Meshtutha Wath|ܡܸܫܬ݁ܘܼܬ݂ܵܐ ܗ̤ܘܵܬ݂|ܡܫܬܘܬܐ ܗܘܬ
Sogitha of Mar Thoma Shliha - Probably authored by Jacob of Serugh
Syriac Text
ܣܘܿܓ݂ܝܼܬ݂ܵܐ ܕܡܵܪܝ ܬܐܘܿܡܵܐ ܫܠܝܼܚܵܐ
ܡܸܫܬ݁ܘܼܬ݂ܵܐ ܗ݀ܘܵܬ݂ ܬܢܝܼ ܒܐܲܬܪܵܐ ܕܚܝܼܠܵܐ ܕܗܸܢܕ݁ܘܵܝܹ̈ܐ: ܘܐܸܙܕܲܡܲܢ ܠܵܗ̇ ܡܵܪܝ ܬܐܘܿܡܵܐ ܫܠܝܼܚܵܐ܀
ܘܫܲܪܝܼ ܕܢܹܐܡܲܪ ܬܢܝܼ ܡܸܠܹ̈ܐ ܕܚܵܫܚܵܢ ܠܲܣܡܵܟ݂ܵܐ: ܘܐܲܪܝܼܡ ܫܵܩܝܵܐ ܘܲܡܚܵܝܗܝ ܥܲܠ ܦܲܟܹ݁ܗ܀
ܘܐܸܡܲܪ ܬܐܘܿܡܵܐ ܬܢܝܼ ܕܣܲܒ݂ܪܵܐ ܐܝܼܬ݂ ܠܝܼ ܒܐܲܠܵܗܵܐ ܕܗܵܝ ܝܲܡܝܼܢܵܐ ܐܲܪܝܵܐ ܦܵܫܲܚ ܠܵܗ̇܀
ܘܲܚܣܲܪܘ ܡܲܝ̈ܵܐ ܬܢܝܼ ܢܦܲܩ ܫܵܩܝܵܐ ܕܢܲܝܬܸ݁ܐ ܡܲܝ̈ܵܐ: ܦܓܲܥ ܒܹܗ ܐܲܪܝܵܐ ܘܦܲܫܚܵܗ̇ ܠܝܲܡܝܼܢܹܗ܀
ܘܟܲܠܒܵܐ ܫܲܩܠܵܗ̇ ܬܢܝܼ ܘܐܲܝܬ݁ܝܵܗ̇ ܘܣܵܡܵܗ̇ ܒܲܣܡܵܟ݂ܵܐ: ܙܡܝܼܢܹ̈ܐ ܕܲܚܙܵܘ ܫܲܒܲܚܘ ܠܐܲܠܵܗܵܐ܀
ܠܲܝܬ݁ ܗ݇ܘ̣ܵܐ ܬܲܡܵܢ ܬܢܝܼ ܡܲܢ ܕܝܵܕܲܥ ܗ݇ܘ̣ܵܐ ܥܸܒ݂ܪܵܐܝܼܬ݂: ܐܸܠܵܐ ܛܠܝܼܬ݂ܵܐ ܕܙܵܡܪܵܐ ܒܟܸܢܵܪܵܐ܀
ܥܢܵܬ݀ ܘܐܸܡܪܲܬ݀ ܠܹܗ ܬܢܝܼ ܕܡܲܢ ܐܲܝܬ݁ܝܵܟ݂ ܐܵܘ ܒܲܪ ܡܲܢ ܐܲܢ݇ܬ݁: ܕܲܣܥܲܪܬ݁ ܝܵܘܡܵܢ ܗܵܕܹܐ ܬܸܕܡܘܼܪܬܵܐ܀
ܕܲܠܡܵܐ ܐܲܢ݇ܬ݁ܘܼ ܬܢܝܼ ܗܵܘ̇ ܕܫܲܚܠܸܦ ܡܲܝ̈ܵܐ ܠܚܲܡܪܵܐ: ܒܩܲܛܢܹܐ ܡܕ݂ܝܼܢ݇ܬܵܐ ܘܐܸܫܬ݁ܝܼܘ ܣܲܓ݁ܝܼܐܹ̈ܐ܀
ܕܲܠܡܵܪ ܐܲܢ݇ܬ݁ܘܼ ܬܢܝܼ ܗܵܘ̇ ܕܣܲܒܲܥ ܐܲܠܦܹ̈ܐ ܒܡܲܕ݂ܒ݁ܪܵܐ: ܡ̣ܢ ܗܵܘ̇ ܠܲܚܡܵܐ ܕܫܲܪܬܲܚ ܩܕ݂ܵܡܲܝܗܘܿܢ܀
ܕܲܠܡܵܐ ܐܲܢ݇ܬ݁ܘܼ ܬܢܝܼ ܗܵܘ̇ ܕܲܦܠܲܓ݂ ܡܲܝ̈ܵܐ ܕܝܲܡܵܐ: ܘܐܲܥܒܲܪ ܠܥܲܡܵܐ ܕܲܒ݂ܢܲܝ̈ ܝܼܣܪܵܝܹܠ܀
ܕܲܠܡܵܐ ܐܲܢ݇ܬ݁ܘܼ ܬܢܝܼ ܗܵܘ̇ ܕܦܲܬܲܚ ܥܲܝܢܵܘ̈ܗܝ ܕܣܲܡܝܵܐ: ܘܒܵܬܲܪ ܕܲܚܙܵܐ ܫܲܒܲܚ ܠܲܡܫܝܼܚܵܐ܀
ܕܲܠܡܵܐ ܐܢ݇ܬ݁ܘܼ ܬܢܝܼ ܗܵܘ̇ ܕܐܲܩܝܼܡ ܗ݇ܘ̣ܵܐ ܠܠܵܥܵܙܲܪ: ܡ̣ܢ ܒܹܝܬ݂ ܡܝܼܬܹ̈ܐ ܘܗܲܝܡܸܢܘ ܣܲܓ݁ܝܼܐܹ̈ܐ܀
ܥܢܵܐ ܘܐܸܡܲܪ ܠܵܗ̇ ܬܢܝܼ ܐܸܢܵܐ ܐ݇ܢܵܐ ܥܲܒ݂ܕܵܐ ܕܕܲܣܥܲܪ: ܗܵܠܹܝܢ ܟܠܗܹܝܢ ܫܘܼܒ݂ܚܵܐ ܠܫܵܠܘܿܚܹܗ܀
Chaldean Catholic Church
Source: Teshmeshta d'raze, Kirkuk, Nineveh Printing Press, 1960
Page ܦܕ
Chaldean Catholic Church
Image from Leon Barkho
Chaldean Catholic Church
Assyrian Church of the East
To submit a recording for this hymn, please create an account or email it to gbinu44@gmail.com
Comments
Add a comment
Your email address will not be published. Required fields are marked *