Mettol Bishuth Awadayn|ܡܸܛܠ ܒܝܼܫܘܼܬ݂ ܥܒ݂ܵܕܲܝ̈ܢ|ܡܛܠ ܒܝܫܘܬ ܥܒܕܝܢ

ܥܘܿܢܝܼܬ݂ܵܐ ܕܪܲܡܫܵܐ. ܒܩܵܠ ܒܲܒ݂ܛܝܼܠܘܼܬܹܗ. ܐܲܠܵܗܵܐ ܛ̣ܥܲܝܬܵܢ ܘܲܕ݂ܚܲܩ̣ܬܵܢ ܘܲܪܓܸ݁ܙ̣ܬ݁ ܥܠܲܝܢ: ܡܸܛܠ ܕܚܲܕ݂ܪ̈ܵܢ̣ܝ ܒܝܼܫܵܬ݂ܵܐ ܕܠܵܐ ܡ̣ܢܝܵܢ. ܡܸܛܠ ܒܝܼܫܘܼܬ݂ ܥܒ݂ܵܕܲܝ̈ܢ ܣ̣ܓ݂ܝܼ ܘܲܥ̣ܫܸܢ ܡܲܚ̈ܘܵܬܲܢ ܕܠܵܐ ܡ̣ܢܝܵܢܵܐ. ܘܠܸܒܲܢ ܠܵܐ ܙܵܥ̣ ܡ̣ܢ ܫܲܒ݂ܛܵܐ ܕܪܘܼܓ݂ܙܵܐ. ܘܵܝܠܲܢ ܕܹܝܢ ܕܕܲܠܡܵܐ ܒܲܢ ܐܸܫܬܲܠܡܲܬ̤. ܚܲܪܬܹܗ ܕܥܵܠܡܵܐ ܘܫܘܼܠܵܡܵܐ ܕܝܵܘ̈ܡܵܬ݂ܵܐ. ܕܗܵܐ ܡ̣ܢ ܟܲܕ݁ܘܼ ܛܠܸܩ̣ ܚܲܝܲܝ̈ܢ. ܘܲܓ݂ܡܲܪ ܘܐܵܘܦ̣ܝܼ ܡܵܙܘܿܢܲܢ. ܘܲܒ݂ܛܸܠ̣ ܡ̣ܢܲܢ ܣܲܒ݂ܪܲܢ. ܒܪܝܼܟ݂ ܕܲܝ̇ܵܢܵܐ ܕܟܹܐܢܵܐ ܗ݇ܝܼ ܡܲܪܕܘܼܬܹܗ. ܘܐܲܝܟ݂ ܨܸܒ݂ܝܵܢܹܗ ܡܪܲܚܸܡ ܥܲܠ ܟܠܵܐ. ܡܵܪܵܐ ܕܨܵܒܹ݁ܐ ܒܬܲܝܵܒܹ̈ܐ ܚܘܼܣ ܥܠܲܝܢ: ܬܢܝܼ. ܘܫܲܒܲܚ. ܒܵܗ݁.