O Damhaymnin B'marya Damlekh|ܐܘܿ ܕܲܡܗܲܝܡܢܝܼܢ ܒܡܵܪܝܵܐ ܕܲܡܠܲܟ݂|ܐܘ ܕܡܗܝܡܢܝܢ ܒܡܪܝܐ ܕܡܠܟ

ܬܘܼܪܓܵܡܵܐ ܕܥܹܐܕܵܐ ܕܐܘܿܫܲܥܢܹ̈ܐ

ܐ. ܐܘܿ ܕܲܡܗܲܝܡܢܝܼܢ´ ܒܡܵܪܝܵܐ ܕܲܡ̣ܠܲܟ݂ ܚܲܝܹ̈ܐ ܘܛܘܼܒܹ̈ܐ´:
 ܠܝܵܪ̈ܝܼܥܵܬ݂ܵܐ ܕܗܲܝܡܵܢܘܼܬ݂ܵܐ ܐܵܘܪܸܟ݂ܘ ܛܘܼܢܒܹ̈ܐ‌܀
ܒ. ܒܢܲܝ̈ܵܐ ܪ̈ܚܝܼܡܹܐ´ ܕܐܲܒ݂ܵܐ ܕܪ̈ܲܚܡܹܐ ܐܵܦ ܚܲܒ݁ܝܼܒܹ̈ܐ´:
 ܩܥܵܘ ܐܘܿܫܲܥܢܵܐ ܚܠܵܦ ܗ̇ܘ ܟܲܪܡܵܐ ܕܝܲܗَܒ݂ ܚܲܪ̈ܘܼܒܹܐ‌܀
ܓ. ܓܵܚܲܬ̤ ܨܸܗܝܘܿܢ´ ܒܢܝܼܣܵܢ ܝܲܪܚܵܐ ܕܟ݂ܠ ܗܲܒܵܒܹ̈ܐ´:
 ܠܐܘܼܪܥܹܗ ܕܡܲܠܟܵܐ ܡܣܲܒܲܪ ܫܠܵܡܵܐ ܡܒܲܛܸܠ ܩܪ̈ܵܒܹܐ‌܀
ܕ. ܕܥܲܠ̣ ܠܐܘܿܪܸܫܠܸܡ´ ܘܥܝܼܠܵܐ ܘܐܸܡܹܗ ܗܘ̤ܵܘ ܠܹܗ ܪ̈ܟ݂ܘܿܒܹܐ´:
 ܕܡܲܟܿܝܼܟ݂ܘܼܬ݂ܵܐ ܢܲܠܸܦ ܠܐܲܝܢܵܐ ܕܢܸܚܸܐ ܨܵܒܹ݁ܐ‌܀
ܗ. ܗ̤ܘ ܒܡܘܼܟܵܟܹܗ´ ܐܵܘܪܸܒ݂ ܠܫܝܼܛܹ̈ܐ ܘܲܠܬ݂ܵܚܘܿܒܹ̈ܐ´:
 ܘܩܲܦܲܚ ܠܪ̈ܵܡܹܐ ܘܐܲܒ݂ܗܸܬ݂ ܚܬ݂ܝܼܪܹ̈ܐ ܘܲܠܨܵܠܘܿܒܹ̈ܐ‌܀
ܘ. ܘܲܢ̣ܦܲܩܘ ܠܐܘܼܪܥܹܗ´ ܟܸܢܫ̈ܝܼܢ ܟܸܢܫ̈ܝܼܢ ܒܩܵܠ ܝܘܼܒܵܒܹ̈ܐ´:
 ܓܲܒ݂ܪܹ̈ܐ ܘܢܸܫܹ̈ܐ ܛܠܵܝܹ̈ܐ ܘܫܲܒ݂ܪܹ̈ܐ ܥܠܲܝܡܹ̈ܐ ܘܣܵܒܹ̈ܐ‌܀
ܙ. ܙܲܝܬܵܐ ܘܐܵܣܵܐ´ ܢܣܲܒ݂ܘ ܒܐܝܼܕܲܝ̈ܗܘܿܢ ܘܓ݂ܘܼܙܥܲܝ̈ ܥܲܪ̈ܒܹܐ´:
 ܘܣܵܘܟܲܝ̈ ܕܸܩܠܹ̈ܐ ܘܲܩܥ̣ܵܘ ܫܘܼܒ݂ܚܵܐ ܠܡܵܘܪܸܒ݂ ܛܵܒܹ̈ܐ‌܀
ܬ. ܬܸܪܘܲܙ ܢܲܦ̮ܫܲܢ´ ܒܝܘܿܡ ܡܲܥܲܠܬܹܗ ܘܢܸܗܘܸܐ ܠܒ݂ܝܼܒܹ̈ܐ´:
 ܘܲܢܨܘܼܬ݂ ܠܫܲܪܒܵܐ ܕܡܲܨܲܚ ܡܲܬܲܝ ܪܹܫ ܟܵܬ݂ܘܿܒܹ̈ܐ‌܀