Sliwa d'hawi|ܨܠܝܼܒ݂ܵܐ ܕܚܵܘܝܼ|ܨܠܝܒܐ ܕܚܘܝ

ܕܥܹܐܕ݂ܵܐ ܕܲܨܠܝܼܒ݂ܵܐ (ܨܠܝܼܒ݂ܵܐ ܕܚܵܘܝܼ)

ܣܘܿܓ݁ܝܼܬ݂ܵܐ ܒܩܵܠ؛ ܐܲܒ݂ܵܐ ܕܩܘܼܫܬܵܐ.

ܨܠܝܼܒ݂ܵܐ ܕܚܵܘܝܼ؛ ܚܲܝܠܹ̈ܐ ܬܡܝܼܗܹ̈ܐ؛ ܠܲܒ݂ܢܲܝ̈ܢܵܫܵܐ؛

ܒܵܟ݂ ܬܸܬ݂ܪܲܡܪܲܡ؛ ܩܲܪܢܵܐ ܕܥܹܕܬܵܐ؛ ܡܸܟܵܐ ܘܲܠܗܲܠ.܀

ܨܠܝܼܒ݂ܵܐ ܕܢܘܼܗܪܵܐ؛ ܕܲܦܪܲܩ ܥܵܠܡܹ̈ܐ؛ ܡ̣ܢ ܛܵܥܝܘܼܬ݂ܵܐ.

ܗܲܒ݂ܠܝܼ ܢܘܼܗܪܵܐ؛ ܠܥܲܝܢܲܝ̈ ܡܲܕܲܥܝ؛ ܕܐܸܚܙܸܐ ܫܘܼܒ݂ܚܵܟ݂.܀

ܒܲܪ ܐܲܠܵܗܵܐ؛ ܕܒܲܙܩܝܼܦܘܼܬܹܗ؛ ܒܪܝܼܬ݂ܵܐ ܪܸܘܙܲܬ̤.

ܢܸܪܘܲܙ ܪܸܥܝܵܢܝ؛ ܒܲܨܠܝܼܒ݂ ܢܘܼܗܪܵܐ؛ ܕܲܥܠܵܘܗܝ ܐܸܬ݁ܬ݁ܠܝܼܬ݁.܀

ܘܐܲܝܟ݂ ܕܐܲܫܘܝܼܬܲܢܝ؛ ܡܵܪܝ ܕܐܹܡܲܠܸܠ؛ ܒܲܨܠܝܼܒ݂ ܢܘܼܗܪܵܐ.

ܐܲܫܘܵܐ ܠܥܹܕܬܵܟ݂؛ ܠܲܨܠܝܼܒ݂ ܚܲܝܹ̈ܐ ܕܒܹܗ ܐܸܬ݂ܦܲܪܩܲܬ̤.܀

ܦܵܪܩܵܐ ܪܲܒܵܐ؛ ܕܲܦܪܲܩ ܥܹܕܬܹܗ ܒܲܨܠܝܼܒ݂ܘܼܬܹܗ.

ܦܪܘܿܩ ܚܲܛܵܝܘܼܬ݂ܝ؛ ܒܝܵܘܡܵܐ ܕܗܵܘܹܐ؛ ܕܝܼܢܵܐ ܕܚܝܼܠܵܐ.܀

ܒܗܵܢܵܐ ܚܲܓܵܐ؛ ܕܐܸܬ݂ܟܲܢܲܫܢܲܢ؛ ܠܲܨܠܝܼܒ݂ܘܼܬ݂ܵܟ݂.

ܪ̈ܲܚܡܲܝܟ ܢܸܗܘܘܿܢ؛ ܥܲܠ ܡܲܪܥܝܼܬ݂ܵܟ݂؛ ܘܠܵܟ݂ ܬܸܫܒ݁ܘܿܚܵܐ.܀

ܫܘܼܒ݂ܚܵܐ ܠܐܲܒ݂ܵܐ؛ ܕܨ̣ܵܪ ܒܲܢܒ݂ܝܼܹ̈ܐ؛ ܨܠܝܼܒ݂ܵܐ ܚܲܝܵܐ.

ܘܣܸܓ݁ܕ݂ܬ݂ܵܐ ܠܲܒ݂ܪܵܐ؛ ܕܲܥܠܵܘܗܝ ܐܸܨܛܠܸܒ݂؛ ܘܲܦܪܲܩ ܥܵܠܡܹ̈ܐ.܀

ܬܵܘܕܝܼ ܠܪܘܼܚܵܐ؛ ܕܥܲܒ݂ܕܹܗ ܫܘܼܪܵܐ؛ ܠܥܹܕܲܬ݂ ܩܘܼܕܫܵܐ.

ܘܒܹܗ ܡܸܬ݂ܢܲܛܪܝܼܢ؛ ܟܠܗܘܿܢ ܝܲܠܕܹܝ̈ܗ̇؛ ܒܐܲܪ̈ܒܲܥܦܸܢܝܵܢ.܀