Umra Damle|ܥܘܼܡܪܵܐ ܕܲܡܠܸܐ|ܥܘܡܪܐ ܕܡܠܐ

ܕܒ݂ܵܣܵܠܝܼܩܹ̈ܐ. ܒܟ݂ܠܹܗ ܙܲܒ݂ܢܵܐ. ܡܵܪܝܵܐ ܒܹܝܬ݂ ܡܲܥܡܪܵܐ ܗ̤ܘܲܝܬ݁ ܠܲܢ ܠܕ݂ܵܪܕܵܪ̈ܝܼܢ: ܐܝܼܠܵܢܹ̈ܐ ܕܦܹܐܪܹ̈ܐ ܘܟ݂ܠܗܘܿܢ ܐܲܪ̈ܙܹܐ. ܐܵܘܬ݁ܒܹܗ ܥܲܠ ܥܘܼܫܢܵܗ̇ ܕܐܲܪܥܵܐ: ܒܲܪܢܵܫܵܐ ܒܐܝܼܩܵܪܹܗ ܠܵܐ ܐܸܬ݂ܒܲܝܲܢ. ܕܨܘܼܪܬܵܐ. ܢܸܗܘܸܐ ܐܲܒ݂ܵܐ ܠܣܘܿܓ݂ܵܐܐ ܕܥܲܡܡܹ̈ܐ. ܐܲܪܥܵܐ ܕܡܲܪܕܝܵܐ ܚܲܠܒ݂ܵܐ ܘܕܸܒ݂ܫܵܐ. ܥܘܼܡܪܵܐ ܕܲܡܠܸܐ ܒܘܼܣܵܡܹ̈ܐ. ܐܸܬ݂ܝܼܗܸܒ݂ ܠܹܗ ܠܐܵܕ݂ܵܡ ܐܲܒ݂ܵܐ ܕܟ݂ܠܵܐ. ܘܲܢܦܲܩ̣ ܡ̣ܢܹܗ ܒܝܲܕ݂ ܪܲܦܝܘܼܬܹܗ. ܘܕܲܥ̣ܒܲܪ ܥܲܠ ܦܘܼܩܕܵܢܵܐ ܕܲܒ݂ܪܹܗ ܒܝܼܫܵܐ. ܘܐܲܫܠ̱ܡܹܗ ܘܲܠܝܲܠܕܵܬܹ̈ܗ ܠܡܵܘܬܵܐ ܝܲܥܢܵܐ. ܘܕܲܚ̣ܙܵܐ ܒܵܪܘܿܝܵܐ ܕܐܸܬ݂ܚܲܒܲܠ ܡ̣ܢ ܬܪ̈ܲܝܗܘܿܢ ܬܘܼܩܵܢܹܗ. ܫ̣ܲܕܲܪ ܠܲܒ݂ܪܹܗ ܘܦ̣ܲܪܩܹܗ ܡ̣ܢ ܐܝܼܕܲܝ̈ܗܘܿܢ. ܘܲܚܠܵܦ ܝܵܪܬ݁ܘܼܬ݂ܵܐ ܕܐܝܼܠܵܢܹ̈ܐ. ܝܲܗ݇ܒ݂ ܠܹܗ ܥܘܼܡܪܵܐ ܒܲܫܡܲܝ̈ܵܐ. ܘܲܕ݂ܪܲܫ̣ ܐܘܼܪܚܵܐ ܠܐܵܕ݂ܵܡ ܘܲܠܝܲܠܕܵܘ̈ܗܝ ܡ̣ܢ ܫܝܘܿܠ ܬܲܚܬܵܝܬܵܐ. ܠܗܵܘ̇ ܐܲܬ݂ܪܵܐ ܕܠܵܐ ܡܲܡܡܪ̱ܚܝܼܢ ܥܝܼܪܹ̈ܐ ܠܡܸܥܲܠ ܕܸܚ̱ܠܬ݂ܵܐ. ܘܥܲܠ ܐܲܦܲܝ̈ ܗܵܕܹܐ ܢܸܩܥܸܐ .ܘܢܹܐܡܲܪ. ܫܘܼܒ݂ܚܵܐ ܠܪ̈ܲܚܡܲܝܟ ܡܵܪܵܐ ܕܟ݂ܠܵܐ: ܬܢܝܼ. ܘܫܲܒܲܚ. ܒܵܗ.