O Damhaymnin B'had Alaha|ܐܘܿ ܕܲܡܗܲܝܡܢܝܼܢ ܒܚܲܕ ܐܲܠܵܗܵܐ|ܐܘ ܕܡܗܝܡܢܝܢ ܒܚܕ ܐܠܗܐ

ܬܘܼܪܓܵܡܵܐ ܕܥܹܐܕܵܐ ܕܝܲܠܕܵܐ ܕܡܵܪܲܢ

ܐ. ܐܘܿ ܕܲܡܗܲܝܡܢܝܼܢ´ ܒܚܲܕ݂ ܐܲܠܵܗܵܐ ܐܲܚܝܼܕ݂ ܟܠܵܐ´؛
ܕܲܒ݂ܪܵܐ ܥܵܠܡܹ̈ܐ ܘܐܸܣܲܪ ܐܸܢܘܿܢ ܒܨܲܠܡܵܐ ܡܠܝܼܠܵܐ‌܀
ܒ. ܒܐܸܕ݂ܢܲܝ̈ ܠܸܒܵܐ´ ܫܡܲܥܘ ܠܲܣܒܲܪܬ݂ܵܐ ܕܗܵܘܢܵܐ ܡܨܲܠܠܵܐ´:
ܠܵܐ ܢܕܼܵܘܸܕ݂ܟ݂ܘܿܢ ܡ̣ܢ ܣܘܼܟܵܠܵܗ̇ ܥܵܠܹܡ ܗܸܒ݂ܠܵܐ‌܀
ܓ. ܓܢܝܼܙܵܐ ܕܡܸܣܬ݁ܓܸܕ݂´ ܒܲܚܕܼܵܢܵܝܘܼܬ݂ ܟܝܵܢܵܐ ܕܚܝܼܠܵܐ´:
ܥܲܠ ܬܠܝܼܬ݂ܵܝܘܼܬ݂ ܩܢܘܿܡܵܘ̈ܗ‌ܝ ܡܫܲܒ݁ܚܹ̈ܐ ܒܐَܢܵܫܘܼܬܲܢ ܓܠ̣ܵܐ‌܀
ܕ. ܕܲܫܪܲܟ݂ ܓܸܢܣܲܢ´ ܠܲܦܣܵܩ ܣܲܒ݂ܪܵܐ ܡܛ̣ܵܐ ܠܲܚܒ݂ܵܠܵܐ´:
ܘܚܲܕܸܬ݂ ܨܲܠܡܲܢ ܟܲܕ݂ ܡ̣ܢ ܓܸܢܣܲܢ ܢ̣ܣܲܒ݂ ܠܹܗ ܐܸܣܛܠܵܐ‌܀
ܗ. ܗ̇ܘ ܕܐܝܼܬ݂ܵܘܗ‌ܝ ܗَܘ̣ܵܐ´ ܒܥܘܼܒܵܐ ܕܐܲܒ݂ܘܼܗ‌ܝ ܟܲܣܝܵܐ ܚܡܝܼܠܵܐ´:
ܒܲܢ ܐܲܓܸܢ ܗَܘ̣ܵܐ ܡܸܠܬ݂ܵܐ ܒܒܸܣܪܵܐ ܕܠܵܐ ܒܘܼܠܒܵܠܵܐ‌܀
ܘ. ܘܲܒ݂ܒܹܝܬ݂ܠܚܸܡ´ ܕܢܲܚ̣ ܡ̣ܢ ܥܘܼܒܵܐ ܕܲܟ݂ܝܵܐ ܒܬ݂ܘܼܠܵܐ´:
ܘܥܵܠܡܹ̈ܐ ܬܪ̈ܲܝܗܘܿܢ ܡ̣ܢ ܬܸܫܒܘܿܚܬܵܐ ܕܪܲܒܘܼܬܹܗ ܡܠ̣ܵܐ‌܀
ܙ. ܙܵܚ̣ܘ ܡܲܠܲܐܟܹ̈ܐ´ ܘܣܲܒܲܪܘ ܒܐܲܪܥܵܐ ܫܠܵܡܵܐ ܒܩܵܠܵܐ´:
ܘܫܘܼܒ݂ܚܵܐ ܠܡܵܪܝܵܐ ܒܝܲܠܕܹܗ ܕܲܒ݂ܪܵܐ ܥܲܡ ܗܘܼܠܵܠܵܐ‌‌܀
ܬ. ܬܸܚܙܘܿܢ ܛܵܒ݂ܬ݂ܵܐ´ ܥܲܡ ܚܲܕ݂ܘܼܬ݂ܵܐ ܕܠܵܐ ܡܸܬ݁ܬ݁ܟ݂ܝܼܠܵܐ´:
 ܒܒ݂ܘܼܪܟܿܬܹܗ ܕܝܲܠܕܵܐ ܕܲܙܟ݂ܵܐ ܠܥܵܠܡܵܐ ܘܲܠܢܵܟ݂ܘܿܠܵܐ‌܀