Mambu'a Hayye|ܡܲܒ݁ܘܼܥ ܚܲܝܹ̈ܐ|ܡܒܘܥ ܚܝܐ

ܬܵܘ ܫܡܲܥܘ ܘܐܸܫܬܲܥܸܐ ܠܟ݂ܘܿܢ: ܫܡܲܥܘ ܗܵܕܹܐ ܟܠܗܘܿܢ ܥܲܡܡܹ̈ܐ. ܡܲܒ݁ܘܼܥ ܚܲܝܹ̈ܐ ܕܠܵܐ ܫܘܼܠܵܡܵܐ ܗܘܵ݀ܐ ܝܘܼܠܦܵܢܹܗ ܕܲܡܫܝܼܚܵܐ ܡܵܪܲܢ ܒܓ݂ܵܘ ܥܵܠܡܵܐ. ܘܐܲܝܟ݂ ܕܡ̣ܢ ܡܲܒ݁ܘܼܥ ܦܲܪܕܲܝܣܵܐ ܠܐܲܪܒ݁ܥܵܐ ܪܹ̈ܫܝܼܢ ܦܪܲܫܘ. ܘܟ݂ܠ ܚܲܕ݂ ܡܸܢܗܘܿܢ ܐܸܫܬܲܕܲܪܘ ܠܐܲܬ݂ܪܵܐ ܨܲܗܝܵܐ ܀ ܡܲܬܲܝ ܦܝܼܫܘܿܢ ܠܥܸܒ݂ܪ̈ܵܝܹܐ. ܐܼܿܪܕܝܼ ܚܲܝܹ̈ܐ ܕܠܵܐ ܫܘܼܠܵܡܵܐ: ܘܡܲܪܩܘܿܣ ܕܸܩܠܲܬ݂ ܠܪ̈ܗ݇ܘܿܡܵܝܹܐ. ܐܲܥܬܲܪ ܗ݇ܘ̣ܵܐ ܒܫܸܩܝܵܐ ܕܦܸܬ݂ܓ݂ܵܡܵܘ̈ܗܝ. ܘܠܘܼܩܵܐ ܓܝܼܚܘܿܢ ܠܡܸܨܪ̈ܵܝܹܐ. ܚܲܦܸܛ ܐܸܢܘܿܢ ܠܡܸܬܲܠ ܦܹܐܪܹ̈ܐ. ܘܝܘܿܚܲܢܵܢ ܐܲܝܟ݂ ܢܲܗܪܵܐ ܦܪܵܬ݂. ܠܐܵܦܸܣܵܝܹ̈ܐ ܐܸܫܬܲܕܲܪ ܗ݇ܘ̣ܵܐ܀ ܘܐܲܟ݂ܪܸܙ ܘܐܲܠܸܦ ܥܲܠ ܡܸܠܬܹܗ ܕܐܲܒ݂ܵܐ. ܕܐܸܬ݂ܓ݁ܠܝܼ ܒܐ݇ܢܵܫܘܼܬܲܢ ܠܹܗ ܬܸܫܒ݁ܘܿܚܬܵܐ : ܬܢܝܼ.