Nwiye w'malke|ܢܒ݂ـܼܝܹ̈ܐ ܘܡܲܠܟܹ̈ܐ|ܢܒܝܐ ܘܡܠܟܐ

ܢܒ݂ـܼܝܹ̈ܐ ܘܡܲܠܟܹ̈ܐ

ܣܝܵܡܵܐ ܕܡܵܪܝ ܐܲܦܪܹܝܡ ܪܲܒܵܐ 

ܢܒ݂ـܼܝܹ̈ܐ ܘܡܲܠܟܹ̈ܐ ܐܸܬ݂ܪܲܓ݂ܪܲܓ݂ܘ ܗ݇ܘܵܘ؛ ܠܗܵܢܵܐ ܐ݇ܪܵܙܵܐ ܕܦܲܓ݂ܪܹܗ ܕܡܵܪܲܢ܀

ܕܝܲܗ݇ܒ݂ ܗ݇ܘܵܐ ܦܲܓ݂ܪܹܗ ܠܥܹܕܲܬ݂ ܩܘܼܕܫܵܐ؛ ܘܲܡܩܲܕܫܵܐ ܠܹܗ ܒܕܸܚܠܵܐ ܘܚܘܼܒܵܐ܀

ܕܵܡܹܐ ܐܲܝܢܵܐ ܕܲܡܩܲܕܸܫ ܠܹܗ؛ ܠܕܲܗܒ݂ܵܐ ܕܥܵܐܹܠ ܠܟ݂ܘܼܪܵܐ ܕܢܘܼܪܵܐ܀

ܡܕܲܟܹ̇ܐ ܘܡܵܪܹܩ ܘܲܡܩܲܕܸܫ ܠܹܗ؛ ܘܗܵܘܹܐ ܡܵܐܢܵܐ ܕܩܲܕܝܼܫܘܼܬܵܐ܀

ܦܲܓ݂ܪܹܗ ܐܝܼܬ݂ܵܘܗܝ ܫܵܒܹܩ ܚܵܘܒܹ̈ܐ؛ ܘܲܕ݂ܡܹܗ ܡܚܲܣܹܐ ܚܛܵܗܹ̈ܐ ܕܐ݇ܢܵܫܵܐ܀

ܣܲܒ݂ܘ ܚܲܒܝܼܒܲܝ̈ ܐܲܟ݂ܘܿܠܘ ܡ̣ܢܹܗ؛ ܘܥܵܐܹܠ ܪܘܼܚܵܐ ܠܓ݂ܵܘ ܦܲܓ݂ܪ̈ܲܝܟ݁ܘܿܢ܀

ܗܲܝܡ̣ܢܘ ܐܲܚܲܝ̈ ܘܠܵܐ ܬܸܬ݂ܦܲܠܓ݂ܘܼܢ؛ ܘܟ݂ܠ ܕܠܵܐ ܡܗܲܝܡ̣ܢ ܓܠܝܼܙ ܡ̣ܢ ܪ̈ܲܚܡܹܐ܀

ܬܵܘܕܝܼܬ݂ܵܐ ܠܹܗ ܘܠܐܲܒ݂ܵܐ ܕܫܲܠܚܹܗ؛ ܘܲܠܪܘܼܚ ܩܘܼܕ݂ܫܵܐ ܠܥܵܠܲܡ ܥܵܠܡܝܼܢ܀