Onitha d'wasaliqe of the sixth Sunday of Eliya, third of Sliwa, Qala Ramba
ܕܒ݂ܵܣܵܠܝܼܩܹ̈ܐ. ܒܩܵܠܵܐ ܪܲܒܵܐ. ܒܲܪܸܟ݂ܝ ܢܲܦ̮ܫܝ ܠܡܵܪܝܵܐ: ܐܸܬ݂ܦܢܵܝ ܢܲܦ̮ܫܝ ܠܲܢܝܵܚܹܟ݂ܝ. ܥܒܲܪ ܡ̣ܢ ܒܝܼܫܬܵܐ ܘܲܥܒܸܕ݂ ܛܵܒ݂ܬ݂ܵܐ. ܕܨܘܼܪܬܵܐ. ܗܵܐ ܚܲܬ݂ܢܵܐ ܐܵܬܹܐ: ܦܘܿܩܘ ܠܐܘܼܪܥܹܗ. ܢܲܦ̮ܫܝ ܕܵܘܝܼܬ݂ܵܐ ܟܲܕ݂ ܐܲܚܝܼܕܲܬܝ ܠܲܡܦܹܝܕܲܝ̈ܟܝ. ܟܲܬܲܪܝ ܘܲܫܡܲܥܝ ܩܵܠܹܗ ܕܚܲܬ݂ܢܵܐ ܫܒ݂ܝܼܚܵܐ. ܘܥܲܡ ܒܬ݂ܘܼܠܵܬ݂̈ܵܐ ܚܲܟܝܼ̈ܡܵܬ݂ܵܐ ܐܸܬܛܲܝܲܒ݂ܝ. ܘܥܲܡܗܹܝܢ ܬܘܼܒ݂ ܫܗܲܪܝ. ܟܲܕ݂ ܐܵܦ ܠܵܐ ܫܸܢܬ݂ܵܐ ܠܥܲܝܢܲܝ̈ܟܝ ܬܸܬܠܝܼܢ. ܘܲܒ݂ܬܸܫܒܚܵܬܹ̈ܗ ܕܡܵܪܝܵܐ ܝܲܒܸܒ݂ܝ. ܘܐܸܬ݂ܟܲܫܲܦܝ ܠܹܗ ܘܐܸܡܲܪܝ. ܐܲܠܵܗܵܐ ܚܘܼܣ ܥܠܲܝ ܘܪܲܚܸܡ ܥܠܲܝ ܐܲܢ݇ܬ ܪܵܚܹܡ ܐ݇ܢܵܫ̈ܵܐ: ܬܢܝܼ.
ܒܵܬܲܪ ܥܹܐܕ݂ܵܐ ܕܲܨܠܝܼܒ݂ܵܐ ܘܐܵܡܪܝܼܢ: ܫܲܒܲܚ. ܒܩܵܠ ܣܒܲܪܬܹܗ ܕܡܵܪܲܢ. ܨܠܝܼܒ݂ܵܐ ܐܸܨܛܠܸܒ݂ ܒܐܘܿܪܸܫܠܸܡ. ܘܒܸܪ̈ܝܵܬ݂ܵܐ ܟܠܗܹܝܢ ܐܸܬ݂ܦܨܲܚ. ܡܵܘܬܵܐ ܝܲܥܢܵܐ ܒܹܗ ܐܸܫܬܪܝܼ. ܘܫܘܼܠܛܵܢܵܐ ܕܫܹܐܕܹ̈ܐ ܐܸܫܬܩܸܠ. ܠܲܝܗܘܼܕ݂ܵܝܹ̈ܐ ܒܲܕܲܪ ܐܸܢܘܿܢ. ܠܐܲܪ̈ܒܲܥܦܸܢܝܵܬܹܗ ܕܥܵܠܡܵܐ. ܘܲܠܥܲܡܡܹ̈ܐ ܟܲܢܸܫ ܐܸܢܘܿܢ. ܘܐܲܥܸܠ ܐܸܢܘܿܢ ܠܓܲܢܲܬ݂ ܥܕܸܢ܀ ܠܗܵܘ ܦܲܪܕܲܝܣܵܐ ܕܚܲܕ݂ܘ̈ܵܬ݂ܵܐ. ܕܲܢܦܲܩ ܐܵܕ݂ܵܡ ܟܲܕ݂ ܐܸܬ݂ܥ̱ܒܲܪ. ܐܵܕ݂ܵܡ ܕܲܬ݂ܪܹܝܢ ܙܟ݂ܵܐ ܒܲܝܗܘܼܕ݂. ܘܲܦܢܵܐ ܠܐܲܬ݂ܪܹܗ ܠܓܲܢܲܬ݂ ܥܕܸܢ܀ ܘܐܸܚܲܕ݂ ܫܘܼܠܛܵܢܵܐ ܒܲܫܡܲܝܵܐ ܘܒܲܐܪܥܵܐ. ܘܗܵܐ ܣܵܓ݂ܕܝܼܢ ܩܕ݂ܵܡܵܘܗܝ ܟܸܢܫܹ̈ܐ ܕܡܲܠܲܐܟܹ̈ܐ: ܘܩܵܥܹܝܢ ܟܠܗܘܿܢ ܒܚܲܕ݂ ܩܵܠܵܐ. ܬܵܘܕܝܼܬ݂ܵܐ ܠܹܗ ܠܒܲܪ ܡܵܪܹܟܠ.

Source: Breviarium Chaldaicum Vol III, Paul Bedjan 1886
Page ܫܝܙ
To submit a recording for this hymn, please create an account or email it to gbinu44@gmail.com
Your email address will not be published. Required fields are marked *