Onitha d'wasaliqe of the seventh Sunday of Eliya, fourth of Sliwa, Qala Ramba
ܕܒ݂ܵܣܵܠܝܼܩܹ̈ܐ. ܒܩܵܠܵܐ ܪܲܒܵܐ. ܠܵܐ ܬܸܬܕܟܲܪ ܠܲܢ ܚܛܵܗܲܝ̈ܢ ܩܲܕ݂ܡܵܝܹ̈ܐ: ܡܸܛܠ ܕܐܸܬ݂ܡ̱ܠܝܼ ܕܲܝܪܹܗ ܕܐܲܪܥܵܐ ܚܸܫܘܿܟ݂ܵܐ ܘܥܵܘܠܵܐ: ܗ̤ܘܲܝܢ ܚܸܣܕܵܐ ܠܲܫܒ݂ܵܒܲܝ̈ܢ. ܕܨܘܼܪܬܵܐ. ܒܲܝܢܲܝ ܩܸܣܛܪܘܿܡܵܐ ܠܡܲܕ݂ܒܚܵܐ ܢܸܒ݂ܟܘܿܢ ܟܵܗܢܹ̈ܐ ܡܫܲܡܫܵܢܵܘ̈ܗܝ ܕܡܵܪܝܵܐ ܘܢܹܐܡܪܘܼܢ. ܡ̇ܢ ܠܵܐ ܢܲܟ݂ܪܸܐ ܕܲܣܓ݂ܝܼܘ ܚܵܘܒܲܝ̈ܢ ܘܲܥܫܸܢܘ ܣܘܼܪ̈ܚܵܢܲܝܢ. ܘܐܲܝܟ݂ ܕܲܒ݂ܝܲܡܵܐ ܛܒܲܥ݇ܢ ܟܠܢܵܫ ܒܫܸܢܬ݂ܵܐ ܕܲܪ̈ܓ݂ܝܼܓ݂ܵܬ݂ܵܐ. ܚܫܸܟ݂ ܫܪܵܪܵܐ ܘܲܢܗܲܪ ܥܵܘܠܵܐ ܒܝܲܥܪܵܐ ܕܣܲܢ̈ܝܵܬܲܢ. ܘܛܸܢܲܬ̤ ܟܹܐܢܘܼܬ݂ܵܐ ܕܬܸܥܒܸܕ݂ ܡ̣ܢܲܢ ܦܘܼܪܥܵܢܵܐ. ܒܚܲܪܒܵܐ ܘܟܲܦܢܵܐ ܘܡܵܘܬܵܢܵܐ ܘܙܵܘܥܵܐ ܕܲܗܘ̤ܵܐ. ܐܸܫܬܲܠܲܡ ܒܝܵܘܡܲܝ̈ܢ ܟܠܗܹܝܢ ܐܵܬ݂̈ܘܵܬ݂ܵܐ ܕܲܪܡܲܙ ܡܵܪܲܢ. ܕܒܲܚܛܵܗܲܝ̈ܢ ܡܲܛܝܲܬ̤ ܥܠܲܝܢ ܚܲܪܬ݂ܗܘܿܢ ܕܥܵܠܡܹ̈ܐ. ܢܲܫܦܲܥ ܕܸܡܥܹ̈ܐ ܚܢܝܼ̈ܓ݂ܵܬ݂ܵܐ ܟܲܕ݂ ܐܵܡܪܝܼܢܲܢ. ܡܵܪܝܵܐ ܕܲܒ݂ܪܵܢ ܒܛܲܝܒܘܼܬܹܗ. ܚܘܼܣ ܥܲܠ ܢܲܦ̮ܫ̈ܵܬܲܢ ܘܪܲܚܸܡܥܠܲܝܢ: ܬܢܝܼ.
ܫܲܒܲܚ. ܫܘܼܒ݂ܗܵܪܵܐ ܕܠܵܐ ܣܵܟ݂ܵܐ ܩܢܲܝܢܲܢ ܥܲܠ ܡܵܘܬܵܐ. ܒܝܲܕ݂ ܙܩܝܼܦܹܗ ܕܲܡܫܝܼܚܵܐ. ܘܒܲܩܝܵܡܬܹܗ ܕܡ̣ܢ ܒܹܝܬ݂ ܡܝܼܬܹ̈ܐ. ܕܠܲܓ݂ܙܵܪ ܕܝܼܢܵܐ ܕܥܲܠ ܥܠܲܝܢ. ܥܲܩܪܹܗ ܡ̣ܢܲܢ ܒܝܲܕ݂ ܚܲܫܹܗ. ܘܲܒ݂ܫܘܼܒ݂ܚܵܐ ܪܲܒܵܐ ܕܠܵܐ ܣܵܟ݂ܵܐ. ܩܵܥܹܝܢܲܢ ܟܠܲܢ ܘܐܵܡܪܝܼܢܲܢ. ܝܼܚܝܼܕ݂ܵܝܵܐ ܐܲܠܵܗܵܐ ܡܸܠܬ݂ܵܐ. ܗܵܘ ܕܲܠܒܸܫ ܦܲܓ݂ܪܲܢ ܡܵܝܘܿܬ݂ܵܐ. ܚܘܼܢ ܡܵܪܝ ܠܥܲܒ݂ܕܲܝ̈ܟ ܕܐܵܘܕܝܼܘ ܒܲܨܠܝܼܒ݂ܵܟ݂.

Source: Breviarium Chaldaicum Vol III, Paul Bedjan 1886
Page ܫܠܒ
To submit a recording for this hymn, please create an account or email it to gbinu44@gmail.com
Your email address will not be published. Required fields are marked *