Tawdi L'thawa (ܬܵܘܕ̇ܝܼ ܠܛܵܒ̣ܵܐ)

Text

ܥܹܐܕܵܐ ܕܓܸܠܝܵܢܹܗ ܕܡܵܪܲܢ
ܬܸܫܒܘܿܚܬܵـܐ: ܬܵܘܕ̇ܝܼ ܠܛܵܒ݂ܵܐ
ܒܝܲܕ݂: ܡܵܪܝ ܢܲܪܣܲܝ ܡܲܠܦܵܢܵܐ

1
ܬܵܘܕ̇ܝܼ ܠܛܵܒ݂ܵܐ ܕܚܲـ̣ܪ̣ܲܪ ܓܸܢܣܲܢ : ܡ̣ܢ ܥܲܒ݂ܕܘܼܬ݂ܵـܐ ܕܒ݂ܝܼܫܵܐ ܘܡܵܘܬܵܐ܀
2
ܫܲܝܸܢ ܥܲܡܲܢ ܟܸܢܫܲܝ̈ ܪܵܘܡܵــــــܐ : ܕܪܲܓ݁ܝܼܙܝܼܢ ܗَܘ̣ܵܘ ܡܸܛܠ ܥܵܘ̣ܠܲــــܢ܀
3
ܒܪܝܼܟ݂ ܚܲܢܵܢܵܐ ܕܟܲܕ݂ ܠܵܐ ܒܥܲܝـ̣ܢܵܝܗܝـ : ܢܦܲܩ̣ ܒܲܒ݂ܥܵܬܲܢ ܘܲܚܕ݂ܝܼ ܒܚܲܝܲܝ̈ܢ܀
4
ܘܨܵܪ ܕܸܡܘ̈ܵܬ݂ܵܐ ܕܐܲܒ݁ܝܼܕܘܼܬܲܢ : ܘܲܕ݂ܦܘܼܢܵܝܲܢ ܒܥܸܪܒܵـــــܐ ܕܲܛܥ̣ܵــــــــــܐ܀
5
ܝܵܪܬܵـܐ ܘܲܒ݂ܪܵܐ ܩ̣ܪܵܝܗܝـ ܠܲܟ݂ܝܵܢܲܢ : ܕܲܛܥ̣ܵܐ ܘܲܦܢ̣ܵܐ ܘܡܝܼܬ݂ ܘܐܸܬ݂ܢܲܚܲܡ܀
6
ܘܚܲـ̣ܕ̇ܝܼ ܠܟܸܢܫܹ̈ــــــܐ ܖ̈ܘܼܚܵܢܵܝܹـــــــــܐ : ܒܲܬ݂ܝܵܒ݂ܘܼܬܲܢ ܘܲܒ݂ܢܘܼܚܵܡܲܢ܀
7
ܠܵܐ ܡܸܬ݂ܡܲܠܲܠ ܚܘܼܒܵـــــــܐ ܪܲܒܵــــــܐ : ܕܚ̣ܵܘܝܼ ܨܹܐܕܲܝܢ ܪܵܚܹ̇ܡ ܓܸܢܣܲܢ܀
8
ܕܡ̣ܢܹܗ ܕܓܸܢܣܲܢ ܥ̣ܒܲܕ݂ ܡܸܨܥܵܝܵـــܐ : ܘܪܲܥ̣ܝܼ ܠܥܵܠܡܵــܐ ܥܲܡ ܪܲܒ݁ܘܼܬܹܗ܀
9
ܪܲܒܵܐ ܗَܝܼـ ܡ̣ܢܲـــــܢ ܘܡ̣ܢ ܟܠ ܒܸܖ̈ܝܵܢ : ܚܕ݂ܲܬܵܐ ܕܲܣ̣ܥܲܪ ܨܹܝܕ݂ ܐَܢܵܫܘܼܬܲܢ܀
10
ܕܥ̣ܲܒ݂ܕܹܗ ܠܦܲܓ݁ܪܲܢ ܗܲܝܟܲܠ ܩܘܼܕ݂ܫܵـــــܐ : ܕܲܢܡܲܠܹܐ ܒܹܗ ܣܸܓ݁ܕܲܬ݂ ܟܠܵܐ܀
11
ܬܵܘ ܐܲܖ̈ܥܵܢܹܐ ܘܲܫܡܲܝܵܢܹ̈ܐ : ܬܗܲܪܘ ܘܐܸܬ݁ܕܲܡܲܪܘ ܒܪܲܒ݁ܘܼܬ݂ ܕܲܪܓ݁ܵܐ܀
12
ܕܲܡܛ̣ܵܐ ܓܸܢܣܲܢ ܠܪܵܘܡܵــــــــܐ ܪܲܒܵــــܐ : ܕܐܲܠܵܗܘܼܬ݂ܵܐ ܕܠܵܐ ܡܸܬ݁ܕܲܪܟܵܐ܀
13
ܫܡܲܝܵܐ ܘܐܲܪܥܵــــܐ ܘܟ݂ܠܡܵܐ ܕܲܒ݂ܗܘܿܢ : ܢܵܘܕ̇ܘܿܢ ܥܲܡܲܢ ܠܡܵܘܪܸܒ݂ ܓܸܢܣܲܢ܀
14
ܕܚܲܕܸ̇ܬ݂ ܨܲܠܡܲܢ ܘܲܥܛ̣ܵܐ ܥܵܘ̣ܠܲــــܢ : ܘܲܩ̣ܪܵܢ ܒܲܫܡܹܗ ܘܫܲܥܒܸ݁ܕ݂ ܠܲܢ ܟܠ܀
15
ܫ̇ܵܘܿܐ ܠܫܘܼܒ݂ܚܵܐ ܡ̣ܢ ܟܠ ܦܘܼܡ̈ܝܼܢ : ܗܵܘ̇ ܕܐܲܪܝܼܡܲܢ ܠܥܸܠ ܡ̣ܢ ܟܠܵــܐ܀
16
ܘܢܹܐܡܲܪ ܟܠܲـــܢ ܠܹܗ ܬܸܫܒ݁ܘܿܚܬܵـܐ : ܠܥܵܠܲܡ ܥܵܠܡܝܼܢ ܐܵܡܹܝܢ ܘܐܵܡܹܝܢ܀