲܝ̈ܢܵܫܵܐ. ܘܲܒ݂ܦܲܚܹ̈ܐ ܕܲܛܡܲܪ ܡ̣ܢ ܩܕ݂ܝܼܡ ܠܘܵܬ݂ ܐܵܕ݂ܵܡ. ܒܗܘܿܢ ܬܘܼܒ݂ ܡܸܬ݂ܦܲܪܲܣ ܒܚܲܪܬ݂ܵܐ ܠܘܵܬ݂ ܝܲܠܕ݂ܵܘ̈ܗܝ. ܘܒܸܐܣܟܹܡܵܐ ܕܫܲܝܢܵܐ ܢܵܓܹܕ݂ ܠܹܗ ܠܥܵܠܡܵܐ. ܘܐܸܢ ܡܲܨܝܵܐ ܬܘܼܒ݂ ܐܵܦ ܠܲܓ݂ܒܲܝ̈ܵܐ ܡܲܛܥܸܐ. ܘܠܵܘ ܒܲܠܚܘܿܕ݂ ܨܸܒ݂ܝܵܢܹܗ ܠܵܐ ܫܵܠܹܡ. ܐܸܠܵܐ ܐܵܦ ܫܘܼܠܛܵܢܹܗ ܒܵܛܹܠ. ܘܲܠܥܹܝܢ ܟܠܗܹܝܢ ܒܸܪ̈ܝܵܬ݂ܵܐ ܒܲܓ݂ܙܵܪ ܕܝܼܢܵܐ ܕܚܝܼܠܵܐ ܡܸܬܬܕܝܼܢ. ܒܵܟ݂ ܡܵܪܝ ܕܐܸܬ݂ܟܲܢܝܼܬ ܐܵܕ݂ܵܡ ܬܪܲܝܵܢܵܐ. ܘܟ݂ܠܗܘܿܢ ܐܲܝܠܹܝܢ ܕܫܵܠܡܝܼܢ ܠܥܸܩ̈ܒ݂ܵܬܹܗ ܕܲܢܟ݂ܝܼܠܵܐ ܒܵܗܬܝܼܢ ܘܡܸܬ݂ܦܲܪܣܹܝܢ. ܗܵܟܲܢܵܐ ܓܹܝܪ ܕܵܝܢܲܬ ܠܟ݂ܠܗܘܿܢ ܐܲܝܠܹܝܢ ܕܟ݂ܵܦܪܝܼܢ ܒܵܟ݂. ܡܵܪܹܟܠ ܫܘܼܒ݂ܚܵܐ ܠܵܟ݂: ܬܢܝܼ. ܫܲܒܲܚ. ܒܵܗ̇.
Chaldean Catholic Church
Source: Breviarium Chaldaicum Vol III, Paul Bedjan 1886
Page ܪܢܙ
Chaldean Catholic Church
Assyrian Church of the East
To submit a recording for this hymn, please create an account or email it to gbinu44@gmail.com
Comments
Add a comment
Your email address will not be published. Required fields are marked *