Maran Isho|ܡܵܪܲܢ ܝܼܫܘܿܥ|ܡܪܢ ܝܫܘܥ

ܡܵܪܲܢ ܝܼܫܘܿܥ

ܬܸܫܒ݁ܘܿܚܬܵܐ ܕܩܘܼܒܲܠܛܲܝܒ݁ܘܼܬ݂ܵܐ ܒܚܲܕ݇ܒ݂ܫܹܒܹ̈ܐ ܕܲܥܒ݂ܝܼܕ݂ܵܐ ܠܡܵܪܝ ܐܲܦܪܹܝܡ ܡܲܠܦܵܢܵܐ 

ܡܵܪܲܢ ܝܼܫܘܿܥ ܡܲܠܟܵܐ ܣܓ݂ܝܼܕܵܐ؛ ܕܲܙܟ݂ܵܐ ܒܚܲܫܹܗ ܠܡܵܘܬܵܐ ܛܪܘܼܢܵܐ܀

ܒܪܵܐ ܕܐܲܠܵܗܵܐ ܕܐܸܫܬܵܘܕܝܼ ܠܲܢ؛ ܚܲܝܹ̈ܐ ܚܲܕ݂ܬܹ̈ܐ ܒܡܲܠܟ݁ܘܼܬ݂ ܪܵܘܡܵܐ܀

ܒܲܛܸܠ ܡ̣ܢܲܢ ܟܠ ܢܸـܟ݂ܝܵܢܝܼ̈ܢ؛ ܘܐܲܫܪܵܐ ܒܐܲܬ݂ܪܲܢ ܫܲܝܢܵܐ ܘܪ̈ܲܚܡܹܐ܀

ܕܲܒ݂ܝܘܿܡ ܕܸܢܚܵܟ݂ ܢܸܚܸܐ ܩܕܼܵܡܲܝܟ؛ ܘܢܸܦܘܿܩ ܠܐܘܼܪܥܵـܟ݂ ܐܲܝܟ݂ ܨܸܒ݂ܝܵܢܵـܟ݂܀

ܒܝܲܕ݂ ܐܘܿܫܲܥܢܹ̈ܐ ܢܵܘܕܸܐ ܠܲܫܡܵܟ݂؛ ܥܲܠ ܛܲܝܒܘܼܬ݂ܵܟ݂ ܕܲܠܘܵܬ݂ ܓܸܢܣܲܢ܀

ܕܲܣܓ݂ܝܼܘ ܪ̈ܲܚܡܲܝܟ ܨܹܝܕ݂ ܐ݇ܢܵܫܘܼܬܲܢ؛ ܘܲܕ݂ܢܲܚ ܚܘܼܒܵܟ݂ ܥܲܠ ܡܝܼܬ݂ܘܼܬܲܢ܀

ܘܲܥܛܲܝܬ݁ ܚܵܘܒܲܝ̈ܢ ܒܝܲܕ ܚܘܼܣܵܝܵܟ݂؛ ܫܘܼܒ݂ܚܵܐ ܠܲܫܡܵܟ݂ ܥܲܠ ܡܵܘܗܲܒ݂ܬ݂ܵܟ݂܀

ܒܪܝܼܟ݂ ܐܝܼܩܵܪܵܟ݂ ܡ̣ܢ ܓܵܘ ܐܲܬ݂ܪܵܟ݂؛ ܫܵܒܹܩ ܚܵܘܒܹ̈ܐ ܡܸܛܠ ܪ̈ܲܚܡܵܘܗܝ܀

ܘܲܒ݂ܛܲܝܒܘܼܬ݂ܵܟ݂ ܐܲܫܘܵܐ ܠܟ݂ܠܲܢ؛ ܕܢܵܘܕܸܐ ܘܢܸܣܓ݁ܘܿܕ݂ ܠܐܲܠܵܗܘܼܬ݂ܵܟ݂܀

ܘܲܠܡܵܪܘܼܬ݂ܵܟ݂ ܒܟ݂ܠ ܥܸܕܵܢܝܼܢ؛ ܢܲܣܸܩ ܫܘܼܒ݂ܚܵܐ ܐܵܡܹܝܢ ܘܐܵܡܹܝܢ܀