Shwoq Hawbay Wahtahay|ܫܒ݂ܘܿܩ ܚܵܘ̈ܒܲܝ ܘܲܚܛܵܗܲܝ̈|ܫܒܘܩ ܚܘܒܝ ܘܚܛܗܝ

ܥܘܿܢܝܼܬ݂ܵܐ ܕܪܲܡܫܵܐ. ܒܡܲܪܝܼܪ ܕܝܼܢܵܐ. ܐܲܢ݇ܬ݁ ܫܵܒܹ݁ܩ ܐܲܢ݇ܬ݁ ܠܝܼ ܟܠܗܘܿܢ ܚܛܵܗܲܝ̈: ܚܲܣܵܢ ܘܦܲܨܵܢ ܡ̣ܢ ܚܛܵܗܲܝ̈ܢ ܡܸܛܠ ܫܡܵܟ݂. ܫܒ݂ܘܿܩ ܚܵܘ̈ܒܲܝ ܘܲܚܛܵܗܲܝ̈ ܒܝܲܕ݂ ܪ̈ܲܚܡܲܝܟ ܡܵܪܝܵܐ. ܘܐܲܣܵܐ ܡܘܼܡܹ̈ܐ ܘܲܚܒ݂ܵܪ̈ܵܬ݂ܵܐ ܘܣܲܟ݂ܠ̱ܘ̈ܵܬ݂ܵܐ ܕܣܸܥ݁ܪܹܬ݂. ܘܲܥܨܘܿܒ݂ ܟܹܐܒܲܝ̈ ܒܲܚܢܵܢܵܟ݂. ܐܵܣ݁ܝܵܐ ܕܡܲܐܣܸܐ ܡܲܓܵܢ ܒܒ݂ܵܥܘܼ ܚܘܼܣܥܠܲܝ: ܬܢܝܼ. ܫܲܒܲܚ. ܡܲܪܝܼܪ ܕܝܼܢܵܐ ܘܩܲܫܝܵܐ ܬܒܲܥܬ݂ܵܐ. ܕܕ݂ܵܐܹ݁ܢ ܠܟ݂ܠܗܘܿܢ ܚܲܛܵܝܹ̈ܐ. ܒܝܵܘܡܵܐ ܕܕ݂ܵܢܲܚ݁ ܡܲܠܟܵܐ ܡܫܝܼܚܵܐ ܘܦܵܪܲܥ݁ ܠܟ݂ܠܢܵܫ ܐܲܝܟ݂ ܥܲܡܠܹܗ. ܘܵܝܠܹܗ ܠܲܩܢܘܿܡܝ ܕܠܵܐ ܐܲܟ݂ܫܲܪ. ܘܲܦܠܲܚ̣ ܒܟܲܪܡܹܗ ܕܲܡܫܝܼܚܵܐ. ܕܢܸܥܘܿܠ ܠܲܓ݂ܢܘܿܢܹܗ.