Slotha Mar Dawthultha|ܨܠܘܿܬ݂ܵܗ̇ ܡܵܪܝ ܕܲܒ݂ܬ݂ܘܼܠܬܵܐ|ܨܠܘܬܗ ܡܪܝ ܕܒܬܘܠܬܐ

ܨܠܘܿܬ݂ܵܗ̇ ܡܵܪܝ ܕܲܒ݂ܬ݂ܘܼܠܬܵܐ ܩܲܕܝܼܫܬܵܐ ܘܒ݂ܵܥܘܼܬ݂ܵܗ̇ ܕܐܸܡܵܐ ܡܒܲܪܲܟ݂ܬܵܐ: ܘܬܲܟ݂ܫܲܦ̮ܬܵܗ̇ ܘܬܲܚܢܲܢܬܵܗ̇ ܕܡܲܠܝܲܬ݂ ܛܲܝܒ݁ܘܼܬ݂ܵܐ: ܡܵܪܬ݁ܝ ܡܲܪܝܲܡ ܛܘܼܒ݂ܵܢܝܼܬ݂ܵܐ. ܘܚܲܝܠܹܗ ܪܲܒܵܐ ܕܲܨܠܝܼܒ݂ܵܐ ܙܲܟܵܝܵܐ: ܘܥܘܼܕ݂ܪܵܢܵܐ ܐܲܠܵܗܵܝܵܐ: ܘܒ݂ܵܥܘܼܬܹܗ ܕܡܵܪܝ ܝܘܿܚܲܢܵܢ ܡܲܥܡܕ݂ܵܢܵܐ: ܘܕܲܫܠܝܼܚܹ̈ܐ ܛܘܼܒ݂ܵـܢܹ̈ܐ: ܘܕܲܐܒ݂ܵܗܵܬ݂ܵܐ ܢܲܨܝܼܚܹ̈ܐ ܡܣܲـܒ݁ܪ̈ܵܢܹܐ ܕܙܲܕ݁ܝܼܩܘܼܬ݂ܵܐ: ܘܙܵܪ̈ܥܲܝ ܫܲܝܢܵܐ ܒܲܒ݂ܪܝܼܬ݂ܵܐ. ܘܕܲܐܒ݂ܘܼܢ ܙܲܗܝܵܐ ܘܩܲܕ݁ܝܼܫܵܐ ܡܵܪܝ ܐܲܒ݂ܵܐ ܩܵܬ݂ܘܿܠܝܼܩܵܐ: ܘܡܵܪܝ ܐܸܣܛܲܦܵܢܘܿܣ ܒܘܼܟ݂ܪܵܐ ܕܣܵܗܕܹ̈ܐ: ܘܲܕ݂ܓܲܢܒܵܪ ܚܲܝܠܵܐ ܡܵܪܝ ܓܝܼܘܲܪܓܝܼܣ ܣܵܗܕܵܐ ܢܲܨܝܼܚܵܐ: ܘܲܕ݂ܡܵܪܝ ܦܠܵܢ..: ܘܲܕ݂ܡܵܪܝ ܐܵܘܓܹ݁ܝܢ ܛܘܼܒ݂ܵܢܵܐ ܘܲܕ݂ܟ݂ܠܵܗ̇ ܣܝܼܥܬܹ݁ܗ ܪܘܼܚܵܢܵܝܬܵܐ. ܘܕܲܫܡܘܿܢܝܼ ܘܕܲܒ݂ܢܹܝ̈ـܗ̇: ܘܲܕ݂ܟ݂ܠܗܘܿܢ ܣܵܗܕܵܘ̈ܗܝ ܘܩܲܕ݁ܝܼ̈ـܫܵܘܗܝ ܕܡܵܪܲܢ: ܬܸܗܘܸܐ ܠܲܢ ܐܲܡܝܼܢܵܐܝܼܬ݂: ܫܘܼܪܵܐ ܪܵܡܵܐ ܘܒܹܝܬ݂ ܓܵܘܣܵܐ ܚܲܣܝܼܢܵܐ: ܕܬܸܦܪܘܿܩ ܘܲܬ݂ܦܲܨܸܐ ܘܲܬ݂ܫܵܘܙܸܒ݂ ܘܲܬ݂ܢܲܛܲܪ ܠܦܲܓ݂ܪ̈ܲܝܢ ܘܢܲܦ̮̈ـܫܵܬܲܢ ܡ̣ܢ ܒܝܼܫܵܐ ܘܚܲܝܠܵܘܵܬܹ̈ܗ ܒܟ݂ܠܗܘܿܢ ܙܲܒ݂ܢܹ̈ܐ ܘܥܸܕܵܢܹ̈ܐ: ܡܵܪܵܐ ܕܟ݂ܠ. ܐܲܒ݂ܵܐ ܘܲܒ݂ܪܵܐ ܘܪܘܼܚܵܐ ܕܩܘܼܕ݂ܫܵܐ ܠܥܵܠܡܝܼܢ. ܘܥܵܢܹܝܢ: ܐܵܡܹܝܢ ܒܲܪܸܟ݂ܡܵܪܝ