Maryam B'sultha Qandishtha|ܡܲܪܝܲܡ ܒܬ݂ܘܼܠܬܵܐ ܩܲܕ݁ܝܼܫܬܵܐ|ܡܪܝܡ ܒܬܘܠܬܐ ܩܕ݁ܝܫܬܐ

ܩܵܠܵܐ ܕܓ݂ܵܘܵܐ: ܕܐܲܪܒܲܥܒ݁ܫܲܒܵܐ ܕܐܲܚܪ̈ܵܝܹܐ.

ܒܡܵܪܵܐ ܕܟ݂ܠܵܐ.

ܡܸܛܠ ܕܗܘ݀ܝܘܼ ܡܵܪܹܟ݂ܝ ܣܓ݂ܘܿܕ݂ܝ ܠܹܗ܀ ܒܥܵܝ ܡܸܢܹܗ ܘܐܸܬ݂ܟܲܫܲܦܝ ܠܹܗ ܕܲܢܚܘܼܣ ܥܠܲܝܢ. ܡܲܪܝܲܡ ܒܬ݂ܘܼܠܬܵܐ ܩܲܕ݁ܝܼܫܬܵܐ: ܐܲܦܝܼܣܝ ܘܲܒ݂ܥܵܝ ܠܲܡܫܝܼܚܵܐ: ܕܢܸܥܒܸܿܕ݂ ܪ̈ܲܚܡܹܐ ܥܲܠ ܥܵܠܡܵܐ: ܕܐܲܚܝܼܕ݂ ܓܵܘܣܵܐ ܒܲܨܠܘܿܬܹܟ݂ܝ. ܘܥܹܕ݁ܬܵܐ ܬܸܚܕܸ݁ܐ ܒܥܲܕ݂ܥܹܐܕܹܟ݂ܝ،: ܘܝܲܠܕܸܝ̈ܗ̇ ܒܓ݂ܵܘܵܗ̇ ܢܸـܬ݂ܢܲܛܪܘܼܢ: ܡ̣ܢ ܢܸܟ݂ܝܵܢܹ̈ܐ ܘܣܲܩܵܘܼܒ݂ܠܹܐ: ܕܐܲܟܹ݁ܠܩܲܪܨܵܐ ܡܵܪܘܿܕܵܐ. ܬܢܝܼ. ܒܲܕܲܪ ܘܝܲܗ݇ܒ݂ ܠܒܵܝ̈ܫܹܐ. ܦܬܲܚ ܓܲܙܵܐ ܕܝܲܗ݇ܒ݂ܠܵܟ݂ ܡܵܪܵܟ݂: ܐܘܿ ܝܘܿܚܲܢܵܢ ܟܵܪܘܿܙܵܐ: ܘܗܲܒ݂ ܥܘܼܕ݂ܪܵܢܵܐ ܠܲܣܢܝܼܩܹ̈ܐ: ܕܒ݂ܵܟ݂ ܡܸܬ݂ܓܵܘܣܝܼܢ ܘܩܵܪܹܝܢ ܫܡܵܟ݂. ܠܕܲܟ݂ܪܝܼܗ̇ ܗܲܒ݂ܠܹܗ ܚܘܼܠܡܵܢܵܐ: ܠܕܲܡܥܵܩ ܗ݀ܘܝܼ ܠܹܗ ܠܘܼܒܵܒ݂ܵܐ: ܘܐܲܝܢܵܐ ܕܒ݂ܝܼܫܵܐ ܫܵܚܹܩ ܠܹܗ: ܨܠܘܿܬ݂ܵܟ݂ ܫܘܼܪܵܐ ܬܸܗܘܸܐ ܠܹܗ. ܐܲܩܝܼܡ ܥܲܠ ܫܘܿܥܵܐ ܪܸ̈ܓ݂ܠܲܝ ܘܐܲܬ݂ܩܸܢ ܗܲܠܟ݂ܵܬ݂ܝ̈. ܫܠܝܼܚܹ̈ܐ ܟܹܐܦܵܐ ܕܠܵܐ ܙܵܝܥܵܐ: ܒܢܵܘ ܒܸܢܝܵܢܵܐ ܕܠܵܐ ܡܸܫܬ݁ܪܸܐ: ܒܚܲܝܠܵܐ ܕܩܲܒܸ݁ܠܘ ܡ̣ܢ ܡܵܪܗܘܿܢ: ܥܩܲܪܘ ܚܲܢܦܘܼܬ݂ܵܐ ܘܥܹܕ݁ܬܵܐ ܒܢܵܘ. ܐܹܝܘ ܠܬܲܠܡ̈ܝܼܕܹܐ ܕܲܫܪܵܪܵܐ: ܕܲܫܲܟ݂ܠܸܠܘ ܘܐܵܘܪܸܒ݂ܘ ܒܸܢܝܵܢܗܘܿܢ: ܘܢܵܘ̈ܣܹܐ ܕܪܘܼܚܵܐ ܨܲܒܸ݁ܬ݂ܘ ܒܢܵܘ: ܒܓ݂ܵܘ ܢܲܦ̮ܫ̈ܵܬ݂ܵܐ ܕܲܡܗܲܝܡ̈ܢܹܐ. ܒܥܵܘ ܠܡܵܪܝܵܐ ܘܐܸܬ݂ܚܲܝܲܠܘ. ܫܠܝܼܚܹ̈ܐ ܓܒܲܝ̈ܵܐ ܘܩܲܕ݁ܝܼܫܹ̈ܐ: ܨܲܠܵܘ ܘܲܒ݂ܥܵܘ ܡ̣ܢ ܡܵܪܝܵܐ: ܕܢܸܗܘܸܐ ܫܲܝܢܵܐ ܒܲܒ݂ܪܝܼܬ݂ܵܐ: ܘܢܸܫܠܘܿܢ ܩܪ̈ܵܒܹܐ ܘܬܲܟ݂ܬ݁ܘܼܫܹܵܐ. ܠܟܵܗ̈ܢܹܐ ܬܸܗܘܸܐ ܐܵܘܝܘܼܬ݂ܵܐ: ܠܡܲܠܟܹ̈ܐ ܬܸܣܓܸ݁ܐ ܬܲܪܥܘܼܬ݂ܵܐ: ܘܠܲܐܪ̈ܒܲܥܦܸܢܝܵܬܹܗ ܕܥܵܠܡܵܐ: ܫܲܝܢܵܐ ܪܲܒܵܐ ܘܲܫܠܵܡܵܐ. ܕܲܒܲܚܘ ܠܹܗ ܕܸܒ݂ܚܹ̈ܐ ܕܫܘܼܒ݂ܚܵܐ. ܦܲܓ݂ܪܹܗ ܘܢܲܦ̮ـܫܹܗ ܙܲܗܝܵܐܝܼܬ݂: ܩܲܪܸܒ݂ ܓܲܒ݂ܝܵܐ ܐܸܣܛܲܦܵܢܘܿܣ: ܕܲܚܙܵܐ ܠܡܵܪܹܗ ܕܲܦܟ݂ܝܼܪ ܗ݇ܘܵܐ: ܩܕ݂ܵܡ ܕܲܝܵܢܵܐ ܕܲܢܢܲܓ݁ܕ݂ܝܼܘܗܝ. ܘܩܲܪܸܒ݂ ܐܵܦ ܗ݀ܘ ܕܸܒ݂ܚ̱ܬ݂ܵܐ: ܦܲܓ݂ܪܹܗ ܠܡܵܘܬܵܐ ܕܲܪܓ݂ܘܼܡܝܵܐ: ܘܲܢܣܲܒ݂ ܟܠܝܼܠܵܐ ܕܙܵܟ݂ܘܼܬ݂ܵܐ: ܘܲܗܘ̤ܵܐ ܒܘܼܟ݂ܪܵܐ ܕܣܵܗܕܘܼܬ݂ܵܐ. ܡ̣ܢ ܦܘܼܡܵܐ ܕܲܥܠܲܝ̈ܡܹܐ ܘܕܲܛܠܵܝܹ̈ܐ. ܠܵܟ݂ ܬܸܫܒ݁ܘܿܚܬܵܐ ܦܵܪܘܿܩܲܢ: ܕܲܒ݂ܝܲܕ݂ ܚܲܝܠܵܟ݂ ܐܸܬ݂ܢܲܨܲܚܘ: ܓܲܒ݂ܪܹ̈ܐ ܬܠܵܬ݂ܵܐ ܕܬܸܕܡܘܼܪܬ݂ܵܐ: ܢܵܘ̈ܣܹܐ ܕܟܲܝ̈ܵܐ ܕܪܘܼܚ ܩܘܼܕܫܵܐ. ܥܡܝܼܠ ܒܲܕ݂ܪܵܫܵܐ ܕܝܘܿܕܘܿܪܘܿܣ¹: ܘܬܹܐܵܕܘܿܪܘܿܣܝ² ܢܲܨܝܼܚܵܐ: ܐܵܦ ܩܲܕ݁ܝܼܫܵܐ ܢܸܣܛܘܿܪܝܼܣ³: ܨܠܘܿܬ݂ܗܘܿܢ ܫܘܼܪܵܐ ܬܸܗܘܸܐ ܠܲܢ. ܘܐܸܡܵܐ ܕܲܒ݂ܢܲܝ̈ܵܐ ܟܲܕ ܚܵܕ݂ܝܵܐ. ܒܕܘܼܟ݂ܪܵܢ ܟܵܗ̈ܢܹܐ ܗܵܐ ܚܵܕ݂ܝܵܐ: ܥܹܕ݁ܬܵܐ ܫܒ݂ܝܼܚܬܵܐ ܘܩܲܕ݁ܝܼܫܬܵܐ: ܕܲܚܠܵܦ ܥܲܡ̈ܘܼܕܸܐ ܩܵܡ̣ܘ ܒܵܗ̇: ܕܢܸܗܘܘܿܢ ܡܲܠܦܵܢܹ̈ܐ ܡ̣ܢ ܒܢܹܝ̈ܗ̇. ܒܟ݂ܠ ܕܵܪ ܢܵܨܲܚ ܝܘܼܠܦܵܢܗܘܿܢ: ܘܗܲܝܡܵܢܘܼܬܗܘܿܢ ܫܲܪܝܼܪܬܵܐ: ܒܕܲܐܟܸ݁ܣܘ ܠܡܲܠܟܹ̈ܐ ܘܠܵܐ ܐܸܙܕܟܝܼܘ: ܡ̣ܢ ܠܘܼܚܵܡܵܐ ܕܒ݂ܝܼܫܘܼܬ݂ܗܘܿܢ. ܢܸܬ݁ܕܟܲܪ ܠܵܟ݂ ܡܵܪܝܵܐ ܟܠܗܘܿܢ ܩܘܼܪ̈ܒܵܢܲܝܟ. ܐܲܒ݂ܘܼܢ ܕܲܢܨܲܚܸܬ݁ ܒܐܵܓ݂ܘܿܢܵܐ: ܗܵܐ ܒܲܫܡܲܝܵܐ ܦܘܼܪܥܵܢܵܟ݂:...

1. Replaced with ܓܪܝܼܓ݂ܘܿܪܝܼܘܿܣ in the Chaldean Hudra

2. Replaced with ܒܵܣܹܝܠܝܼܘܿܣ in the Chaldean Hudra

3. Replaced with ܝܘܿܐܵܢܝܼܣ in the Chaldean Hudra